តម្លៃភរិយាលើដែនដីទឹកកក
ភាគទី៣“ចិត្តដាច់”
ជេហូប ត្រូវបានពូបើកតាក់ស៊ី រុញមកដល់ជាន់ទី៦ ជាជាន់លើដំបូល ខ្យល់បក់មករំភើយៗបែបនេះ ស្រស់ស្រាយក្នុងចិត្តបន្តិច តែទាស់ត្រង់ថាក្ដៅ ទើបលោកប្រធានធនាគារ យកវែនតាខ្មៅនៅ.កអាវមកពាក់យ៉ាងសង្ហារអត់ទាស់។
“មានអី! រើសទីតាំងចាប់ជម្រិតបានល្អ!” ជេហូប បែរក្រោយសម្លេងមើលមុខបុរសចំណាស់ ឯកសណ្ឋានអ្នកបើកតាក់ស៊ី និងមើលទៅកូនចៅជិត១០នាក់នោះដោយមិនគិតខ្វល់នឹងកាំភ្លើង។
“ឲ្យលុយមក! លោកបានឃើញនាងហើយ!” ពូបើកតាក់ស៊ី បានតែគម្រាមនឹង តាមពិតទៅដូចខ្លាចជេហូបជាងមិចមិនដឹង។
ភឹប!> មិនស៊ាំញ៉ាំ គេបានគប់វ៉ាលីពណ៌ខ្មៅឲ្យទៅគាត់ និងឈរជ្រែងហោប៉ៅស្របពេលសម្លេងឡូឡា វាយគ្នានៅជាន់ខាងក្រោមខ្ទរមកដល់ខាងលើ។
“ឯងលេងល្បិច?” ពូបើកតាក់ស៊ី សម្លឹងមើលមុខជេហូប ឯអាសង្ហារបានដឹង ក៏ដើរទៅក្បែរលីអាជាប់ចំណង ទាញកាំបិទចាំកាត់ផ្ដាច់ចំណងរួចជាស្រេច ឯអ្នកនៅសល់បានចុះទៅមើលនៅក្រោមអស់។
“ចាត់ការស្រីម្នាក់នោះទៅ!” ហិបលុយ មិនទាន់បានបើកទេ តែបុរសចំណាស់បានស្រែកទៅអាសង្ហារក្រោយខ្នងជេហូប។
“អត់ទេៗ!កុំ-កុំអី!” មកដល់ស្ថានភាពគ្រោះថ្នាក់ លីអា ក៏បើកភ្នែក ស្រែកឡើងភ្លាត់សម្លេង ពេលសម្លឹងមើលទៅខាងក្រោមដែលជាថ្ម។
“អ្ហេ៎!ឈប់សិន…មុននឹងចាត់ការនាង ឯងគួរតែប្រាប់សិនថា តើតាចាស់ឯងមែនទេជាអ្នកផ្ដើមគំនិត?” ជេហូប ឈរចន្លោះកណ្ដាលរវាងលីអា និងពូបើកតាក់ស៊ី សួរដូចមិនខ្វល់ពីអ្វីទាល់តែសោះ។
“ចុះបើមែនវាយ៉ាងមិច?” គាត់គំហកឲ្យជេហូបវិញ
“ហ្ហឹសៗ!” តែអ្នកប្រុសក៏បានសើចនៅដើម.ក
“សមត្ថភាពអន់ៗ!លើកក្រោយកុំចង់ផ្គើននឹងជេហូប វាមិនល្អឡើយ” គេឱបដៃគ្រវីក្បាល ពេបមាត់ មុននឹងដៃរហ័សបានទាញកាំភ្លើងដែលលាក់មកក្នុងអាវធំ បាញ់ទៅកាន់ហិបដាក់លុយ ឲ្យវាឆេះឆាប ផ្លោងពូបើកតាក់ស៊ីទៅក្រោយ ឆេះជាមួយនឹងភ្លើង ខ្លោចខ្ទិចអស់ ព្រោះក្នុងហឹប មានសារធាតុផ្ទុះ គ្មានលុយមួយសេនទេ។
YOU ARE READING
SS4: ភរិយាលើវាលដីទឹកកក(ចប់)
Romanceនេះជារដូលកាលទី៤ នៃស៊េរី "ម្ចាស់បេះដូងម៉ាហ្វៀ" រឿងរ៉ាវស្នេហារវាងមនុស្សពីរនាក់ដែលបានរៀបការជាមួយគ្នាដោយគេមិនបានស្រលាញ់នាង តែនាងស្រលាញ់គេ ហើយស្រលាញ់ខ្លាំងទៀតផងរហូតដល់ថ្នាក់នាងអាចធ្វើអ្វីគ្រប់យ៉ាងដើម្បីគេតែគេនៅតែមើលមិនឃើញ....
