فارغة أماكنهـــــم ،رحلو وتركوا لنا عبث الذكريـــــــات وقســـــــوة الحنيـــــــن اللهم أرحـــــــم من أخذهم المـــــــوت عنـــــــا اللهم أجعلهم يبتســـــــون فرحـــــــا
...
رغم اضواء يلي تحيط بالمستشفى ومخلية المكان كله ضاوي
وكان ف عز النهار مش ليل
لكن حاس اني ف عتمه !!
حاس اني ف بير مظلم!!
حاس اني ف قاع غارق مانشبح ف شي ولا نسمع ف شي وصورة امي بين عيوني وكلام منيرة عني وان شن جابني؟؟؟
امي بتموت وبيفقدوها خوتي بسببي !
بتموت وانا السبب!
كنت ميت علاش رجعت حي باش نقتل امهم !
شن بيديرو بيا وليهم حياتهم انا مش مهم عشت ولا متت تو امهم هي الاهم
ماندري كم فات من الوقع وانا مقعمز نستنى
قررت انوض ونمشي مش متحمل نشوف وجوهمم وقت يتهموني اني قتلتها
لازم نرجع نختفي
ونموت زي ماكنت ميت ونختفي
مش متحمل نشوف جنازه امي ونمشي فيها وانا قاتلها
مش متحمل
وقفت ومشيت بخطوات بالسيف قدرت نخطوها وانا نمسح ف دموعي يلي ماقدرتش نوقفها
معــــــــــــاذ
مانبيش نوقف مانبيش نسمع كلمه امك ماتت بسببك
: معــــــــــــاذ
خلاص بنمشي ونخليكم سامحوني مانبيش نشوف نظراتكم ليا
: تي معــــــــــــاذ
شد كتفي ولفني ليه : خيرك ياراجل انادي فيك وين ماشي؟؟
بالم يعصر قلبي: سيبني ياوليد سيب مش قادر نحط عيني ف عينك قتلتها انا قتلتها
: بعيد السو ياراجل امي حيه مافيها شي
بفرح وقلبي يدق بقوووة: حية حق ولا تكذب
وليد" ابتسم: والله حق حية الحمد لله بس هبطلها الضغط والسكر والله الا حية تعال تعال شوفها
طحت مقعمز ع ركابي : لك الحمد يارب لك الحمد
وليد" شد ايدي: اوقف ياراجل اوقف لا تخافك والله الا صحيحه الحمد لله هاهي مركبينلها التغدية وتبي تشوفك راه تبكي وادوخ تاني بسرعه مش مصدقه انك عايش لتو
شدني من ايدي وماقدرتش نعارض وخش بيا للمستشفى وانا نمشي بدون وعي ومافيش ع لساني غير الحمد لله الحمد لله دائما وابدا
خشيت وشفت امي راقده ع السرير ومنيرة واقفه جنبها وتمسح ف دموعها اول ماشافتني امي مدت ايدها ليا
: واليدي تعال جاي تعال
مشيتلها وشديت ايدها وبستها
امي : الحمد لله انك عايش الحمد لله ماخيب رجايا الحمد لله
قلت بصوت حاولت نخفي العبرة يلي خانقتني : والحمد لله يلي خلاني نتحمل كل شيء باش نشوفك لحظه بس وبعدها لو متت عادي
