إن الصيام حالة من السمو الروحى لا يبلغها إلا من يتأمل ف حكمة الله من وراء هذه الفريضة.🤍
ف مخزن قديم خاص بريان .. واقف هو وأدهم قدام قاسم اللى مرمى ف ركن من الأوضة ...
أدهم : أنا دلوقتى مرهق وتعبان جداً وحقيقى مش فايقلك .. بس دا مش معناه انى هسيبك .. تء نبدأها ترهيب بجد بقى لحد ما اجيلك بكرا .. قعدت افكر شوية كدا تلعب على وتر النفسية ازاى ياواد أدهم وريرو مسبنيش افكر كتير والصراحة خدمنى خدمة العمر وساعدنى ف الحوار دا وقالى هاته المخزن ومتشيلش هم .. بص يامعلم ومتع نظرك
شال ستارة من ع الجدار وظهر كلب أسود ضخم شكله مخيف وصوته مرعب ف قفص ...
أدهم : بص بقى لما اطفى النور
قفل النور وقاسم مبقاش شايف غير منظر عيون الكلب اللى شكلهم مخيف وسامع صوته اللى كفيل يرعبه ...
النور اتفتح تانى ولقى أدهم قدامه : بخخ😃
قاسم صرخ بفزع وأدهم وريان ضحكوا ...
ريان : ياختى بيضة انتى بتتخضى يابطة!😹
أدهم : قلبه خفيف أوى😹
ريان : أنا بقول كفاية كدا بقى ياسطا يلا أنا عايز انام
أدهم : وأنا كمان والله ياريرو .. يلا بينا .. تصبح على خير بقى ياسمسم اشوفك بكرا
قفلوا النور وباب المخزن بعد ما خرجوا وسابوا قاسم جوا بيحاول يبعد عنه عن مكان الكلب عشان ميشوفش عيونه وبيحاول يقفل ودنه عشان صوته ميوصلوش ودموعه نزلت من الخوف والرعب اللى هو عايش فيهم ...
ريان : انت هتفضل كدا باللى ف جسمك ووشك دا؟!
أدهم : هعدى ع الصيدلية اجيب علاج واخد حقنة مسكنة عشان أنا مش قادر وهموت وانام
ريان : طب يلا
أدهم : مش هتخطف ياريان🙂
ريان : بس يابا عشان انت اتخطفت ورجعت متشلفط أصلاً .. يلا قدامى مش هسيبك غير وانت ف سريرك كمان مش قدام البيت بس .. وبعدين ابقى معاك وانت بتاخد الحقنة عشان متعيطش
أدهم : هو انت فاكرنى زيك ولا ايه!
ريان : يخربيت أبو الذل ياجدع🥺ادى دعم الصحاب
أدهم ضحك : 😹والله ياريان انت بتفاجئنى .. يعنى شخصية ماشاء الله وجامد وكل حاجة وتيجى قدام حتة السرنجة دى .. سن إبرة وتقلب قدامه عيل صغير
ريان : ياسطا والله مش بإيدى🙂وحاولت اعالج حوار الفوبيا دا بس فشلت معرفتش .. بشوفها حاجة مرعبة بالله
أدهم : ف نظرية اسمها نظرية العلاج بالصدمة تعال اطبقها عليك ف حوار الحقن دا وهتبقى زى الفل ان شاء الله
ريان : لا شكراً أنا كدا زى الفل كفاية اسم النظرية أساساً🙂أنا ناقص صدمات!
أدهم : ياواد هتبقى كويس صدقنى ثق فيا
ريان : ياعم شكراااا .. كفاية انى بثق فيك لما اضطر اخد زفتة
أدهم : متشتمهاش ياض
ريان : هو انت مرتبط بيها يابا؟! بينك وبين السرنجات علاقة حب! يعنى صارحنى🙂
أدهم : امم والمشارط بقى دى حكاية تانية لوحدها
أنت تقرأ
رُزِقتُ بِكَ♥️✨
Roman d'amourهنعيش فيها أجواء رمضانية جميلة هنعيش مع الأبطال لحظات فرح ولحظات حزن هنضحك ونعيط سوا😹 بس هنستمتع بيها ان شاء الله🖤✨
