رُزِقتُ بِكَ♥️✨

البارت ٣٦❤️

عدى فترة كبيرة على أبطالنا .. أدهم وآية خلفوا ولدين وبنت "آدم ٨ سنين وسليم ٥ سنين وليلى ٣ سنين" .. ريان وروان خلفوا ولد وبنت "أدهم ١٠ سنين وملك ٥ سنين" ...

يوم الجمعة ريحة البخور منتشرة ف البيت وصوت ابتهالات النقشبندى وجو مريح للنفس .. أدهم نزل ومعاه آدم وسليم راحوا المسجد .. ف بيت ريان كانوا بيجهزوا ...

أدهم : هنروح عند خالو أدهم!😃
روان : اه ياحبيبى يلا بس اجهز بسرعة عشان تلحق صلاة الجمعة هناك معاه انت وبابا
أدهم : ماشى

لبسوا وجهزوا نفسهم ومشوا .. ريان وأدهم راحوا المسجد وروان وملك راحوا البيت لآية وليلى .. خلصوا صلاة ورجعوا البيت وليلى راحت تجرى على أدهم ...

أدهم شالها وباسها : 🤗حبيبة قلب بابا😚
ريان : 🙂هو أنا بايت ف حضنك ياباااه! مفيش بوسة لخالو ولا أى حاجة! جاية تجرى على أبوكى كأنه كان مهاجر وسايبك

أدهم ضحك : 🤗😹وانت ايه اللى مضايقك ياعم! ما أنا حر أنا وبنتى .. انت بس متغاظ مننا عشان مش لاقى حد يستقبلك استقبال عسل زيى كدا😌

ريان : ليه ياخويا ان شاء الله! عندى ملوكة بتستقبلنى واختك بتاخدنى بالحضن😌
أدهم : حبيبى أنا مقدر انها مراتك بس احترم نفسك دا انت متربتش صحيح🙂

ريان ضحك وباس ليلى ودخلوا قعدوا واتغدوا مع بعض وبعدين قعدوا كلهم سوا ...
أدهم بحماس : يلا ياخالو احكيلنا قصة
ملك بنفس الحماس : أيوا يلا😃

أدهم : عايزين تسمعوا ايه طيب!
آدم : احكيلنا شوية عن الرسول ﷺ
أدهم : صلوا ع النبى
كلهم : عليه أفضل الصلاة والسلام

أدهم : النبى ﷺ كان طوله ولا هو طويل أوى ولا قصير أوى لكن كان أقرب للجسم الطويل .. شعره مكنش مجعد ولا كان مسترسل بس كان وسط ما بين دا وما بين دا .. ف روايتين ف طول شعره .. الرواية الأولى انه كان لحد شحمة الأذن والرواية التانية انه كان لحد كتفه وكان شعره شديد السواد .. وجهه ﷺ كان مدور وكان لونه لا هو أبيض شديد البياض ولا أسمر شديد السمار يعنى كان وسط ما بين ال٢ ووشه كان محمر .. وكان ﷺ عنده عرق ف وسط جبينه .. لما كان بيغضب كان العرق دا بينتفخ وبيظهر بوضوح .. عيونه ﷺ كانت واسعة ورموشه طويلة وكانت زى ما تكون متكحلة وكان البياض اللى فيها شديد البياض والسمار شديد السمار .. حواجب النبى ﷺ كانت طويلة ومقوسة أما أنفه كانت طويلة وأرنبة الانف كانت مدببة وقصبة الأنف نفسها كانت مرفوعة لفوق .. فمه ﷺ كان واسع وأسنانه مرصوصة وف بينها تباعد اللى بيتقال عليه "الفلق" وكانت أسنانه شديدة البياض .. دقنه ﷺ كانت كبيرة وتقيلة .. كان ف مسافة بين كتفين النبى ﷺ ودا بيدل على عرض صدره وشعر صدره كان عبارة ما بين الصدر لغاية السُرة .. كان خط واحد ف شعر أسود طويل ناعم .. دراعين النبى ﷺ كانت كبيرة وقوية .. صوابع ايدين ورجلين النبى ﷺ كانت طويلة وفيها تخن .. وراحة ايده كانت كبيرة وعشان اديلك دلالة على حجم وقوة ايد ودراعين النبى ﷺ .. ف حجة الوداع النبى بنفسه وبإيده دبح ٦٣ جمل أو بقرة وكان كفه ناعم .. بطنه ﷺ كانت مستوية .. ضهره كان عريض .. النبى ﷺ كان لي مشية مميزة جداً وتقدر تتخيلها ببساطة انك تشوف ف خيالك حد نازل من على مكان عالى .. كان بيمد ف مشيته وبيسرع فيها كأنه نازل من على منحدر .. النبى ﷺ كان اللى بيشوفه أول مرة كان بيهاب واللى كان بيتعامل معاه كان بيحبه .. ربنا جعله ﷺ الهيبة والإجلال ف نفوس كل حد كان بيشوفه وكان ﷺ أصدق الناس ف الحديث وألينهم ف الطبع وأكرمهم ف العشرة .. النبى ﷺ اتجوز ١٢ مرة وزوجاته هما .. "خديجة بنت خويلد" ،، "سودة بنت زمعة" ،، "عائشة بنت أبى بكر" ،، "حفصة بنت عمر بن الخطاب" ،، "زينب بنت خزيمة" ،، "أم سلمة" ،، "زينب بنت جحش" ،، "جويرية بنت الحارث" ،، "صفية بنت حُيَيّ" ،، "أم حبيبة" ،، "ميمونة بنت الحارث" ،، "مارية القبطية" .. أبناء النبى ﷺ كانوا كلهم من السيدة خديجة رضى الله عنها معادا ابن واحد بس هقولكوا عليه بعد ما نخلص .. بناته هما زينب ،، فاطمة ،، رقية ،، أم كلثوم .. وأولاده هما القاسم ،، عبد الله ،، وإبراهيم كان ابنه من السيدة مارية القبطية وكانت مصرية الأصل وإبراهيم تحديداً مات وهو عنده سنة و١٠ شهور تقريباً .. طب هو ليه النبى ﷺ مكنش ف حد من أولاده الذكور بيعيش! دا منعاً للفتنة بعد وفاة النبى ﷺ ومنعاً لتوريث النبوة لأن النبوة كانت بتتورث والنبى ﷺ هو خاتم الأنبياء والمرسلين .. طب بناته اتجوزوا مين! .. السيدة زينب اتجوز العاصم ابن الربيع ابن خالتها ،، السيدة فاطمة كانت متجوزة سيدنا على بن أبى طالب وخلفوا الحسن والحسين ،، السيدة رقية اتجوزت سيدنا عثمان بن عفان وبعد وفاة السيدة رقية سيدنا عثمان بن عفان اتجوز السيدة أم كلثوم عشان كدا كان بيتسمى ب "ذو النورين" لأنه اتجوز ٢ من بنات النبى ﷺ .. نختم بقى بإسم النبى ﷺ كامل .. هو محمد بن عبد الله بن عبد المطلب بن هاشم بن مناف بن قصى بن كلاب بن مرة بن كعب بن لؤى بن غالب بن فهر بن مالك بن النضر بن كنانة بن خزيمة بن مدركة بن الياس بن مضر بن نزار بن معد بن عدنان

(عايزة اقولكوا انى طول ما أنا بكتب الجزء دا وأنا منشكحة والابتسامة مش مفارقة وشى)

آدم : الله🥺وصفه جميل أوى بجد خلانى احس انى عايز اشوفه دلوقتى
أدهم ابتسم : ربنا يرزقنا رؤيته ودخول الجنة
كلهم : آمين يارب

فضلوا قاعدين مع بعض يتكلموا ويسمعوا قصص ف جو أسرى هادى وجميل .. بالليل ريان وروان وعيالهم مشوا رجعوا بيتهم .. وعيال أدهم طلعوا يناموا ...

آية قعدت جمب أدهم : آدم عنده جلسة بكرا صح!
أدهم هز راسه بالموافقة : ان شاء الله
آية اتنهدت بحزن وسكتت

أدهم ضمها لحضنه : هيبقى كويس ياحبيبتى ان شاء الله
آية بدموع : واجع قلبى يا أدهم💔لسا صغير ع اللى هو فيه دا والكيماوى صعب أوى😢

أدهم اتنهد بحزن ووجع : الحمد لله على كل حال .. ابتلاء وهيعدى بخير بإذن الله ربنا يشفيه ويباركلنا فيه
آية : يارب💔

كدا البارت خلص♥️رأيكوا؟؟!!!....