مامن مواجع في الكنين
تحرّق ...
لا ينحكي بيها ولا تدرق...
شوق مواجع ...
لو تنحكى تسبب نصيب
فواجع ...
اليوم وقت ليا فالضمير
الرّاجع ...
زعم ننهلب كان الطريق
ايمرق ...
وهالشي طيّر نومهم
لمضاجع ...
نخاف ننهلب هالجاملة
تتفرق ...
تخاف نتّهم يبدا حديثي
ساجع ...
وهي المواجع في الكنين
تشرّق ...
رق عزومي ...
طاحت بعد كانت دليل
نجومي ...
يا نكسره هالقرن ولا
رومي ...
ولا عاد منهو فالنجوم
ايبرق ...
اللي قبل كانت عارضتنا
تومي ...
وتجري ورانا داهشة
وتعرق ...
ولاهو على كثر المواجع
لومي ...
لايم عللي فالنفوس يغرق ...
تحياتي مصطفى راشد الطالبي
.
.
جريت بسرعة وانا نرعش مع بعضي وقلبي حاسه بيطلع من كثر الخوف خطفتها بسرعه ورفعتها فوق قبل ماينشحط الحبل عليها ارتخت زدت خفت عليها وكنت مش مركز لحقت عليها قبل تشنق روحها ومالحقتش !
عقلي وقف مش قادر نفكر كيف بنحلها وانا شادها بايديا الاثنين مالقيت روحي الا وانا انادي بصوت عالي:
ولــــــــــــيد
وليـــــــــــــــــــــــــــــــــــــــــــــــــــــــد
وليد"جا يجري مخلوع واضح من صوتي يلي فيه رعشه ان فيه كارثه صارت لما شافني شاد امي والحبل ع رقبتها وقف يشوفلنا وعيونه مفتوحات وفمه مفتوح دليل الصدمة
معاذ" عصبت : تي تعاال بسرعة مش وقتك بتموووت امك بتمووت
وليد جا يجري وع طول حاول يحل الحبل ماقدرش طلع موس من جبه وقطعه وطاحت امي ع كتفي مرخية حطيتها ع الوطا وانا نرعش
وليد" برعب: ماااتت
معاذ" وايديا يرعشو وتنفحص فيها : لا لا تتنفس الحمد لله الحمد لله "قعدت نمسح ع وجهي نحاول نسيطر ع الرعشه الساكنه ف كل جزء من جسمي ونحمد ف الله"
وليد" تنهد: الحمد لله الحمد لله ك كيف صار شن صار بالزبط
معاذ: مش عارف مش عارف الحمد لله المهم الحمد لله وبس وليد ردد بالك تحكي لحد رد بالك لا خواتك لا بويا لا معز لا حد رد بالك تقول لمخلوق
وليد" هز راسه وهو مزال مش مستوعب : به حية ولا شن تاكد
معاذ: حية قلتلك حية انهضها معايا مفاصلي يرعشو مش قادر نوقف
وليد: تي احرف منك هاه " مد ايديه: مش قادر نسيطر حتى ع الرعشة
معاذ" شفت لامي يلي بين ايديا : الحمد لله انها بخير الحمد لله حاولت نوقف وننهضها وساعدني وليد ودخلتها ف المربوعه وخشيت للحوش لقيت خواتي قاعدات يهدرزو ومش حاسات بشي خديت المنوم م دولاب الكوجينه وطاسه امية وطلعت حاولت نعطيها الدواء ماقدرتش
وليد: خلي انوضوها به " بدا يهز فيها: يما يما
معاذ: يما
الام" فتحت عيونها بتعب : شن
