رُزِقتُ بِكَ♥️✨

البارت ٤٠❤️

ليلى جهزت نفسها ونزلت لقتهم كلهم قاعدين تحت وآية ف المطبخ بتحضر الفطار .. راحت لأدهم الأول باسته من خده وادتله الظرف ...

ليلى : صباح الفل على أكتر واحد بحبه ف الدنيا
أدهم ابتسم وباسها : صباح العسل ياروح بابا

سليم : مرارتى🙂
آدم ضحك ونده على أمه : الحقى يا آية جوزك بيتعاكس ويتباس وبياخد جوابات غرامية كمان

ليلى : خليكوا متغاظين كدا عشان مش لاقيين اللى يعمل معاكوا كدا😌
سليم : ان شالله عنى ما لقيت ياما هى مرارة واحدة مش ناقصة

آدم : الله يكون ف عونها🙂
سليم : هى عارفة كل حاجة وراضية اخلع انت منها .. متبقاش صورم كدا عشان خدتها منك

آدم : انت عبيط يلا خدت مين! ملك دى أختى زى ليلى بالظبط
أدهم : الله يرحم أيام هخطفها من عمو ريان

آدم : كان تفكير طفولى عبيط وراح لحاله خلاص بقى ياحج🙂
أدهم : تء تء انت مش مخلص ياض ومشاعرك بتتغير .. الواد سليم أجدع منك فضل يحبها من صغره لحد دلوقتى
سليم : الله يكرمك ياحج😊

آدم : طب أنا مالى ان هو مشاعره بايظة مبتتغيرش بتغير مراحل عمره وفضل لازق فيها ف الطفولة والمراهقة وهيكمل لحد الشيخوخة!🙂

أدهم : مش كلنا واحد بقى وبنعيش فترة المراهقة ومشاعرنا بتتغير .. ف ناس مشاعرها بتفضل ثابتة فعلاً ومهما شاف ناس بيفضل هو دا بس الشخص اللى هو شايفه وعايز يكمل معاه حياته
آدم : أيوا طبعاً فاهم

سليم : شوفت مين غير مشاعرك تجاهها يا أعمى البصر والبصيرة!🙂بقى دى يتشاف غيرها؟ بس أحسن بردو جدع عشان اخدها أنا

آدم : اتنيل هو أنا فاضى اشوف حد! بس الفكرة انى كل ما كبرت كنت بحس انها أختى عادى زى ليلى مفيش مشاعر تانية نحيتها فاهم!
سليم : كويس بردو عشان مندخلش ف حوارات المسلسل العبيط اللى أمك بتتنح قدامه كل يوم دا 

أدهم ضحك : لو سمعتك هنقرأ عل روحك الفاتحة😹
سليم : ياعم دى ناس معاتيه وربنا🙂دول بيعبدوا البقر
آية جت من المطبخ : وأنا بخلفهم

كلهم ضحكوا وسليم بصلهم : 🙂بتضحك أوى!
آدم : 😹جداً .. هو اه أنا اتهزئت معاك عشان هى خلفتنى بردو بس عليا النعمة مبسوط
ليلى : 😹حصل
سليم : شكراً🙂

فطروا مع بعض وبعدين مشوا كل واحد يروح شغله واللى وليلى تروح الجامعة .. ف آخر اليوم كلهم رجعوا ماعدا أدهم ...

سليم : زعلان ليه ياسكر!
ليلى : مش زعلانة عادى يعنى بس اليوم النهاردة مكنش ألطف حاجة
سليم : وايه المشكلة ياجميل ولايهمك فرفشى كدا .. اقولك على حاجة! قومى قومى

شدها قومها ومسك عصاية وشغل أغنية ع الفون وبدأ يرقص عليها مع ليلى ويمثلها بإيده وريأكشنات وشه ...

أنا اللى كان شاغلنى .. واللى كان آلمنى
اديتهم كل حاجة .. وهما استغنوا عنى .. هما استغنوا عنى
بكرا الأيام تبين .. مين قاسى ومين حنين
وساعتها هتعرفونى .. لما الأيام تبين .. لما الأيام تبين
عايم والموجة عالية .. والموج عالى عليا
بتشيل وتحط فيا .. الكل جاى عليا .. الكل جاى عليا

سليم بصوت عالى وتأثر مبالغ فيه : الكل جااااى علياااا🥹
بص جمبه لقى أدهم واقف يبصله ابتسم ببلاهة وطبطب على كتفه ...
سليم : ماعدا انت طبعاً ياكبير😃

أدهم : مين دا ياجدعان! بالله حد يقولى الكائن دا ابنى ازاى!
آدم بضحك : 😹هو ابنك اه بس بچينات خالو ريان

أدهم : اه والله الدماغ المفوتة دى بتاعة ريان فعلاً
سليم : دا انتوا ناس نكدية🙂كنت بفرفش البونية من ضغط الدراسة

أدهم : ااه الله يرحمك يا ليلى .. البيت طول عمره بيتسمع فيه صوت القرآن وابتهالات النقشبندى لحد ما جه الكائن الأهبل دا
سليم : يا أدهم التغيير مطلوب بردو

أدهم بصدمة : 😳التغيير مطلوب من النقشبندى لحكيم!
سليم ضحك : 😹لا مش للدرجادى .. خلاص خلاص نحن آسفون .. هبقى اشغل عبد الباسط حمودة

أدهم بصله بعدم استيعاب واتنهد بنفاذ صبر وطلع أوضته ...
سليم : 😳هو أنا رفعتله ضغطه!

آدم : لا ياحبيبى هو انت بتاع الكلام دا بردو! لا خالص😹
سليم ابتسم براحة : طب الحمد لله😊

آدم : لا بس الفيديو جامد بالله .. ايه رأيك اوزعه ع الموظفين بتوعك ف الشركة! يشوفوا المدير بتاعهم اللى بيخافوا منه على حقيقته التافهة دى

سليم : 😌أصلاً دى أحسن حاجة يابا انك تكون ف شغلك حاجة وحياتك الشخصية حاجة تانية .. دا شئ مميز مش الكل بيعرف يعمله
آدم : اه طبعاً اومال🙂

أدهم خد شاور وغير هدومه ونزل وقعدوا عشان ياكلوا سوا ...
سليم حمحم بهدوء : أنا جالى شغل برا مصر
أدهم بانتباه : شغل ايه!

سليم : شغل تبع شركتى بس لازم اسافر
أدهم : مينفعش تخلصه وانت هنا؟ لازم السفر!
سليم بمرح : ايه ياحج مالك! هو أنا ليلى خايف عليا اسافر لوحدى!😹
أدهم : مش هتفرق انت بردو ابنى

سليم : متقلقش مش هطول ان شاء الله .. هرجع علطول وبعدين دا طموحى من زمان انى اسافر برا ودى فرصة وجاتلى
أدهم اتنهد : ربنا يعينك ويوفقك ياحبيبى .. مش هقف ف طريقك عشان شوية قلق ربنا معاك
سليم : يارب

أدهم : هتسافر امتى!
سليم : لسا هحجز بس هيبقى خلال الأسبوع الجاى ان شاء الله

أدهم هز راسه بالموافقة وسليم بص لآية اللى ابتسمتله ...
آية : ربنا معاك ياحبيبى ويوفقك
سليم ابتسم بهدوء وهز راسه وكملوا أكل وخلصوا وقعدوا سوا ...

كدا البارت خلص♥️رأيكوا؟؟!!!....