طول الطريق وانا ساند راسي ع الكرسي ونقول يارب نحس حتى الدعاء هرب مني ومعش نعرف حتى شن نقول
وقفت السيارة فتحت عيوني وع طول انفتح الباب وجروني جران تقول نعجه رافعينها لدبيحه وفوق منها سب وشتم باقبح الالفاظ وانا نستغفر باش نحاول نتغاظى عنهم ومانعصبش بدات ف سبان الدين يلي الباين ان بدا ك شرب لمية لفيت ورايا لفتحي يلي يتوجع من جروحه
والحاج محمد يلي مسكين حصل معانا وباين ورطناه توريطه شينة ويستر الله عليه وعلينا
جتني ضربه قوية ع ظهري لين حسيته بينكسر
: تي شوف القدام ي عن ### اصلك مرة وحده
دخلونا وحذفونا ف حبس
: نسمع حسك انت واياه تشوفو شي مايعجبكمش بس يجي الافندي هشام يشوف قصتكم
الحاج محمد ( وهو يبكي: ياودي والله مادخلني انا بس ركبتهم سيارتهم خربت والله مادخلني
قال واحد من يلي واقفين ع باب الحبس : تي صكر فمك صكره
تكلمت: ياراجل افهم والله هذا مادخله والله ماليه علاقه بينا ولا يعرفنا طلعوه خلوه يمشي لعويلته حرام عليكم
: تي يا عن### تي قلتلك معش تحل فمك
تكلم واحد جنبه :معش تناقشهم يجي الافندي ويشوف شن قصتهم
: تي ياراجل واضحه قصتهم واضحه
رد عليه: فوتهم تو تو يتحاسبو ( وطلعو وصكرو علينا الباب ع طول اتجهت لحاج محمد يلي يرعش مع بعضه: هدي ياعمي هدي مايصير الا الخير
الحاج محمد : اي خير ياولدي اي خير كاني ندري عليكم من هدوك الجماعة راه ماركبتكم بترزوني ف عمري
فتحي " تكلم وهو يتوجه: تي اي جماعة واي هم احرف تي فهموني خيرها البلاد مزالت متقربعه ولا شن القصه
الحاج محمد : تو له عليك ياولدي بترزينا ف اعمارنا تو شن خلاك تنوض تهتف وتنوض الماضي ياولدي له عليك
معاد وانا مش فاهم شي بكل : ياعمي فهمنا رانا مافاهمين شي شن يلي صار ف هالعشر سنين
الحاج محمد : تي انا يلي مش فاهمكم تو بعقولكم انتم بعقولكم تم انتهى كل شي لاش تردو فينا ف هديك لايام
فتحي" بعصبية: تي شن تخرف ياراجل شن تقول تي احنا يلي مافهمين شي تي من هدم لكلاب يلي شادينا
الحاج محمد " مخلوع:، اسكت اسكت ياولدي سادنا تبهديل تو يسمعوك يجو يقتلونا
معاد : غير قعمز ياعمي قعمز عن يرقالك الضغط " شفت لفتحي: اسكت انت اسكت بتودرنا راك
الحاج محمد " قعمز وتنهد: خلاص فات فينا ماعاد طالعينها من هنا حيين
معاد" قعمزت جنبه : ياعمي غير فهمنا احنا ف ايدين من تو
الحاج محمد : كتيبة الـــ.....
فتحي: ومن هدم ان شاء الله غير مش من جماعة سيف وانشق ع بوه
