رُزِقتُ بِكَ♥️✨

البارت ١❤️

أغيبُ وذو اللطائفِ لا يغيبُ
وأرجوهُ رجاءاً لا يخيبُ
وأُنزِلُ حاجتى ف كل حالٍ
إلى مَن تطمئنُ به القلوبُ
فكم لله من تدبير أمرٍ
طوتهُ عن المشاهدةِ الغيوبُ
ومن كرمٍ ومن لطفٍ خفىٍ
ومن فرجٍ تزولُ به الكروبُ
ومالى غيرُ باب الله بابُ
ولا مولىًٰ سواهُ ولا حبيبُ
كريمٌ منعمٌ برٌ لطيفٌ
جميلُ الستر للداعى مجيبُ
إلهى مِنكَ إسعادى وخيرى
ومنكَ الجودُ والفرجُ القريبُ
"الــنـــقـــشــبـــنـــدى"

ف بيت كبير من أحد البيوت المصرية نسمع صوت الابتهالات الجميل دا منتشر تطمئن به القلوب .. ف المطبخ واقفة روان مع "ليلى" مامتها بيحضروا السحور ليهم وهى مبسوطة ان أخيراً رمضان جه .. شهر الخير والبركة والسعادة .. سمعوا صوت أدهم الهادى وهو نازل من أوضته ...

أدهم : يلا عشان الحق اروح افتح المسجد .. اساعدكوا ف حاجة!
ليلى ابتسمت : لا ياحبيبى احنا خلاص خلصنا يلا اقعد

أدهم باسها : كل سنة وانتى طيبة ياست الكل رمضان كريم
وباس روان : كل سنة وانتى طيبة ياحبيبتى
ليلى وروان ابتسموا بحب : وانت طيب وبألف خير ياحبيبى

قعدوا اتسحروا وبعدين أدهم كل تمر وشرب ماية وقام يمشى ...
أدهم باس راس ليلى : هروح أنا بقى افتح المسجد
ليلى ابتسمت : ماشى ياحبيبى

أدهم راح لقى المسجد مفتوح والشيخ عمار موجود وشغل إذاعة القرآن الكريم ...
أدهم ابتسم : ازيك ياشيخ عمار كل سنة وحضرتك طيب
عمار لف بصله وابتسم : وانت طيب ياحبيبى .. جاى بدرى كدا ليه!

أدهم : كنت جاى افتح المسجد معرفش ان حضرتك نزلت
عمار : أنا مديك مفتاح عشان لو أنا مقدرتش اجى افتح بس وببعتلك حد يبلغك غير كدا أنا موجود متشغلش بالك

أدهم ابتسم وهز راسه بتفهم وقعد يقرأ قرآن لحد ما جه وقت آذان الفجر ...
عمار : يلا يا أدهم
أدهم بصله : نعم
عمار : قوم يلا أذن وقت الآذان جه
أدهم : طب اتفضل حضرتك أذن
عمار : قوم بقى احنا هنتعازم على بعض ف الآذان! الناس بتحب صوتك وبيحبوا يصلوا وراك وأنا أولهم يلا

أدهم ابتسم وقام أذن وبدأت الناس تدخل المسجد للصلاة .. خلصت صلاة الفجر واستنى مع الشيخ عمار لحد ما قفل المسجد ورجع البيت لقى روان قاعدة ف ركن الصلاة ع السجادة وبتقرأ ف المصحف .. لما شافته صدقت وقفلت المصحف وحطته مكانه بهدوء وقامت قربت منه وهو ابتسم وضمها لي ...

أدهم : تقبل الله ياحبيبتى
روان : منا ومنكم يارب
أدهم : ماما نامت!
روان : اه .. هتروح القرية بكرا؟!
أدهم هز راسه بالموافقة : ان شاء الله

روان بحماس : 😃هاجى معاك
أدهم : ومالو تعالى .. يلا بقى يادوب ننام شوية عشان نلحق نصحى بدرى ونروح
باس راسها : 😚تصبحى على خير
روان : وانت من أهل الخير