نحمد المولى ونشكره بقناعه..
علي ما عطانا وما رزقنا بيه..
ونصبر علي الأكدار بكل شجاعه
عنا.الغمام.بقدرته ايجليه..
هو اللي خلقنا وله سمع وطاعه.
وهو اللي بأمره.اندير ما يبيه..
عارف العمر امحودده بالساعه.
وارواحنا فيده وبين ايديه...
هو اللي خلق هالكون باتساعه.
عالم خفايانا وما نواريه..
خالق العبد بصيفته واطباعه.
الا بالتقوى يفضله ايعليه ..
يهون عليه الحي كثر اوجاعه.
والجرح بأذنه ايطيب وايداويه.
لو.كان نبقو للهدى تباعه...
نعمل بأمره وعزمنا انقويه..
برحمته لناومالنبي الشفاعه.
واللي ايحبه الله اساع يبليه..
خلو الدنيا الفانيه الخداعه..
مهما اتطول..كونها يفنيه.
نحنا عبيده.نكون مالركاعه..
منه وتحته وراجعين اليه..
يارب عفوك.مالبلاء وارواعه..
ندعو دعاناويالله.اتلبيه.
الحمدلله رب العالمين
.
.
فتحي" بخلعة : شن فيه شن فيه
معاذ" رفعت راسي م السجود وانا ماقدرتش نوقف دموعي: طلع براءة
فتحي" بفرح: لك الحمد يارب لك الحمد يارب" كبر وسجد سجود شكر لله وبعدها رفع راسه وضمني بقوة وهو يكرر لك الحمد يارب وانا ماقدرتش نوقفهم دموعي .. بعد عني ووقف : كيف صار به كيف صار
معاذ" شفت لنقالي محذوف نهضته لقيت الاتصال مصكر: مش عارف ما استفسرتش المهم هو طبع منها
فتحي: الحمد لله واحد زي منير يستاهل كل خير
معاذ: اي والله الحمد لله " وقفت واتحهت لصالون وف ايدي النقال نجرب نتصل بهشام وقعمزت"
فتحي: شن بتمشي لبوك
معاذ" ارتبكت نسيته بويا من فرحتي بالخبر .. رد هشام قبل مانرد ع فتحي: اا اهلا
هشام: هههه استوعبت الخبر !
معاذ" ابتسمت: قاعد مش مصدق
هشام: الحمد لله هو ع كل شيء قدير
معاذ : به كيف صار
هشام: قصه طويلة تو نحكيلك بتجو !
معاذ: اي "اذكرت بويا يلي ف العيادة: اا لا مايساعدنيش بوي ف العيادة بنمشي نشوفه
هشام: لاباس خيره
معاذ: ماتشوف باس تعب شوي
هشام: خلاص كون هاني انا تو نتوكل بيه
معاذ: مش عارف جمايلك كيف نردها
هشام: مش بيناتنا اصحاب راه
معاذ: الله يبارك فيك "صكرت الخط "
فتحي: فهمت كيف طلع براءة ف اخر لحظة؟
معاذ: لا قال قصه طويلة ..تو يهتم هشام ويطلعه .. بنمشي تو للعيادة
فتحي: هي هاهو ماشي معاك
..
..
سلتك يامجيب
يا من قال فالمصحف قريب
دعيت اشفيه
سلتك يا الحي
إللي لا اتغفل في لحظه علي
يا جبار يا قادر قوي
يا السميع يارب استجيب
رحيم كريم ماغيرك غني
يا قهار يا الحق الحسيب
نافع ضار يا الوالي العلي
يا فتاح يا الواحد رقيب
