Familia Guerrero

CHAPTER 6

THIRD PERSON POV

Nanlalaki ang mga mata ni Elizabeth habang binabasa ang kalalabas lang na DNA test results na nagpapatunay na si Anastasia ay anak ng kanyang amang si Sebastian Guerrero.

Parang mauubusan ng hangin sa katawan si Elizabeth dahil sa katotohanang may anak sa labas ang kanyang ama. Nagloko ito sa kanyang ina at ang naging bunga ng kasalanang iyon ay isang anak na babae.

Nanginginig ang mga kamay ni Elizabeth habang unti-unting humahakbang paatras patungo sa maliit na settee na nasa loob ng malaking home library ng mansyon ng Familia Guerrero.

Nanlalambot ang mga tuhod na umupo si Elizabeth sa maliit na settee at hinayaang malaglag sa kanyang paanan ang papel na siyang nagpapatunay na si Anastasia ay isa rin sa mga anak ni Sebastian.

Elizabeth: No. This is not happening. Papa, why? No! You cheated on Mama!

Nagsisimula nang mangilid ang mga luha sa mga mata ni Elizabeth.

Agad na dinaluhan ni Charlotte ang kapatid na si Elizabeth sa maliit na settee. Pilit na pinapakalma nito ang kapatid dahil nakikita nito ang pagpipigil ng kapatid na huwag tumulo ang mga luha.

Ang Kuya Arthur ni Elizabeth ay pinulot ang nalaglag na DNA test results sa sahig at pinasadahan ng tingin iyon.

Tiningnan ni Arthur ang ama nitong nanatiling nakayuko simula nang iabot nito sa kanila ang resulta ng DNA test.

Nakaupo sa high-back executive chair nito si Sebastian at nakayuko. Nakatuon ang paningin nito sa malaking oak table na nasa harapan nito.

Hiyang-hiya si Sebastian sa mga anak nito. Hindi inaasahan na magbubunga ang isang beses na pagtataksil sa asawa nitong si Andromeda.

Arthur: What a surprise, Papa! Kaya ba gusto mo kong pabalikin dito ay dahil may ipakikilala kang bagong kapatid ko? Anak mo mula sa isang babaeng nagbibigay ng aliw?

Punung-puno ng sarkasmo ang tinig ng boses ni Arthur na halos magpadurog sa puso ni Sebastian.

Arthur: Kung anu-anong mga masasakit na salita at pang-iinsulto ang mga sinabi mo sa asawa kong si Mildred noong araw na umalis ako ng mansyon na ito, iyon naman pala ay mas malala pa ang iyong ginawa.

Puno ng pagkasuklam ang mukha ni Arthur habang nakatitig sa amang si Sebastian.

Arthur: Such hypocrisy!

Matinding pagpipigil ang ginagawa ni Sebastian para hindi tuluyang dumaloy ang mga luha sa magkabilang pisngi nito.

Charlotte: Kuya Arthur! Enough! Huwag mo nang ibalik pa ang nakaraan.

Nilingon ni Arthur si Charlotte na pilit pa ring pinapakalma si Elizabeth dahil humahagulgol na ngayon ang eldest daughter ni Sebastian.

Arthur: Why, Charlotte? Akala niyo ba ay hindi ko nararamdaman na simula nang bumalik ako sa mansyong ito ay parang estranghero ang turing ninyo sa aking asawa?

Nanlaki ang mga mata ni Charlotte dahil sa akusasyon ni Arthur.

Charlotte: That's unfair, Kuya. We are trying our best to treat your wife as part of the family.

Isang nakakainsultong ngisi ang kumawala sa mga labi ni Arthur.

Arthur: Siguro ikaw, oo. Kahit papaano ay sinusubukan mo, ewan ko na lang sa ibang tao rito sa mansyon.

Biglang sumingit sa usapan ang kapatid nilang si Theo na kanina pang tahimik sa isang sulok ng home library.

Theo: Kuya Arthur, your wife is the least of our concerns right now. May mas malaki tayong problema ngayon. 'Yong bastarda.