Könlümüzdən qopan yara izləri

Üləma ilə söhbət

-Eşqi idrak eylədim, neyçün nəfsim ar eyləməz?
-Eşqi idrak eyləyən öz nəfsini xar eyləməz.

-İlahi Şafi qüdrətin mənə qismət edərmi?
-İlahi çarəsin qılar, fəqət ki car eyləməz.

-Əcəl imkan eyləməzmi, nədəndir bu ahüzar?
-Rəbb ki təmiz ruhlara çirkabı məzar eyləməz.

-Vəsvəsə bəs? Nahaqı haqq, haqqı haram göstərir.
-Müstərih ol, haqq işığı iblisi yar eyləməz.

-Yumsam əgər gözlərimi, qulağım inad eyləsə?
-Haqqın sözünü qəlb eşidər, könlünü kar eyləməz.

-Dərd içrə yanar bağrıma duz basmağı hərgah..
-Üsyan eləmə Rəbb bizə namümkünü var eyləməz.

-Əysəm boyun, umsam mədətim qadirə, alim?!
-Ağac ki əyilməz, qırılar, ömrü nübar eyləməz.