طريــــدته"نبض عاشق"

الفصل الخامس

وصلت الطائرة الي وجهتها نزل الياس وخلفه مودة بتردد علي الفور سحبها وخرج من المطار الي تلك السيارة التي كانت تنتظرهم امام المطار

موده بتردد..احنا.. احنا رايحين فين

ابتسم الياس بهدوء قائلا.. احنا حاليا في شرم الشيخ.. رايحين القريه بتاعتي هنقعد هناك شويه وهنرجع علي المغرب... ممكن تهدي بقي

نظرت موده امامها وهي تتابع الطرقات بهدوء شديد الي ان وصلوا لـ فندق عملاق دلفت السيارة الي طريق محاط بالاشجار والزهور الجميله علي الجانبين.. كان منظرهم بديع جعلها تنظر بانبهار علي تلك الطبيعه الذي اختطفت خُلدها

نظرت له موده قائله... ده الاوتيل بتاعك

اهاا.. ايه رايك

نطقت بعفويه جميله مثلها تماما.. جميل اوووي.. الطبيعه هنا جنان بجد

ابتسم هو بهدوء علي عفويتها ولم يعلق.. توقفت السيارة ونزل الياس وكذلك موده امام مجموعه ضخمه من الابنيه الحديثه.. نظرت له بتساؤل فـ سحبها خلفه بهدوء ودلف الي احدي الشليهات الموجوده

دخلت موده ما ان اُغلق الباب حتي نظرت له بارتعاب قائله... هو في ايه

هيكون في ايه.. هغير هدومي عشان ننزل البحر

بـس.. بس انا مش عايزة انزل البحر.. لو سمحت.. افتح الباب عايزة اخرج.. قالت بخوف تشكل بداخلها كالوحش الضاري

قال الياس بضيق وجزء من قلبه يشعر بالم بسبب ظنها به...موده..!!.. انتِ فاكرة اني ممكن ااذيكِ.. انا مستحيل اعمل كدا... اصلا لو سمحتِ اهدي.. كل الحكايه ان النهاردة في كام حاجه كنت ماجلها في القريه هنا.. ولقيت فرصه النهارده اني اظبطها وكنت هموت واشوفك لقيتها فرصه.. وبالمرة اغيرلك جو شويه

شعرت ببعض الراحه وظهر ذلك علي وجهها الذي كان شاحب قليلاً فقال الياس بابتسامه.. اقعدِ هنا.. شويه واجيلك

بالفعل جلست علي احدي الكرسي في ذاك الشاليه الواسع وما هي الا دقائق وخرج الياس يرتدي ثوب سباحه عاري الصدر.. ما ان راته موده حتي شهقت بعنف وعلي الفور اعطاته ظهرها صارخه.. اي قله الادب.. انت اتجننت.. ازاي تخرج كدا قدامي.. روح البس اي حاجه

ابتسم الياس عليها وقال وهو يرتدي تيشيرت.. خلااص اديني وشك.. لبست التيشرت

التفتت وهي مازالت مغمضت العينين وفتحتهم بحذر وجدته ارتدي ملابسه بالفعل.. زفرت براحه ولكن الاحمرار الذي غز وجهها مازال موجود مما جعلها جميله ملفته.. اقترب منها وامسك وجنتيها كأنها طفله صغيرة قائلا... في حد لسه بيتكسف كدا والنبي

ضربت يده بغيظ قائله.. باشمهندس الياس لو سمحت ياريت تنجز حاجتك عايزة اروح بجد.. انت جبتني هنا خطفني اصلا