رواية_غرغريــــــــــــטּة
الحلقة الثانية و العشــــــــــــرون
ياخوي دايرتك سند في ضهري
تحيد غبنتي وزايد غصايص قهري
.
قلتلها
يا الحنونة
يا الباهية في خوك وقت الشونة
يا مخيبة الشامت انجاب ضنونة
يا الأخت راني خوك سر وجهري
إنتي الكنز لنا راك يا مصيونة
يا الراوية بحنك جناين زهري
.
#منقول
نشوف لفتحي ومازلت مصدوم من هذا يلي مضبطاته وتبكي !!
فتحي" دفها بقوة وهو مصدوم: تي حولي غادي تي شن هالعار من انت ! مجنونه ولا شن !
قالت بعبره : فتحي اني امال " وقلعت النقاب من ع وجها"
معاذ" ع طول بعدت عيوني عنها وابتسمت بفرح "
فتحي" بصدمه : امال اوخيتي امال !
امال" تبكي : اي يا اوخيي اي " ورجعت حضناته بقوة"
معاذ" نسمع فيها تبكي وفتحي لاول مرة نسمع عبرته !! ابتسمت بالم : كان يكابر ومايبيش يقابل حد من اهله وتريته داس حن ليهم " شفت لراجل يلي واقف ع السيارة وهو يشوفلهم ويبتسم والدمعه ف عينه .. لما شافني شفتله جاني
الراجل: السلام عليكم
معاذ وعليك السلام
الراجل " مد ايده وسلم: كيف حالك
معاذ" سلمت عليه: تمام الحمد لله كيف حالك انت
الراجل: بخير .. انا اسامة نسيب فتحي
معاذ: مرحبتين بيك وانا معاذ صاحبه " تقدم اسامه لفتحي يلي مزال عبرته مسموعه وصوت اخته وهي تعدد وتقول معقول تطلع عايش وماتقوليش معقول انا اختك راه " خليتلهم المجال يعبرو ع كيفهم يقلك اصعب لحظات لحظات الوداع ماجربوش لحظات اللقاء بعد عشر سنين بعد تحط بنادم مكان المتوفيين ويطلعلك حي !! .. اتجهت للحوش وانا نسمع فيها تقول:
اميمتي ماتت ماتت وهي تتمني تشوفك لحظه وتقول غير يجيبوهولي ميت راضيه غير يقولولي وين اندفن ونرتاح كبدتي تليعت
ومزال تقول ف كلام يخليني نشد عبرتي يلي خانقتني بالسيف
مش عارف علاش بديت سريع البكاء ودمعتي ع طرف عيني !
صبر السنين كلها راح من يوم طلعت بدت نفسي رهيفه
خشيت للحوش وانا مازلت نفكر
كيف عرفت اخته انه عايش ؟؟ وكيف اصلا عرفت الحوش!!! وهي ف الشرق شن عرفها !!
زعمه فتحي خبرها ؟؟ لا لا مستحيل هو قال انه مايبيش حد يعرف انه طلع عايش
وتاني شي هو ماعنداش نقال اصلا باش يواصل مع حد ومن يوم جا عندي ماطلع برى المنطقه !
زعمه فرج !! لكن فرج مايعرفش لا اسم اخته ولا حتى انها متزوجه ف الشرق!!
غريب كيف عرفت !!
لقيت مريم طالعه م الكوجينه واول ماشافتني جتني وسلمت
