﴿يَـــا صَاحِبَــــــيِ السِّجْـــنِ﴾
الطيبون يبحثون عن أي معنى للصحبة والأشرار ينقبون عن كل معنى للعداء.
"﴿يَـــا صَـــاحِبَـــيِ السِّجْـــنِ﴾
تألف قلوبهم بهذا النداء والشراكة في محنة السجن....
قلوبنا تنجذب لمن يشاركنا ذات الألم.
"﴿يَـــا صَـــاحِبَـــيِ السِّجْـــنِ﴾
في كل مكان فرصة لبناء صحبة جديدة فلا تتركوا لين الكلام فأنه يجمع القلوب
… .
من هول الصدمه والفاجعه يلي ماقدرتش نتحملها معش قدرت نسيطر ع روحي وقعدت نبكي بقوة وانهيار
خالد: طول وعرض تو تبكي وتندب زي النسون وفر بكاك لبعدين ولا نقلك راك شوي ولاحقه لا تخافك " ضحك وضحكو الكل معاه ماعدا الافندي هشام"
الافندي هشام " بصوت صارم: خـــــــــالد " سكتو كلهم م الضحك قرب مني وانا منهار تماما ونبكي بقوة : واجعك صاحبك تو ؟ دارها بايده راه فاسكت خيرلك "صوت عالي وغضب: اسكــــــــــــت
وانا مستمر نبكي ونبكي وانا يلي ف عمري مابكيت قليل ماينزلو دموعي
لكن موت فتحي اخر رفيق ليا ف السجن خلتني ننهار كليا وننعزل ع العالم ومانسمع ف شي ولا نشوف غير ف المواقف يلي مرينا بيها انا وهو والشباب ف الحبس ... ماندري شن قال وشن يتناقشو وعلاش شدني يلي اسمه خالد وواحد ثاني ورفعوني يكركرو فيا وانا مازلت ع حالتي منهار و نبكي ونردد يـــارب يــــــارب رحمتــــــك يـــــــــارب
حذفوني ف حبس من جديد وحلولي الكليبشات وصكرو الباب بعد ما انهال عليا خالد بالسب يلي ماسمعتش منه شي لان صدمتي ف خسارة رفيقي فتحي تخليني نفقد حتى عقلي يلي جاهدت نحافظ عليه من الجنون من الهول يلي شفته ف عشر سنين بنفقده تو .. قعمزت واتكيت ومازلت نبكي بعبره ..
علاش ياربي رفعتهم كلهم وخليتني عايش يااااربي معش نقدر نتحمل فجايع ريحني وارفعني ليك يارب
...
مرت مده من الزمن باش قدرت نتماسك ونهدى.. واذكرت قوله تعالى: {كُلُّ مَنْ عَلَيْهَا فَانٍ} قعدت نستغفر وندعيلهم كلهم بالرحمه هذا حد جهدي ... نضت واتجهت للحمام الموجود توضيت وطلعت وقعدت نصلي وندعي ربي يرحمهم ويفرج عليا .. بعدها اتجهت للفراش الموجود ف ركن الغرفه واتكيت عليه وحاولت جاهد اني نرقد فعدت نقرا ف القران لبن مشى بيا النوم
.
.
نضت ع ردسه قوية ف جنبي خلتني انقز واقف نتوجع من قوتها وجتني ضربه اخرى من كتفي ..
خالد" بهزوة: جو النسون فكنا منه تره وتعال ورايا
تنهدت: به خليني نصلي الصبح
خالد" بهزوة: صار تعرف ربك به برى توكل
اتجهت للحمام حشاكم وتوضيت وطلعت لقيت خالد مزال واقف كبرت وصيت وطولت ف سجودي وانا ندعي يكون الافندي راجل حقاني ويصدقني ويقتنع .. كملت صلاتي وسلمت ووقفت
