قلبي عزيز ما ياخذه إلا عزيز !

part 4

{رواية احببت حطباً}
Part:4
بسم الله
قراءة ممتعة💕✨

المتصل: السلام عليكم...الاخ علي ال....؟
علي وقلبه يدق بسرعة: وعليكم السلام..اي انا علي
المتصل:..لازم تجينا المستشفى..بنتك صحت
علي امتلت عيونه دموع وصوته تغير : هاه؟
المتصل بتعاطف: الف مبروك اخوي بنتكم صحت
رفاه بقلق: علي ..من الي داق ؟
علي لف عليها وانفجعت وهي تشوف دموعه وطاح قلبها: علي بنتي صارلها شي؟
علي ابتسم و دموعه تطيح بعدم تصديق : صحت ليليان صحت رفاااه
رفاه زادت دقات قلبها ويدينها ورجلينها بدوا يرتجفوا وهي تناظره بصدمة: صحت؟
علي قرب منها ومسكها من اكتافها وهز راسه بأي ودموعه تطيح
رفاه رفعت راسها لاعلى ودموعها تنهمر ..مو قادرة تقول غير : الحمدلله..الحمدلله الحمدلله الحمدلله
علي مسح دموعها وهو يقول بفرحة: خلينا نروح المستشفى
رفاه هزت راسها بحماس: اييه
علي ضحك وهو يقول:تقدري توقفي؟
رفاه : ايه ايه
علي تركها و رجع مسكها لانها كانت بتطيح من الرجفة الي متملكتها وضمها وهو يضحك..وش من ضحكة كانت؟..ضحكة من القلب ..ضحكة وكأنه مارح يحزن بعدها للأبد !..ودموع فرحة اصدق من اي كلمة ممكن تنقال.."ما لا يمكن ان يُقال،سينهمر دمعاً."❤️✨.....

...............................

الساعة ٩ ونص
رجع مالك البيت ومر بالصالة وشاف الموجودين وقال ببرود: السلام
رفعت عيونها له وقالت بنظرات شيطانية : وعليكم السلام
ماكلف حاله يناظرها وناظر اخته الصغيرة الي جالسة عند التلفزيون: ميان حبيبي ليش مانمتي
ميان ناظرته براءة : ماخلص الكرتون
مالك قرب منها ومسك يدها: عندك مدرسة بكرا بعدين شاهديه
ميان قامت وصعدت معه
ناظرت امها بحقد: هذا على وشو شايف نفسه شهالغرور
امها : ماعليك منه هالمريض..طالع لامه مالت عليه

نتعرف على العائلة الكريمة؛

الام؛ نسرين ..عمرها ٥٠ سنة ..تكون زوجة ابو مالك ..شمطاء وحقيرة وتكره مالك و ميان ماخذة ابوهم عشان فلوسه ..

البنت؛سحر ..عمرها ١٤ سنة ثاني متوسط..بنت نسرين من زوجها السابق ..اخلاقها قبيحة مثل امها ..خبيثة ..سمراء ملامحها حادة وتعتبر عادية جدا واقل من عادية ..جسمها حلو وشعرها اسود لنص ظهرها ..حواجبها كثيفة وعيونها سود جاحضة..لها نظرات مخيفة نوعا ما ..تغار من ميان بشكل لا يوصف حاسدتها على كل شي عندها ..جمالها ..لطافتها..اخوها الي مدلعها..ابوها..غرفتها ملابسها كل شي تملكه..بالرغم من ان ابو مالك معيشهم احسن عيشة ومو ناقصها ولا شي بس بعد حاسدتها وتهاوشها على كل شي ..

ميان؛ عمرها ٩ سنوات ثالث ابتدائي ..اخت مالك ..لطيفة جداً ..بريئة وحبوبة كثير..بيضاء البشرة وشعرها اسود قصير وناعم وعيونها سوداء ومكحلة ..ملامحها ناعمة بريئة تجيب العافية وتشبه مالك كثير ..لها غمازات تجنن ، نحيفة وقصيرة ..نقدر نقول انها الملاك و سحر الشيطان..