شهر رمضان شهر الخير والبركات .. جعله الله شهر خير على الجميع.🤍
ف وقت السحور قبل الفجر كانت ليل وروان ف المطبخ بيحضروا السحور والباب خبط .. روان راحت فتحت لقت آية وشايلة طفل صغير نايم على كتفها حوالى ٥ سنين ...
آية بتوتر : أنا آسفة انى جاية ف وقت زى دا بس بدر تعبان أوى
روان بابتسامة : ولايهمك ياحبيبتى اتفضلى
آية دخلت وروان قفلت الباب ودخلت : ثوانى هناديلك أدهم
آية هزت راسها بالموافقة وروان طلعت صحت أدهم وبلغته انها مستنياه تحت ونزلت تانى ...
روان : نازلك علطول اهو
آية هزت راسها بالموافقة بحرج : أنا آسفة بجد كمان مرة انى أزعجتكوا ف وقت زى دا؟!
روان : ازعاج ايه بس احنا وقت سحور أصلاً وحتى لو مكناش ف رمضان تنورى ف أى وقت ياحبيبتى احنا تحت أمرك .. التعب مبيستأذنش وقت ولا بيستنى
آية : فعلاً .. والله هو لولا تعب جامد كدا كنت استنيت للصبح بس خوفت استنى يتعب زيادة ولا يجراله حاجة لقدر الله
روان : ربنا يعافيه ويحفظه من كل سوء يارب
دخلت المطبخ وليلى سألتها مين برا؟
روان : دى آية أخت ريان فكراها؟
ليلى : اه
روان : جاية لأدهم بأخوها الصغير تعبان
أدهم نزل ورحب بيهم : ايه يابيدو ألف سلامة عليك .. خير!
آية شرحتله حالته وأدهم بدأ يفحصه وقاس حرارته اللى كانت عالية ...
آية بقلق : خير!
أدهم : خير ان شاء الله متقلقيش هو بس دور نزلة كدا بسيط وشوية سخونية .. بسيطة ان شاء الله .. عن اذنك لحظة
دخل جوا وشوية وسمعت صوته بينادى على أمه وأخته على أى حاجة للسخونية ...
آية بحرج : طب ما ممكن حضرتك تكتبلى اللى محتاجه وأنا هجيبه من الصيدلية
أدهم : تمام ماشى بس حالياً حرارته عالية ومحتاجة حاجة تنزلها ومش هتلاقى صيدلية فاتحة هنا دلوقتى
آية هزت راسها بالموافقة وروان خرجت من أوضتها ف ايديها حقنة وبصتله بخبث : كنت شيلاها من آخر مرة تعبت فيها🌚شوفت بقى جت بفايدة ازاى لما خبيتها؟
آية وطت راسها وكتمت ضحكتها
أدهم : اه ياحبيبتى شاطرة هاتى😁
روان قربت منه ادتهاله وأدهم مسك ايديها : وحياة أمك ما ف علاج هيتساب معاكى تانى يابنت الصياد
روان ضحكت : 😹الاااه ف ايه ماهو لولا انى خبيتها مكنتش هتلاقى حاجة تلحق بيها الواد دلوقتى
أدهم : يلا يابت امشى روحى شوفى انتى بتعملى ايه!🙂
روان دخلت تجرى ع المطبخ وآية بتضحك عليهم وأدهم بدأ يحضرها : جتك نيلة وانتى شبه اللى عايز يتجوزك كدا .. صحيح الطيور على أشكالها تقع
آية صوت ضحكتها ظهر غصب عنها وأدهم بصلها : عارفة مين بقى اللى عايز يتجوزها؟🙂
آية : مين!😹
أدهم : ريان أخوكى
آية ضحكت أكتر : 😹أحيه .. هو بيخاف!
أدهم : بيخاف! دا فضيحة أكتر من العيال الصغيرة🙂
بص لبدر : ايه يابدر البصة دى هو أنا ماسكلك سكينة!🥺مش هتبقى انت وأخوك الكبير عليا .. ف ايه ياحبيبى!
أنت تقرأ
رُزِقتُ بِكَ♥️✨
Lãng mạnهنعيش فيها أجواء رمضانية جميلة هنعيش مع الأبطال لحظات فرح ولحظات حزن هنضحك ونعيط سوا😹 بس هنستمتع بيها ان شاء الله🖤✨
