أدهم ابتسم وسلمه عروسته .. ريان وقف قدام سليم بملك ... ريان : طبعاً مش محتاج اوصيك عليها بس مش هقولك غير حاجة واحدة .. ميغركش البدلة ومنظر رجل الأعمال الشيك دا أنا بلطجى ف احذر منى بقى🤨
سليم ضحك : الحال من بعضه ياباشا متقلقش وبعدين دا أنا تربيتك ياريرو عيب عليك😌 ريان بثقة : ماهو دا اللى مطمنى عليها معاك ياحبيبى😌يلا بالتوفيق
بص لملك وابتسم بحب وباس راسها وسلمها لعريسها وبدأ كتاب كتابهم تباعاً ورا بعض .. وبعدين بدأ الاحتفال وسط فرحتهم الطاغية ع المكان حواليهم وفرحة الكل بيهم ...
ريان حاوط روان بدراعه : عجزونى بدرى ولاد الكلب🙂 روان ضحكت وبصتله ولمست دقنه اللى فيها بعض الشعر الأبيض : هو ف عجوز زى القمر كدا ريان بصلها : والله ما ف قمر غيرك ياقمر انت
باسها وهى ابتسمت بحب وخجل ووطت راسها وهو ابتسم وضمها لي وهما بيراقبوا عيالهم وفرحتهم ... آية كانت بتبصلهم ومبتسمة وحست بإيد أدهم على كتفها ...
أدهم : الأيام بتعدى تجرى .. حد يصدق ان خلاص ولادنا بيتجوزوا دلوقتى! آية سندت على كتفه واتنهدت : ربنا يسعدهم .. الحمد لله اننا عدينا من كل اللى حصل دا على خير
أدهم : عديت من كل دا بوجودك جمبى .. متحرمش منك آية ابتسمت بحب : ولا منك يارب
اليوم خلص واتجمعوا كلهم ك عيلة خدوا صورة جماعية بتعبر عن مدى فرحتهم وحبهم لبعض وترابطهم الأسرى ...
