السنة شجرة ،، والشهور فروعها ،، والأيام أغصانها ،، والساعات أوراقها ،، وأنفاس العباد ثمرتها ،، فشهر رجب أيام توريقها ،، وشعبان أيام تفريعها ،، ورمضان أيام قطافها ،، والمؤمنون قطافها .🤍
ليلى صحت قبل الفجر بحوالى ساعة ونص حضرت السحور وبعدين طلعت صحت روان وأدهم وقعدوا اتسحروا سوا وبعدين أدهم طلع اتوضى وغير هدومه ونزل المسجد يصلى .. خلص صلاة ورجع البيت ...
ليلى : هتنام ولا هتروح المستشفى!
أدهم : هطلع اريح شوية وبعدين اصحى اروح دار التحفيظ وبعدين اطلع ع المستشفى وهاجى قبل الفطار ان شاء الله
ليلى هزت راسها بالموافقة : ماشى ياحبيبى
أدهم باس راسها وطلعوا ناموا .. صحى الصبح اتوضى وصلى ركعتين وقرأ الأذكار وسورة ياسين ونزل راح دار تحفيظ القرآن الكريم كان ف بعض الأطفال مستنيينه ...
أدهم : اتأخرت عليكوا؟!
هما : لا احنا لسا جايين دلوقتى
أدهم هز راسه وفتح الباب ودخلوا قعدوا : فين الباقى! كسلوا ونايمين!
هما ضحكوا : شكلهم كدا😹
أدهم ضحك : من أولها كدا؟ دا احنا لسا ٣ يوم
واحد منهم "يونس" : هى الفلوس كام!
أدهم : فلوس ايه ياحبيبى!
يونس : 😳بتاعة درس القرآن
أدهم ابتسم : بس دا مش درس وأنا مش شيخ وأنا قولتلكوا كدا من أول يوم صح! قولت اننا أخوات وصحاب وبنساعد بعض مش أكتر .. أنا بساعدكوا تحفظوا وانتوا بتساعدونى أفضل فاكر القرآن .. ف اخوات بقى بيتحاسبوا على فلوس عشان ساعدوا بعض ف حاجة!
هما : لا
أدهم : يبقى أنا مش هاخد فلوس .. يلا نبدأ تسميع!
بدأوا يسمعوا اللى حفظوه واحد ورا التانى ماعدا واحد منهم "عمر" ...
عمر : أنا محفظتش🥹
أدهم : ليه!
عمر : كنت تعبان والله آسف🥹
أدهم : طب انت كويس دلوقتى!
عمر : اه الحمد لله
أدهم : طيب ابقى احفظ وتعالى البيت حتى النهاردة بالليل أو بكرا براحتك على حسب ما تخلص حفظ اسمعلك واديك الحفظ اللى هياخدوه النهاردة
عمر : ماشى
خلص معاهم ومشوا وهو كمان قفل الدار ومشى راح المستشفى وبدأ يمر ع الحالات ...
صبرى : اصوم بقى!🙂
أدهم اتنهد بتعب : ياحج صبرى انت عنيد أكتر من العيال الصغيرة والله
صبرى : أيوا دى حقيقة ومش هسيبك غير لما تسيبنى اصوم🙂
أدهم : واحنا اتفقنا على يومين صح!
صبرى : صح
أدهم : يبقى نعدى اليومين وبعدين نبقى نشوف حوار الصيام دا .. النهاردة يوم اهو .. لسا يوم كمان اللى هو بكرا هطمن عليك بالليل لو ف تحسن والله هغيرلك مواعيد العلاج واسيبك تصوم أكيد مش همنعك من الصيام يعنى وانت كويس
صبرى : ماشى
أدهم ابتسم واداله علاجه واطمن عليه وكمل مرور على باقى الحالات .. خلص شغله ف المستشفى ورجع البيت قبل المغرب بحوالى ساعة لقى عمر مستنيه ...
أدهم : سلام عليكم .. ازيك ياعمر! مستنى من بدرى!
عمر : لا لسا جاى وطنط ليلى قالتلى اقعد استنى حضرتك
أنت تقرأ
رُزِقتُ بِكَ♥️✨
Roman d'amourهنعيش فيها أجواء رمضانية جميلة هنعيش مع الأبطال لحظات فرح ولحظات حزن هنضحك ونعيط سوا😹 بس هنستمتع بيها ان شاء الله🖤✨
