رُزِقتُ بِكَ♥️✨

البارت ٨❤️

ف رمضان صافح قلبك  .. ابتسم لذاتك ،، وصالح نفسك ،، وأطلق أسر أحزانك ،، وعلم همومك الطيران بعيداً عنك.❤️‍🩹

أدهم نزل المستشفى يتابع شغله .. جاله الطفل اللى كان مجروح ف ايده مع باباه عشان يغير ع الجرح ...
أدهم : عامل ايه دلوقتى!
الطفل : حمت الله

باباه : هو كان بيتعبه ويشتكى منه بس المسكن كان بيهديه ويريحه
أدهم هز راسه بالموافقة : دا طبيعى متقلقش
كشف الجرح وفحصه بهدوء : الجرح كويس وزى الفل اهو الحمد لله مفيهوش حاجة

غيرله عليه برفق وخلص واداله مصاصة ...
الطفل : شكياً أنا صايم
أدهم بابتسامة : بجد!
باباه بفخر وحب : بيصحى كل يوم يصلى معايا الفجر وبيصوم كمان

أدهم : اللهم بارك ربنا يحفظه ويباركلك فيه .. خدها لبعد الفطار بقى
الطفل خدها منه : شكياً

مشوا وأدهم كمل شغله .. خلص ومشى عدى ع البيت الأول خد شاور وغير هدومه وخد روان معاه وراحوا دار التحفيظ ...
الأطفال بحماس : يلا احكيلنا قصة😃

أدهم ضحك : طب نسمع القرآن الأول وناخد حفظ جديد😹
الأطفال ضحكوا : 😹ماشى

بدأوا يسمعوا القرآن واحد ورا التانى وخلصوا وأدهم اداهم حفظ جديد ...
روان بحماس : يلا بقى احكيلنا حدوتة😃
الأطفال ضحكوا : 😹أيوا يلااا

أدهم : طيب سمعتوا عن قصة الجمل اللى اشتكى للرسول عليه الصلاة والسلام!
الأطفال باستغراب : لا
أدهم : صلوا ع النبى
روان والأطفال بانتباه : عليه الصلاة والسلام

أدهم : ف يوم الرسول صلى الله عليه وسلم خرج من بيته عشان يركب الدابة أو الماشية بتاعته وركب وراه عبد الله بن جعفر رضى الله عنه .. فضلوا ماشيين لحد ما وصلوا لبستان جميل .. كان البستان كأنه جنة من كتر اهتمام صاحبه بيه بس كان ف حاجة غريبة ف البستان دا .. جمب شجرة من الأشجار ف البستان كان ف جمل .. الرسول عليه الصلاة والسلام بصله لقاه بيعيط .. الجمل كان بيبص للرسول عليه الصلاة والسلام وكأنه بيستغيث بيه بيطلب منه المساعدة فقرر الرسول يقرب منه ويعرف ماله .. الرسول عليه الصلاة والسلام اتأثر جداً بشكل الجمل وهو بيعيط كدا وقرب منه وحط ايده عليه عشان يهديه وبالفعل الجمل بدأ يهدى وبطل يعيط وقتها الرسول عليه الصلاة والسلام قال : "لِمَنْ هذا الجمل؟! مَنْ هو صاحب هذا الجمل؟!" وساعتها جه واحد من الأنصار بمجرد ما سمع صوت الرسول عليه الصلاة والسلام وقال : "هذا الجمل جملى يارسول الله" وقتها الرسول صلى الله عليه وسلم بصله بغضب وقاله : "أفلا تتقى الله ف بهيمتك التى أعطاك الله إياها؟!" ساعتها الولد استغرب جداً واتفاجئ من غضب الرسول صلى الله عليه وسلم من معاملته السيئة مع الجمل وهو مشافوش هو لسا داخل البستان من دقايق فعرف ازاى انه بيعامله وحش! الرسول عليه الصلاة والسلام قاله ان الجمل اشتكى من سوء المعاملة وانه مبياخدش طعامه الكافى وهو ف المقابل بيقوم بأعمال شاقة ومتعبة طول اليوم تفوق قدرة تحمله .. فهمتوا ايه ياحلوين!