(Zawgyi)
အီတလီက သံအမတ်လာတာကြောင်း တစ်နေ့လုံး အလုပ်ရှုပ်နေရသည် ။ မင်းကြီးလုပ်သူက ဧည့်ခံပေးနေတာကြောင်း ကြင်ယာတော်ဖြစ်တဲ့ကျွန်တော်က အေးအေးဆေးဆေးထိုင်နေလို့ မရ ။
"ဒီတစ်ခေါက် မဟာမိတ်ချုပ်ဆိုမှုအတွက် ကျွန်တော်တို့ဘက်ကနေ အကုန်ပို့ပေးပြီးသားလေ "
"ဒါပေမယ့် သမ္မတက အချက်အနည်းငယ်ကို ပြန်ပြင်စေချင်နေတယ် "
Jin ရဲ့စကားကို ခပ်အေးအေးပြန်ဖြေရင်း လက်ဖက်ရည်ခွက်ကိုချလိုက်သော အီတလီသံအမတ်ကြောင်း Yoongi မျက်မှောင်ကြုပ်လိုက်မိသည် ။ ဒီတစ်ခေါက် ငြိမ်းချမ်းရေးစာချုပ်ချုပ်ဆိုချက်အတွက် လုပ်ပေးသင့်တယ်ထင်တဲ့ အချက်အလက်အကုန်ကို ဝန်ကြီးတွေနဲ့တိုင်ပင်ကာ တစ်ဖက်နိုင်ငံသို့ ပို့ပေးပြီးသား ။ ဒါကိုမှ အခုလာတော့ တစ်ချို့အချက်တွေကို ပိုတိုးကာ တောင်းဆိုနေခြင်း ။ နောက်တိုးအချက်တွေထဲက တချို့အရာတွေသည် ဖိနိုပ်လိုခြင်းသက်သက်သာဖြစ်ကြောင်း ထင်ရှား၏ ။
Yoongi ဘေးနားမှာထိုင်နေသော မင်းကြီးအားလှမ်းကြည့်လိုက်သည် ။ သူသည်ကား စိတ်ရှုပ်ထွေမှုနဲ့ ခြုံလွှမ်နေသယောင် ။ ဇင်ယော်တောင်မျက်ခုံးတန်းနှစ်ခုကို ထိစပ်လုမတတ်ကြုံးထားကာ နှုတ်ခမ်းကိုလည်း တင်းတင်းစေ့ထားသေးသည် ။
" နောက်တိုးတောင်းဆိုချက်တွေက ဝန်ကြီးတွေနဲ့ ညိုနှိုင်းရမယ့်အပြင် အရင်စာချုပ်တွေတုန်းကလည်း အဆင်ပြေပြီးသားကို "
"ဒါပေမယ့် ကျွန်တော်တို့သမ္မတက နောက်တိုးအချက်တွေကို လိုချင်ပါတယ်လို့ပြောပါတယ် မင်းကြီး "
"ဟူး...."
တမလင်ခွေထိုင်နေပေမယ့် အချိန်ကြာလာချိန်မှာ ခြေကျဉ်လာတာကြောင်း လေကိုဖြည်းဖြည်းချင်း မှုတ်ထုတ်မိတော့ Kim Jin က လှည့်ကြည့်လာသည် ။
"ကြင်ယာတော်ကို မယ်တော်ကြီးက အခေါ်ရှိထားတာမို့ ခွင့်ပြုပေးပါအုံး "
Kim Jin ရဲ့ စကားကြောင်း သူ့ဘက်ကို လှည့်ကြည့်လိုက်တော့ သူက ခေါင်းငြိမ့်ပြသည် ။
"အဲ့တာဆို ခွင့်ပြုပါအုံး "
ကျွန်တော်ပြောကာ ထိုစိတ်ပျက်စရာ စကားဝိုင်းထဲကနေ ထွက်လာခဲ့သည် ။
