أدهم صحى دخل خد شاور واتوضى وخرج صلى ركعتين وقعد قرأ الأذكار وسورة ياسين وبعدين قام لبس وجهز نفسه ونزل ...
أدهم : صباح الخير
ليلى : صباح النور ياحبيبى
أدهم : هى روان لسا نايمة ولا ايه!
ليلى : اه
أدهم طلع تانى ودخل أوضة روان لقاها بتسلم من الصلاة ...
أدهم : كنت لسا هاجى اشدك من قفاكى ع الحوض دلوقتى😹
روان ضحكت : 😹كنت ظابطة منبه ريح نفسك .. انت ماشى دلوقتى!
أدهم : اه يادوب اروح افتح المسجد واصلى وامشى بقى
روان : ماشى
أدهم : عايزة حاجة!
روان ابتسمت : سلامتك ياحبيبى
أدهم ابتسم وباس راسها ونزل باس راس ليلى : تسلمى ياست الكل على تعبك دا متحرمش منك
ليلى طبطبت عليه : أنا متعبتش خالص والله بالعكس كنت مبسوطة وأنا بعمل دا ومحستش بتعب خالص .. روح ربنا يراضيك ويفرح قلبك زى ما انت مفرح قلب غيرك دايماً كدا
أدهم ابتسم ومسك ايدها باسها وخد وجبات الأكل وعلب التمر وازايز العصير حطهم ف العربية ومشى .. راح فتح المسجد .. خلص صلاة وقفله وخرج كلم ريان واتقابلوا وراحوا القرية سوا والأطفال فرحوا جداً بوجودهم ورحبوا بيهم بفرحة وحماس ...
ريان بغرور مصطنع : شوفت يابنى حب الناس! مش عارف الشهرة عايزة منى ايه والله😌
أدهم ضحك وهز راسه بيأس من صاحبه وبص للأطفال : جاهزين عشان نعلق زينة رمضان!
الأطفال هللوا بحماس وفرحة : طبعاااااا
أدهم ابتسم : يلا بينا نبدأ .. بسم الله
الناس اتجمعت ف الشوارع وبدأوا يعلقوا زينة رمضان وطلبوا من أدهم ينشد .. كذا شخص جابوا دُفْ وبدأوا يدقوا عليه وأدهم بدأ ينشد "قد جاءنا رمضان" ...
قد جائنا رمضانُنا رمضانُنا رمضانُنا رمضان .. بالذِكرِ والقرآنِ والقرآنِ والقرآنِ والقرآن .. تراويحُنا وسجودنا .. تواشيحُنا وركعونا .. يزدادُ ف رمضانُ ف رمضانُ ف رمضانُ ف رمضان .. ربنا ارحمنا .. "يارب" .. وبصيامنا اقبلنا .. "يارب" .. والريَّان ادخِلنا واجِرنا من النيران من النيران من النيران من النيران .. "رمضان" .. "رمضان" .. قد جاءنا رمضانُنا رمضانُنا رمضانُنا رمضان .. رمضانُ ها هو آت .. "رمضان" .. باليُمنِ والبركات .. رمضان .. يا غافِرَ الذلّات اكتُب لنا رمضانُنا رمضانُنا رمضانُنا رمضان .. "رمضان" .. "الله" .. "رمضان" .. "الله" .. قد جاءنا رمضانُنا رمضانُنا رمضانُنا رمضان .. نورٌ ف الأفُقِ يَلوح .. "رمضان" .. بابُ الجنةِ مفتوح .. "رمضان" .. لا يروى عطشَ الروح الا باب الريَّان الريَّان الريَّان الريَّان .. "رمضان" .. "رمضان" .. قد جاءنا رمضانُنا رمضانُنا رمضانُنا رمضان .. قد جاءنا رمضانُنا رمضانُنا رمضانُنا رمضان♥️
أنت تقرأ
رُزِقتُ بِكَ♥️✨
Romanceهنعيش فيها أجواء رمضانية جميلة هنعيش مع الأبطال لحظات فرح ولحظات حزن هنضحك ونعيط سوا😹 بس هنستمتع بيها ان شاء الله🖤✨
