(كـن مـسـتـعـداً لـلـسـيـر وحـدك، فـالـجـمـيـع مـؤقـت هـنـا، حـتـى أولـئـك الـذيـن بـدأو مـعـك الـطـريـق لـن يـكـمـلـوه أبـداً..
🖤
شهقت بقوة بعد ماحسيت بروحي بتطلع من جسمي حطيت ايدي ع صدري نتنفس بسرعه ونتعوذ من الشيطان الرجيم من هالحلم يلي شبه كل يوم ورفعت ايديا ومسحت بيهم وجهي وبديت نستغفر
: اكيد كابوس زي كل يوم
بعدت ايديا عن وجهي ولفيت لفتحــــــي
فتحي : متكي ع الفراش وساند راسه بايده واليد التانية مريحها ع رجله اليمين : خاطري نعرف ب شن تحلم بس
: هههه اكيد يحلم بكابوس الحرية
لفيت لمصدر الصوت التاني ويلي هو صاحبنا فــــــرج يلي مقعمز ع الحصيره وشاد دخان يدخن
فتحي : فكنا من هالسم يلي ادخن فيه مش ناقصين ثلوث بتقتلنا بالريحه
وقف فرج وجا جنبه وبضحكه مستفزه : لاتخافك هو ميتين ميتين تو ولا بعدين ب سم ولا ثلوت ولا جوع
وبدت مناقشه عقيمه كالعاده .. حسيت بصداع زاد عليا وقفت ولبست شبشبي واتجهت للحمام يلي ف نفس الغرفه وماكان يفصل بينه وبينها غير ستار !! توضيت بشيشه لمية يلي واصله لنص لان نسينا حاجه اسمها امية شيشمه ولازم نقتصدو شفت لوجهي ف جزء البسيط يلي قعد من لمراية وانصدمت مش شكلي يلي بان عليه الكبر !! عاد تو عمري 35 سنه ياودي مش شوي حتى الشيب بدا يطلع عليا !
وطلعت وطرحت الصلاية وصليت ركعتين وبعدها قعدت نستغفر اتجهت للفراش من جديد وقعمزت وفتحي وفرج النفاخين مزال ف نقاشهم يلي بدون فايده زي مايوصفوها هما تتضيع وقت ؛
دكيت ايدي تحت المخده وطلعت الدفتر يلي عندي ويلي نسجل فيه ف التاريخ وبعض من يومياتي البسيطه والمهمه باش مايتمش الدفتر عليا نكتب بخط يادوب ينشبح شفت لتاريخ .. 11/1\2022 ياسبحااان الله عشر سنوات فاتت وانا هنا عشر سنواااات منقطع عن العالم الخارجي عشر سنواااات ف سجن تحت الوطاء والله اعلم ف اي منطقه هو !؟؟ ايام وايااام فاتت و لا حد فينا هنا توقع انه بيعيش لعشر سنوات !! وهو ف مكان اشبه بمقبره جماعية !..
انسلت الدفتر من بين ايديا رفعت عيوني لقيته فرج
فرج : تي مافضاك وانت تسجل ف التواريخ وف يومياتك ع اساس يعني بتطلع من هنا وتقراهم لاحفادك ولا اشبح من يلقاهم بعد موتك تي بنموتو كلنا هنا ويدفنونا جماعي لا من شاف لا من درى
ســــــالم : تفائلو بالخير تجدوه ماتندري ع الدنيا ف لحظه تفراج
شفت لصاحبنا ســــــالم يلي متكي ف تركينه بعيده شوي ياقداش هالانسان متفائل ويعطي فينا ف طاقات اجابيه كل يوم يحسسك ان انت ف نعمه ولازم تحمدك ربك عليها لان البتلاء ماجاء الا لمحبه ربي لينا زي مايقول
