طريــــدته"نبض عاشق"

الفصل الرابع والعشرون

ات المساء وتجهزت فريال لمقابله فريد الفايد.. كانت جلسه منتظره نزول موده التي اتت بعدها بدقائق ترتدي بنطلون جينز اسود وتيشيرت ابيض بحملات يعتليه سترة سوداء

فريال بقلق وهي تتحرك للخارج ومعاها مودة.. "انا مش مطمنه للجنان ده.."

مودة بسخريه مرحه.. "والله ما حد هيكشفنا غير ارتباكك ده.. اهدي كدا وخليكي ريلكس.. واسترخي.. اومال فريال هانم اللي رزعتني قلم كان هيبلعني سناني راحت فين؟"

ابتسمت فريال قائله.. "قلبك اسود"

مودة بمرح.. "لا اسود ولا حاجه.. بس بديكي شويه ثقه بالنفس يا ستي.." ثم اضافت بجديه.. "طنط فريال بجد ركزي.. الموضوع ده بالذات متوقف عليه سلامه الياس.. الياس حالف انه مش هيسيبهم.. وانا حكتلك هو قال ايه"

اخذت فريال نفس عميق قائله.. "ربنا يستر يا بنتي.." ثم رفعت جهاز التصنت الصغير الذي اعطته لها مودة مسبقا ودلفت بهدوء للمطعم المطلوب فيه الموعد

رفعت مودة هاتفها وقامت بتشغيل جاهز التصنت وقالت لفريال بهمس.. "تمام يا طنط الجهاز شغال"

اغلقت فريال الهاتف ووضعته علي الطاوله وبعد مدة حضر فريد
يالله كم كانت تعشق تلك الملامح الا انها الان تبغضها وكأنها اكثر شي مقزز وقذر في هذا العالم.. لم تتقبل نظرات الحب منه مطلقا.. نظرات الحب لديها اعتادتها من زكريا.. واصبحت تبغضها من غيره.. حاولت مدارة نظرات الكره الموجوده بعينيها نحوه

جلس فريد بهدوء شديد علي الطاوله وبعد صمت دام لبرهه قالت فريال بقوة.. "طالب تشوفني ليه يا فريد.. عايز اي"

فريد بحنين وندم ظهر في عيناه وعلي وجهه الذي خط الزمن فيه اثاره.. "وحشتيني اووي يا فريال"

فريال بضيق.. "انت بجح اووي يا فريد.. بجح وزباله"

صمت فريد ولم يجيب فاكملت هي بحقد.. "باي عين جاي توريني وشك.. وانت كنت السبب في دماري اكتر من مرة.. اغتصبتني.. ولما لقيتني بكمل حياتي عادي قتلتي جوزي ويتمت عيالي.. ولما فوقت وبقيت اقوي قتلتيلي آسر وطفيت حته من قلبي وروحي وحياتي وموتني بالحيا وجاي تقولي وحشتيني.. جاك وحش اما يلهفك يا زباله"

فريد بجنون ضرب الطاوله بحقد.."انا حبيتك بجد يا فريال"

فريال بكره منبعث من عينيها ممزوج بنظرات احتقار له.. "انت كداب.. انت عمري ما تحب..انت شخص اناني وقربت مني بس عشان تاذي زكريا..زكريا اللي كان ضافره برقبة ميه من عينتك"

صرخ بغضب وقال بحقد دفين لشخص اصبح تحت التراب.." ايوة بكره.. وهفضل اكرهه لغايه اخر يوم في عمري.. كان عامل زي الكابوس في حياتي.. وانا شايفه كل يوم يكبر ويعلي وانا لسه واقف مكاني.. بعد ما كانت عيلتنا وعيلتكم بتتنافس هو حسم المنافسه.. بقي لما يجي سيرته في اي مكان الدنيا تتهز.. والمكان يقف علي رجل.. اصل زكريا العطار هنا.. حتي انت هو اللي فاز بقلبك.. كرهته وموته.. دبرتله الحدثه عشان اخلص منه.. وكنت بكره عياله.. اشمعنا تشيلي عيال هو مش عيالي.. انا اتغصبت علي واحده مش بحبها عشان اجيب الوريث.. وكنت بقي عندك منه تلات عيال تؤام وبنوته.. كرهته وكرهت عياله.. كنت عارف ان آسر اقرب واحد فيهم ليك.. صممت علي رانيا توقع آسر في حبها.. ومن الناحيه التانيه العب عليكي فاني عايز العداوة اللي بينا تخلص.. كنت عايزاك انتي وفلوسه من غير عياله.. كنت هخلص عليهم وبعدين افوق للبت.. بس الياس فلت منها "