رُزِقتُ بِكَ♥️✨

البارت ٢٨❤️

الله أكبر الله أكبر الله أكبر .. لا إله إلا الله .. الله أكبر الله أكبر ولله الحمد .. الله أكبر كبيرا والحمد لله كثيرا وسبحان الله العظيم بكرةً وأصيلة .. لا إله إلا الله وحده .. صدق وعده ،، ونصر عبده ،، وأعز جنده وهزم الأحزاب وحده .. لا إله إلا الله .. ولا نعبد إلا إياه .. مخلصين له الدين ولو كره الكافرون .. اللهم صلِ على سيدنا محمد .. وعلى آل سيدنا محمد .. وعلى أصحاب سيدنا محمد .. وعلى أنصار سيدنا محمد .. وعلى أزواج سيدنا محمد .. وعلى ذرية سيدنا محمد وسلم تسليماً كثيرا .. الله أكبر الله أكبر الله أكبر .. لا إله إلا الله .. الله أكبر الله أكبر ولله الحمد .

انتشرت أصوات التكبيرات بصوت أدهم ف كل مكان ف المنطقة ونشرت معاها البهجة والفرحة .. خلصت صلاة العيد وبعدين بدأ يوزع الهدايا ع الأطفال ...

ريان جه وسط الأطفال : وأنا وأنا😃
روان : أيوا وأنا كمان🥺

أدهم ضحك واداهم كل واحد هدية وجه بدر اداله واحدة وادى لآية كمان عشان كانت معاه وهى ابتسمت وخدتها منه وشكرته .. خلص التوزيعات هو وروان وريان راح جاب مامته وجم ...

ريان : هتدبح علطول دلوقتى!
أدهم : اه هطلع اغير هدومى وانزل علطول اهو
طلع غير هدومه هو وريان ونزلوا واستعدوا لدبح الأضحية ...

ريان : شكلنا سفاحين وربنا بالسكاكين دى😹
أدهم ضحك وخرجوا أول أضحية واستعد لدبحها ...

أدهم : بسم الله والله أكبر .. اللهم هذا منك ولك .. هذا عنى .. بسم الله والله أكبر
مرر السكينة على رقبتها وانتهى دبح أول الضحية .. خرجوا التانية وريان استعد لدبحها ...

ريان : بسم الله والله أكبر .. اللهم هذا منك ولك .. هذا عنى .. بسم الله والله أكبر
مرر السكينة على رقبتها وانتهى دبح الأضحية .. دخلوهم المخزن والناس انصرفت خلاص كل واحد رجع بيته وهما بدأوا ف تنضيفها وتقطيعها وروان وزينة معاهم بيطبخوا رز ولحمة عشان يوزعوا وجبات كمان ...

ريان بمشاكسة : مش محتاج أى مساعدة ياجميل!😉
أدهم خبطه برجله : اتلم يلا أنا وأمك واقفين🙂
ريان : الاااه🙂مراتى ياعم براااحتى

روان وزينة ضحكوا عليهم وكملوا شغلهم وهما كمان وفضلوا يساعدوا بعض هما ال٤ لحد ما خلصوا وروان دخلت تحضر الفطار ليهم جوا لحد ما يخلصوا توزيعات ويرجعوا .. نزلوا هما ال٢ وبدأوا يوزعوا ف المنطقة والعمارة اللى فيها سكان القرية .. كل بيت طبق لحمة ووجبة عبارة عن رز بسمتى وقطع لحمة وازازة عصير وبيعايدوا الناس بابتسامة جميلة بشوشة على وشهم .. خلصوا ورجعوا وقعدوا فطروا سوا ...

ريان اتاوب : ااه يالهوى ياجدعان معتش قادر وربنا🥱
أدهم : والله وأنا كمان .. كلنا عايزين ننام ملحقناش ننام بالليل .. هندخل ننام ولما نتغدى واسهروا معايا كدا شوية وبعدين ابقوا امشوا
ريان : طيب تصبحوا على خير بقى 
بص لروان : خلصى وتعالى أنا فصلت خلاص

روان هزت راسها بالموافقة ولمت الأكل وقالت لزينة تطلع ترتاح هى كمان .. أدهم قام لم معاها الأطباق وفضل قاعد معاها لحد ما غسلتهم وخلصت .. ضمها لحضنه وباس راسها واداها ظرف ملون ومكتوب عليه "عيد سعيد" وجواه مبلغ "عيدية" ...

أدهم : كل سنة وانتى طيبة ياحبيبتى
روان ابتسمت وخدته منه وحضنته : وانت طيب يادومى ودايماً معايا كدا يارب متحرمش منك🤗
أدهم : ولا يحرمنى منك يارونى😚

طلعوا هما كمان ناموا شوية .. صحوا ساعة العصر وأدهم وريان نزلوا يصلوا ف المسجد ورجعوا .. وبعدين راحوا يزوروا قبر رأفت وليلى .. ريان وزينة قرأوا الفاتحة واترحموا عليهم وسابوهم براحتهم شوية ...

روان : ازيك يابابا .. ازيك ياماما .. كل سنة وانتوا طيبين .. وحشتونى أوى بس أنا عارفة ان انتوا أكيد ف مكان أحسن بكتير من هنا .. متقلقش عليا يابابا أدهم وفى بوعده وزيادة وفضل محافظ عليا لحد ما سلمنى لراجل هيحافظ عليا زيه بالظبط .. أنا كويسة بوجوده جمبى

بصت لأدهم وابتسمت وهو ردلها الابتسامة وبعدين بصت لقبر ليلى : متقلقيش على أدهم ياماما .. أنا عارفة انه مهما كبر بيفضل عيل صغير متعلق فيكى وبيجيلك هنا كتير بس أنا بحاول وهفضل احاول اعوضه ولو شوية مش هسيبه
أدهم ضمها لي وباس راسها بعمق وهى ابتسمت واترحمت عليهم وخرجت وسابتله مساحة خاصة شوية ..

أدهم اتنهد : كل سنة وانتوا طيبين ياحبايبى عيدكوا ف الجنة أحلى أكيد .. مفيش حاجة كنت بتعملها بطلت تحصل بعد وفاتك يابابا .. كل حاجة كنت بتعملها أنا بعملها وزيادة والله .. النهاردة زودت مع الأضحية وجبات ووزعت ع المنطقة وبرا المنطقة كمان .. عارف كل ما حد يعرفنى ويقول انى ابنك وزيك بالظبط بحس بفخر ومبسوط ان الناس لسا فكراك وبتدعيلك وهيفضلوا فاكرينك ويدعولك دايماً طول ما أنا لسا عايش ومخلى خيرك لسا مستمر .. العيد اللى فات كان صعب عليا أوى ياماما من غيرك بس صدقينى أنا كويس .. هو اه عمرى ما هنسى بس ربنا بيلهم الصبر .. أنا النهاردة أحسن وحاسس ان مبسوط وفرحان بالعيد بجد بفرحة الأطفال بالهدايا ودعوات الناس ليا .. والفضل لريان وروان بعد ربنا عشان جم قعدوا معايا ومسبونيش لوحدى .. عمر ما ف حد هيقدر يعوضنى عنك ولا ياخد مكانك ف قلبى بس روان فعلاً بتحاول ومحاولاتها دى كفاية أوى عندى وبتفرق معايا كتير .. ربنا يرحمكوا يا أغلى الناس على قلبى

خرج من المقابر ومشوا كلهم رجعوا البيت تانى وزينة وروان عملوا عصير وحضروا كاندى ومسليات وقعدوا مع بعض يلعبوا أتوبيس كومبليت ...

ريان : استوووب .. كله يسيب القلم وربنا لو شوفت حد لسا بيكتب هسفلت وشه🙂
زينة ضربته بالقفا
ريان بتراجع : ماعدا انتى طبعاً ياست الكل

ضحكوا وبدأوا يقولوا اللى هما كاتبينه
أدهم : ولد أدهم
روان : وأنا أدهم🙂
ريان : وأنا كمان أدهم🙂
زينة ضحكت : اشمعنا أنا😹أدهم بردو والله

أدهم : يعنى هى أسامى ربنا كلها اللى بحرف الألف خلصت! مفيش غير اسمى!🙂

روان : اسم أخويا😌
ريان : وأنا اسم ابنى المستقبلى😌
زينة : وأنا مجاش ف دماغى اسم تانى والله🙂
ريان : حصل خير حصل خير يلا

كملوا وبدأوا دور جديد وبعد شوية أدهم قال استوب وبدأوا يقولوا اللى هما كاتبينه ...
زينة : ولد زين

ريان بصلها بطرف عينه وابتسم بخبث
زينة : 🙂شوف ههبدك بالصينية دى ف وشك

كلهم ضحكوا وكملوا لعب وفضلوا كدا سهرانين مع بعض يلعبوا ويتسوا وكانت سهرة لذيذة وسعيدة عليهم جداً ...

كدا البارت خلص♥️رأيكوا؟؟!!!....