តម្លៃភរិយាលើដែនដីទឹកកក
ភាគទី១
“ផ្ដើមមិនសូវល្អ”
អាកាសយានដ្ឋាន, ទីក្រុងស៊េអ៊ូល
ងឺត!!> ឡានពណ៌ខ្មៅ ជាស៊េរីទំនើបចុងក្រោយ បានបើកមកឈប់ ងក់ នៅពីមុខអាកាសយានដ្ឋាន ដែលជាកន្លែងដែលមានឡានតាក់ស៊ីផ្សេងៗទៀត រងចាំទទួលអ្នកដំណើរជាច្រើន។
អ្នកប្រុសប្រធានធនាគារ អង្គុយនៅបាំងខាងក្រោយ បានដោះវែនតាខ្មៅចេញ សៀតនឹង.កអាវសឺមីពណ៌ខ្មៅ បែបមិនសូវសប្បាយចិត្ត ព្រោះតែចិញ្ចើមចងចូលគ្នា កែវភ្នែកពណ៌ខ្មៅឡើងស្រអាប់។
“ស្រីម្នាក់នោះមកដល់ហើយឬនៅ?”
តូគី នាយជំនិតជនជាតិជប៉ុន អង្គុយក្បែរសូហ្វ័រ ក៏ដកខ្លួនត្រង់ភ្លឹង ធ្វើភ្នែកឡេឡង់ មិនដឹងឆ្លើយថាយ៉ាងមិច!
“តូគី? ឯងឥឡូវលែងចេះនិយាយស្ដីហើយ?” ទឹកមុខកាចរបស់ជេហូប បានធ្វើឲ្យលោកជំនិត ងាកក្រោយយ៉ាងលឿន ដោយអាការៈស្លន់ស្លោរ
“លោកប្រធាន…តាមពិត! ខ្ញុំមិនដឹងថាអ្នកនាងលីអា មកដល់ថ្មើណាឡើយ! អ្នកប្រុស ឲ្យខ្ញុំរៀបចំឡាន ខ្ញុំក៏បើកមកតែម្ដង…”
“ចំជាអត់បានការមែន!” អ្នកប្រុស ខឹងឡើងក្រហមមុខ ស្រែកឲ្យកូនចៅ មុននឹងបើកទ្វាចេញទៅក្រៅ ដោយមានកំហឹងជាប់ទ្រូង ។ នេះកុំព្រោះម្ដាយបង្ខំឲ្យមកយកស្រីម្នាក់ឈ្មោះលីអានោះខ្លាំងពេកទេ បើមិនអញ្ចឹង គេស្បត់ ដាច់ខាតមិនចំណាយពេលអត់ប្រយោជន៍ ដែលមកយកនាងឡើយ។
ដោយសារតែរូបរាងខ្ពស់ស្រឡះ ផ្ទៃមុខសង្ហារបែបស្ដង់ដារ បានធ្វើឲ្យមនុស្សនៅព្រលានយន្តហោះ ទាំងប្រុស ទាំងស្រី ងាកមើលគេសឹងគ្រប់គ្នា ដែលកាន់តែបន្ថែមភាពមួម៉ៅឲ្យគេដល់កម្រិត១០០។
នៅក្នុងចំណោម មនុស្សជាច្រើននោះ ក៏មាននារីម្នាក់សក់វែងពណ៌ត្នោត ទម្រង់មុខពងក្រពើ ចិញ្ចើមពណ៌សូកូឡា កែវភ្នែកញ័រៗ បបូរមាត់តូចក្រហមស្រាល ការតុបតែងខ្លួនមើលទៅសមញ្ញតែស្អាត ដោយមានតែអាវពណ៌ស នៅពីខាងក្នុង ស៊ីគ្នាជាមួយនឹងអាវក្រៅពណ៌ខ្មៅ គ្របពីលើ ខោសាច់ក្រណាត់ខ្មៅរលុងៗ សាកសមជាមួយនឹងរាងខ្ពស់ របស់អ្នកនាងបំផុត ។
“អ្នកប្រុស…ជេហូប!!!” ភ្នែកពណ៌ត្នោតមានពន្លឺព្រាកៗ សម្លឹងមើលទៅបុរសសង្ហារ ទោះនាងឈរនៅចម្ងាយពីគេ៣០ម៉ែត្រសោះ តែគេមិនបានឃើញនាងឡើយ។ ដៃម្ខាងដែលទំនេរពីការកាន់វ៉ាលី ក៏យកមកស្ទាបទ្រូង ដែលវាលោតចង់ចេញពីទ្រូងទៅហើយ ។
YOU ARE READING
SS4: ភរិយាលើវាលដីទឹកកក(ចប់)
Romanceនេះជារដូលកាលទី៤ នៃស៊េរី "ម្ចាស់បេះដូងម៉ាហ្វៀ" រឿងរ៉ាវស្នេហារវាងមនុស្សពីរនាក់ដែលបានរៀបការជាមួយគ្នាដោយគេមិនបានស្រលាញ់នាង តែនាងស្រលាញ់គេ ហើយស្រលាញ់ខ្លាំងទៀតផងរហូតដល់ថ្នាក់នាងអាចធ្វើអ្វីគ្រប់យ៉ាងដើម្បីគេតែគេនៅតែមើលមិនឃើញ....
