تضايق لكن تستاســــــــــــ؏ ✨️
فضل الله علينا واســــــــــــ؏ 🤍
.
.
روحت للحوش وخشيت وانا نسمع ف دوشه خواتي وضحكهم
ياقداش رايقين الحق مش وقتهم ومعز مهناش ومرته مطلقها !!
خشيت بنهزبهم لقيت امي معاهم وتضحك وتمسح ف دموعها من كثر الضحك
فرحت لاول مرة من روحت نشوفها تضحك
مريم: غير اصبرووو تذكرو يوم جتنا عمتي صالحه ورنا من كثر كرهه ليها دارتلها شاهي مالح
رنا: ههه واك اسكتي كارهتها لتو وهي لاصقه فيا بالسيف تبيني لولدها يلي رايح بالو لمعكف
"سكتت لما شافتني ونزلت راسها متحشمه"
معاذ: ها خير شن تقرمو وقالبينها ضحك
مريم: مش قرمه غير نذكرو ف مواقف زمان
معاذ: ربي يعطيني جوكم هذا
ريهام: تي فوت النكد وانت من يوم روحت عبوس ماشفناش حتى ابتسامتك تي الدنيا قداش بتعيشها مرة
الام: تنحل ياولدي كل شي ينحل زي ما انحل غيره هاهو شعري شاب من كثر المشاكل لكن راضيين بحكم ربك
معاذ" فرحت بكلام امي واستبشرت خير وانها ممكن تتحسن لو خلت هالكلام ف عقلها ومعش تتغشش: به وين منيرة غريبه ماجتش؟
رنا: بنتها مريضه ماقدرتش تخليها
معاذ: وجابتها معاها
ريهام: عاد انت ماتبيش الدوشه وزياده بنتها لما تمرض تقعد الا تبكي
معاذ: ايح عاد شادينها ف جرتي ماتبيش الدوشه وماتبيش الصغار تي عادي والله الا نبيهم غير تعودت ع الهدوء ف هالسنين وابسط دوشه راسي يصدع لكن عاد مش تحرمونا من صغاركم وتحرموهم منا تو بيكرهوني يقولو خالنا مايبيناش
رنا: لا والله ماقلنالهمش انك ماتبيش الدوشه خليناهم وقلنالهم جدك مريض .. بعدين عادرينك وعارفين كيف عشت وعندك الحق
معاذ" مشيت قعمزت : باه تعالولي جاي من فيكم يلي وصلت لاخت صاحبي وجابتها هنا
"شافو لبعض : تي تكلمو شن تتفرجو ع بعض
رنا: كيف مافهمتش؟
معاذ: صاحبي فتحي يلي جت اخته هو ماقالش لحد انه عايش واخته ف الشرق شن عرفها انه عايش وشن عرفها بحوشنا؟؟؟
ريهام: بالك هو ناداها
معاذ: تي امالا لاش نسال فيكم كان هو قلها .. هو بروحه قال ان فيه من العيلة تواصل معاها ع النت ووصلها للحوش
ريهام: انا لا نعرفها ولا اصلا نعرفه هو صاحبك من وين
معاذ"شفت لرنا: تطلعي الا انت يلي داكه راسك ف النقال ديما
رنا: ههههه والله ما انا خيرك معايا مش ديما شاداته
معاذ"شفت لمريم يلي ساكته"
