طريــــدته"نبض عاشق"

الفصل الثاني عشر

عندما سُأل احدهم عن شعور الغيرة قال.. "كأنني ألمس جمره في راحه يديّ...ثم أدعي انها مكعب ثلج"
....
لحظات من الصمت كان كفيله ببتر انفاسها.. كانت صامته ولا تفهم ما يقول.. كأنه كان يتحدث بلغه غير العربيه او بكلام ابله لا يُفهم

وقفت وذهبت اتجاه من يقف ببرود لا يليق بما قال وقالت بدهشه.. "مين.. انت بتقول اي.. انت اكيد اتجننت.. مستحيل اعمل كده.. مستحيل"

قال الياس ببرود شديد.. "تؤتؤتؤ.. مودة.. كدا ازعل منك يا بيبي.. ده الياس حبيبك"

صرخت بعنف.. "حبيبي ايه وزفت ايه.. ابعد عني يا مجنون.. انا لا اتجوزتك ولا هتجوزك.. ابـعد عنـي.. انا بكرهك.. بـكـرهـك"

اوجعته كلماتها لذلك جذبها اليه بعنف وقال وهو بجز علي اسنانه.. "انا مش هحاسبك علي اللي انتي بتقوليه دلوقتي.. عشان مقدر"... ثم نظر للحاضرين ببرود وقال بابتسامه صفراء.." معلش يا جماعه اصلها كانت عايزة تمهد لعيلتها الاول.... "ثم احتضن وجهها وقائلا بحنان.." معلش يا حبيبي.. اهلك مسيرهم يتقبلوا اللي احنا عملناه.. مش كدا يا انور بيه"

صمت انور بارتباك.. فهو لا يسيطيع اكتساب عداوة "الياس العطار" ولا يستطيع خسارة "فريد الفايد" فبقي صامت لا يتحدث

دفشته موده بقوة وقالت موجهه حديثها لاخيها.. "عز.. عز اقسم بالله اللي بيقوله ده ماحصلش يا عز.. ده.. ده بيكدب.. انا متجوزتهوش يا عز"

امسكت كفه تترجاه بعينيها ودموعها قبل شفتياها.. احتضنها عز سريعا وقال بجديه.. "يا حضرت الظابط.. مدام هي قالت ماحصلش يبقي ماحصلش.. اختي مستحيل تعمل كدا.. ولو معاه دليل يظهره"

نظر الضابط لـ "الياس".. الذي ابتسم بهدوء واخرج من جيبه ورقه قائلا.." القسيمه بتاعه الجواز يا فندم.. وده مش عرفي.. لا ده رسمي عند ماؤذون.. وادي امضت العروسه.. وكمان امضت ابوها.. وكمان الشهود اللي معايا تحت"

اختطف عز الورقه وحلت الصدمه الثانيه عليه وعلي موده التي كانت تفتح عنيها علي وسعيهم بجنون.. قال عز بدهشه.. "ده خطك يا موده.. وده خط بابا.."

نظرت موده للورقه وبالفعل هو خطها.. كادت ان تنتهي حالتها بالجنون.. كيف فعل ذلك.. كيف حصل علي امضتها هي حق لا تدري.. والادهي امضت والدها..

احتلت النيران عيني "فريد الفايد" ما ان قرا الاوراق وراي امضت "انور" عليها.. القي الورقه ارضا وصرخ.. "بتلعب معايا يا انور.. اقسم بالله ماهتعدي ليك.. فاااهمه"

شحب وجهه انور والتقط الورقه سريعا وقال بانكار.. "بس انا مامضتش علي حاجه... دي.. دي مش امضيتي"
هو حقا لا يعلم كيف مضي ومتي.. لا يتذكر بالفعل متي فعلها

قال الياس بثقه.. "وانا موافق.. احنا نرفع قضيه ونجيب خبير خطوط ونشوف.. بس لو كداب مش هسيبك غير لما اسجنك"