طريــــدته"نبض عاشق"

الفصل الثامن عشر

وصل امام الجامعه
نزل ودلف للداخل وجد اصدقائه

اقتربوا منه يسألوه بحزن عن حادثه عز وما حدث له.. اجابهم شادي باقتضاب لا يخلو من الحزن ثم قال لاحدهم.. "هادي.. تعالي معايا"

ذهب هو وهادي ناحيه الكافتيريا وهو يدور بعيناه الي ان عثر عليهم يجلسون معا عي طاوله ما يظهر عليهم الحزن والوجوم

اقترب شادي قائلا بهدوء.. "ازيكم... عامله اي يا لوجَين"

نظرت له لوجَين ثم قالت بعد تنهيدة متعبه.. "الحمدلله يا شادي"

جلس شادي جوار هدير ومعه هادي قائلا.. "عايز اعرف اي حوار الصور ده.. ومين اللي بعتهم لاخوكي"

عند ذكر ذلك الموضوع شعرت بغضه مسننه تخترق حلقها واحرقت الدموع عينيها وعلي الفور قالت.. "شادي انا مش عايزة الحوار ده يتفتح تاني..والحمدلله اخويا حله"

شادي بنفس هدوئه.."اخوكي حله..بس عزالدين اللي شال الليله وهو مظلوم"

ارتسمت السخريه علي وجهه الفتاتان بوضوح وهذا اثار عصبيه شادي ولكن تمسك بهدوئه لاقصي حد وقال.."اسمعي يا لوجَين..انا متاكد ان عزالدين ماعملهاش ولا هيعملها..لانه قبل ما يكون عزالدين صحبي اللي بينتقم منك لسبب انا مش فاهمه فهو عزالدين اللي بيخاف علي مودة من الهوا الطاير..ومستحيل يعمل حاجه زي دي تترد في اخته"

هنا قالت هدير بعدائيه وبها لمحه من السخريه.." فعلا بيخاف علي اخته من النسمه بس بنات الناس لااا مش كدا يا شادي.. صخبك ده حيوان"

لم يتحمل شادي لذلك قال.. "هدير.. احترمي نفسك وبلاش الاسلوب ده انا مغلطش فيكي عشان تغلطي اصلا"

هدير باستنكار.. "انا ماغلطتش فيك يا شادي"

شادي بنفس الغضب.. "غلطي في صحبي.. وده انا ماقبلوش..زي ما انتي مضايقه اوووي كدا علي صحبتك انا كمان مضايق علي صحبي.. هتتكلمي كويس هكلمك انما شتيمه يبقي تحطي لسانك جوا بؤقك وتسكتي"

احمر وجهه هدير بغضب فقالت بصوت عالي جذب انتباه الانظار.. "اسكت!!.. اسكت واتكلم عدِل عن عزالدين.. عزالدين اللي اول مرة شفناه كانت بمعاكسه وخناقه روحنا فيها للعميد.. انت بدافع عن ايه.. وعن مين اصلااا يا شادي.. اللي انت بتدافع عنه اخد صحبتي وسيله انتقام.. وده في حد ذاته من رجوله.. ده قمه الجُبن"

مسح شادي علي وجهه يحاول تهدأت نوبة غضبه التي اشعلتها تلك الغبيه بصوتها العالي.. علي الفور نطقت لوجَين وهي تنظر حولها.. "ممكن نتكلم بهدوء لاننا فرجنا علينا الناس بما فيه الكافيه"

قال شادي بحنق.. "قولي لصحبتك"

جاءت هدير تتحدث فقال هادي الذي افهمه شادي الحوار من قبل.. "بـس.. وقت مستقطع بقي واقعدوا.. لو عايزين المشكله تتحل يبقي نفكر بالراحه.. وعلفكرا يا انسه هدير.. شادي بيتكلم صح.. عزالدين عمره ما كان شخص مؤذي ولما عاكس لوجَين كلنا استغربناه لانه بجد مالوش في الكلام ده"