رآقـــــت..
..
تغيّرت واااجد يا الوقت علينا..
واقسيت واجد يالوقت خساره..
أيام الزها ماعاد فيك إلقينااااا..
وصارت أياامك قااسيه جوَّاره..
ولله من مرّك اليوووم ارويناااا..
ومن بعد مرّك ماهناااااك مرَارَه..
ومعاك يالوقت العطيب اشقينا..
لاحن تعرف لا اتحب ابصااااره..
لكن تعووووودناا وعليك خدينا..
وكسرك عرفنا كي ايكون اجباره.
#الشاعر_حسام_ابوكرش
بعد هدرزنا شوي قلتلهم بنمشي نشوف معز
فتحي: وصي لعويلة يعتبرو الشقة شقتهم ويتصرفو ع راحتهم
معاذ: الله يبارك فيك جمايلك مانقدرش نردهم
فتحي" شافلي بغيض: هي ياهشام هي عن نرزيك فيه "طلع وطلع وراه هشام يضحك "
معاذ" ابتسمت وخشيت الداخل : مريم مريم
مريم" طلعت م الدار: نعم
معاذ: بويا شن حاله تو
مريم: اتكى رقد وامي عطيتها حبة منوم باش ترتاح
معاذ: به كويس طالع شوي ماشي لمعز
مريم: رد بالك مرات يتلقوك
معاذ: مايصيرلي شي المهم كان صار شي ع طول كلميني مرات حتى نعطل وهوينه الكوجينه كان تبو شي
مريم: ان شاء الله
معاذ" طلعت ونزلت لقيت فتحي وهشام ف سيارة هشام ركبت معاهم واتجهنا للمستشفى
لقيت ف الممر عماد ولد عمي عمران اتجهت لعنده : ها وين معز
عماد: هاهو كيف طلعوه م العمليات
معاذ" بصدمة: خيره شن فيه ؟
عماد: اطمن ايده بس مكسورة داروله بلاتين .. والله الا متحشمين منكم امجد كم مرة يهدد ونهدو فيه ودارها دارها
معاذ: لاحول ولاقوة الا بالله هو مشكلة ان سبب ف كارثه اخرى
عماد: اي قالي عادل
معاذ: به من هذا يلي مخلط عليه خوك
عماد : صاحبه وكم مرة نعاركو فيه معش يخالطه وهو مصكر راسه
معاذ: ماني عارف شن نقول
عماد: امجد سلمه عادل للمركز لان شاهد وهو سبب العركه
معاذ : ووليد سلم روحه خلي مرة اخرى يتربو معش يديرو هالمشاكل ..خلي نشوف معز "خشيت لمعز واطمن عليه ان حاله باه ويقدر يطلع غير لين يمر عليه الدكتور.. استنينا شوي وطلع معز ووصلنا هشام لشقه وفتحي قال انه ماندوروهش وانه تو يدور وين يرقد وتحشمت منه هلبا معش عرفت حتى شن نرد عليه رقيت لشقه
لقيت معز ومريم مقعمزين قعمزت : بويا وامي وين
مريم: بويا نايض ف الدار وامي مزال ماشي بيها النوم
