(Unicode)
"ဝန်ကြီးတွေ အကုန်လုံး ရောက်နေပြီလား "
"ဟုတ်ကဲ့ ရောက်နေပါပြီ မင်းကြီး "
လွှတ်တော်ခန်းမရဲ့ တံခါးမှာ စောင့်ကြပ်နေတဲ့တံခါးစောင့်အမှုထမ်းရဲ့ အဖြေကြောင့် သူအထဲကို ဝင်သွားလိုက်၏ ။ အထဲရောက်တော့ ဝန်ကြီးအကုန်လုံး ရောက်နေပြီ ဖြစ်သည် ။ထိုသူတို့ကို တချက်ကြည့်ပြီနောက် Jin လက်ထဲက စာရွက်တွေကို ထိုသူတို့ဆီ ပြန့်ကျဲလိုက်၏ ။
"အဲ့စာရွက်ထဲက ပါတဲ့ အကြောင်းအရာတွေကို တစ်ချက်ဖတ်ကြည့်ကြစမ်းပါ .. ဘယ်လိုအကြောင်းအရာတွေ ရေးထားလဲဆိုတာကို ..."
Jin ပြောလိုက်တော့ အမတ်တွေကစာရွက်ကို ကောက်ယူပြီး ကြည့်နေကြ၏။
"ယောကျာ်းလေးဖြစ်တဲ့ ကြင်ယာတော်က မွေးထားလို့ အိမ်ရှေ့စံက ဘုရင် မဖြစ်ထိုက်ဘူး ၊ ယောက်ျားနှစ်ယောက်က မွေးဖွားလာတဲ့ အိမ်ရှေ့စံက ကလေးမရနိုင်ဘူး မြုံနေတာ ပြီးတော့ ဘာတဲ့ အိမ်ရှေ့စံရဲ့ တည်ရှိနေမှုက သဘာဝတရားကြီးကို အပြစ်လုပ်နေတာ ဟုတ်လား ...ဒီစကားတွေက ဘယ်သူတွေဆီက ထွက်လာတာလဲဆိုတာ ကိုယ်တော် သိပြီးပြီ "
သူပြောလိုက်တော့ ဝန်ကြီး တချို့ရဲ့ မျက်နှာက ပျက်ယွင်းသွား၏ ။
"ဒီလိုအတင်း အဖျင်းတွေကို အပြင်ကလူတွေကို မပြောပဲ ကိုယ်တော့်နဲ့ မျက်နှာချင်းဆိုင်ပြောပြီး မကျေနပ်တာတွေကို ဖြေရှင်းပေးရမလား ...အိမ်ရှေ့စံမှာ အဲ့ဒီကိစ္စတွေကလွဲရင် ဘယ်အရာမှာများ မှားယွင်းဖူးတာ ချို့ယွင်းဖူးတာရှိလဲ ..အိမ်ရှေ့စံ အခုအသက်အရွယ်မရောက်ခင် လွန်ခဲ့တဲ့ လေးငါးနှစ် ကတည်းက မိဘမဲ့ကလေးကျောင်းမှာ စေတနာ့ဝန်ထမ်းလုပ်တယ် မင်းဆရာသင်ပေးတဲ့ စာအကုန်အပြင် ကျောင်းစာ ပညာသင်ဆု လူမှုထူးချွန်ဆု နိုင်ငံ့စာပေ နိုင်ငံခြားဘာသာ အကုန်လုံးမှာ ထူးချွန်နေအောင် နေခဲ့တာက ဒီလိုတွေ အပြောဆိုခံရဖို့ မဟုတ်ဘူး ...ကြင်ယာတော်နဲ့ ကိုယ်တော်နဲ့က မွေးဖွားလာတာက လွဲရင် တခြား ဘယ်အရာမှယ ထောက်ပြစရာရှိလဲ တခြားကိစ္စနဲ့ ထောက်ပြမယ်ဆိုရင် ကြိုက်တဲ့အချိန် ထောက်ပြလို့ရတယ် အဲ့လိုပဲ နောက်တခေါက် ဒီလိုအတင်းအဖျင်းနဲ့ အိမ်ရှေ့စံကို ထိရင် နိုင်ငံရေးလောကရော စီးပွားရေးလောကရောမှာ ပျောက်ကွယ်သွားစေရမယ် ကြင်ယာတော်က သူ့သားတော်ကို ထိတဲ့လူဆို ဒီတိုင်းထားလိမ့်မယ်လို့ ယုံကြည်နေကြတာလား "
