មកពីរភាគថ្ងៃនេះ😭
តម្លៃភរិយា
ភាគទី៩"បំពាន"
មេឃកាន់តែងងឹតណាស់ទៅហើយ តែក្នុងនាមជាភរិយាដែលធ្លាប់គិតថាឈប់អង្គុយរងចាំស្វាមីទៀត ក៏ស្រាប់តែលេចវត្តមានមក ដេកទាំងអង្គុយផ្អែកខ្នងនៅសាឡុងទៅវិញ។ បើក្រលេកទៅមើលតុបាយក៏ឃើញម្ហូបពាសពេញលើតុ ដូចកំពុងតែចាំនរណាឲ្យមកចាត់វាអញ្ចឹង។
បានមួយស្របក់ ពន្លឺភ្លើងនៃឡានបានបើកចូលមកកាន់ផ្ទះដែលបើកភ្លើងភ្លឺពេញផ្ទះ តាមសភាវគតិនារីមុខតូចក៏ស្រាប់តែភ្ញាក់ក្រញាង ឆ្លេឆ្លាមើលឆ្វេងស្ដាំ។
ក្រាក!ផាំង!> ស្របពេលនោះទ្វាផ្ទះក៏ត្រូវច្រានមួយទំហឹង ធ្វើឲ្យទ្វាបុកនឹងជញ្ជាំងឮសូរ ផាំង!
លីអា ដែលខំរត់ទៅរកស្វាមីត្រូវគាំងឆ្គឹងនៅមួយកន្លែងព្រោះឃើញស្វាមីក្នុងសភាពស្រវឹង ហើយនៅមាននារីប្លែកមុខគ្រាមកទៀត។
"បន្ទប់លោកជេហូបនៅឯណា?" នារី ម្នាក់នោះសួរម្ចាស់ផ្ទះស្រីបែបគំរោះគំរើយ ដូចមិនចង់និយាយ។
"អស់កិច្ចការនាងហើយ! ប្ដីខ្ញុំ ខ្ញុំអាចមើលខ្លួនឯងបាន" លីអា ចូលមកយកជេហូបពីដៃនារីឆើតឆាយនោះ តែនាងជ្រួញចិញ្ចើមស្រែកឲ្យលីអាវិញ...
"តែខ្ញុំត្រូវបំពេញតួនាទីនេះ...លោកជេហូបបានប្រគល់ឲ្យខ្ញុំហើយ!"
ភរិយា ដូចនាងមិចនឹងអាចទ្រាំបាន បើប្ដីខ្លួនចង់ធ្វើទារុណកម្មផ្លូវចិត្តនាងដោយវិធីនេះនោះ។ អ្នកនាងសើចបែបចំអកដាក់នារីឆើយឆាយ មុននឹងដើរចូលទៅក្នុងមួយភ្លែត ក៏ចេញមកវិញជាមួយនឹងលុយមួយបាច់
"យកទៅ! ប៉ុណ្ណឹងវាលើសចំនួនដែលប្ដីខ្ញុំឲ្យនាងផង" លើកនេះលីអាមកបែបខ្លាំងខ្លា គឺយកលុយញាត់ចូលទៅក្នុងរ៉ូបដែលវាលបញ្ចេញដើមទ្រូងហួសមាឌនោះ។
"ដកដៃចេញពីប្ដីខ្ញុំបានហើយ" លីអា ចូលមកកញ្ឆក់រាងកាយប្ដីពីដៃនារីនោះ ដោយទឹកមុខកាច នាងមិននិយាយច្រើនទេ ហើយក៏មិនចូលចិត្តបង្ហាញឲ្យអ្នកដទៃមើលស្រាលនាងដែរ។
"ហ៊ឹស!ទៅក៏បាន" បានលុយហើយ នាងលែងខ្វល់ពីជេហូប ក៏ដើរបកក្រោយវិញ។ ចាត់ទុកថាថ្ងៃនេះនាងសំណាង បានលុយពីប្ដីហើយ មកដល់ផ្ទះបានលុយពីប្រពន្ធទៀត បើយករឿងនេះទៅប្រាប់មិត្តនៅកន្លែងធ្វើការ ពួកគេច្បាស់ជាសើច ហើយមិនជឿឡើយ។
YOU ARE READING
SS4: ភរិយាលើវាលដីទឹកកក(ចប់)
Romanceនេះជារដូលកាលទី៤ នៃស៊េរី "ម្ចាស់បេះដូងម៉ាហ្វៀ" រឿងរ៉ាវស្នេហារវាងមនុស្សពីរនាក់ដែលបានរៀបការជាមួយគ្នាដោយគេមិនបានស្រលាញ់នាង តែនាងស្រលាញ់គេ ហើយស្រលាញ់ខ្លាំងទៀតផងរហូតដល់ថ្នាក់នាងអាចធ្វើអ្វីគ្រប់យ៉ាងដើម្បីគេតែគេនៅតែមើលមិនឃើញ....
