قلبي عزيز ما ياخذه إلا عزيز !

part 7 (غيرة)

Part:7

بسم الله
استمتعوا💕✨
الساعة ال ١٢ بالليل
كان جالس بمكتبه بالشركة
يتأمل المباني من زجاج مكتبه
مو معقول الي صار اليوم !!!
اظهروا صور لبراء وهو مضروب
القاضي طلب التحقق من صحة ادلتهم وتأجلت القضية للشهر الجاي!!!!
والمصيبة الحقيقية انه امر ان براء يضل مع خالاته طول الاسبوع عدا ايام الويكند !
متخيلين؟
التفكير فقط بالامر خلاه ياخذ اقرب شي على مكتبه وكان دباسة ورماها ع الجدار الزجاجي بكل قوته
سرعان ما تناثر الزجاج بالغرفة
دخل السكرتير وهو منفجع : طال عمرك
عبدالعزيز باقصى مرحلة من مراحل عصبيه: برررررررررررررررااااااااااااااا
السكرتير طلع وسكر الباب بسرعة وهو مرتبك ومنخرش ويدينه ترجف
لحسن الحظ اصلا الشركة فاضية من بيداوم للساعة ١٢؟
اللعنة عليهم ! كيف ممكن يضر ولده؟
الله ياخذهم عديمين الاخلاق ويتجرؤا يلبسوه تهمة بعد
دخل فارس الغرفة وهو يناظر الزجاج بصدمة: عبدالعزيز
عبدالعزيز لف عليه وهو يقول بدون نفس: شتبي
فارس سكر الباب وقرب منه : شفيك معصب نسيت ان المحامي قال انه راح يثبت برائتك وراح يرجع لنا براء هدي طول بالك
عبدالعزيز بحدة: اطول بالي؟اطوووول بالي؟اطول من كذا ماقدر معلي
فارس: عبدالعزيز اذا فقدت السيطرة ع نفسك مارح تقدر تفكر زين
عبدالعزيز حط ع جبينه وهو يضغط عليه بقوة: فارس شتقول؟ اخذوا الولد رسمياً وانا مو قادر اسوي شي
فارس : مؤقتاَ بس!! لاتنسى محاميك شاطر وهو الاول ع دفعته وماخسر ولا قضية من قبل اكيد راح نربح القضية
عبدالعزيز رجع ظهره ع الكرسي وهو يتنهد
هدى شوي والشكر لفارس
كان مستحيل احد يقرب منه وهو بهالكم الهائل من العصبية شي مذهل ان فارس قدر يكلمه !
فارس بحزن: ماتبي تجلس مع براء؟بكرا راح ياخذونه
عبدالعزيز عوره قلبه : الا
فارس ابتسم: يالله قوم
عبدالعزيز تنهد: اسبقني
فارس : طيب
وطلع وهو يشوف السكرتير ماسك ثامر المعصب وعقد حواجبه : شصااير هنا؟
ثامر والسكرتير لفوا عليه
ثامر دف السكرتير وقرب منه وعيونها يتطاير منها الشرار: انت...السبب
و طلع سكين و وحاول يطعنه ببطنه
فارس مسك يدينه وهو يحاول يبعد السكين عنه بخوف ويدينه ترجف و ثامر يحاول يطعنه بكل قوته
السكرتير شهق
عبدالعزيز طلع ولما شافهم انفجع وقرب بسرعة وعطا ثامر بوكس بنص عينه خلاه يتراجع ويطيح ع الارض بقوة وتطير منه السكين
عبدالعزيز مسك فارس وهو يناظره بخوف: فيك شي؟
فارس هز راسه بلا وهو مازال مصدوم
لو ما انقذه عبدالعزيز كان شقت السكين بطنه من زمان
مهما كان فارس لسة صغير و ثامر اقوى منه بكثير
بس بما ان ثامر بالفعل كان سكران !!قدر يقاومه و على طول طاح بعد ضربة عبدالعزيز
عبدالعزيز قرب من ثامر ورفعه من ياقته وهو معصب و عقد حواجبه قبل لا يتكلم وهو يشم ريحة الشراب فيه
رماه وهو ينفض يده بقرف واشمئزاز وصدمة: دق ع الشرطة بسرعة
السكرتير بارتباك: ح حاضر طال عمرك
وراح يدق ع الشرطة
فارس بصدمة : عبدالعزيز؟
عبدالعزيز ناظره وهو مشمئز وغاضب: هالحيوان سكران
فارس انصدم اكثر
عبدالعزيز لف وبعدها فتح عيونه ع وسعها ورجع ناظره بخرعة: بطنك
فارس نزل عيونه لبطنه ولاحظ شوية دم ع القميص فتح الازرار : خدشني وماحسيت
عبدالعزيز اخذ نفس براحة وهو يسكر عيونه: استغفر الله
بعد ربع ساعة
جت الشرطة و شالت ثامر بالفعل
وتبين من خلال الفحص انه فعلا سكران
وطلب عبدالعزيز انه يشتكي عليه بتهمة محاولة قتل
وطلع من مركز الشرطة قبل لايجوا اهل ثامر ماله خلق يتمالك اعصابه ولو شافهم احتمال يذبحهم كلهم
تخيل لو ماجا بالوقت المناسب؟كان راح فارس من جد !!
عض شفايفه بقهر وهو يسوق ولف ع فارس
كان هادي وكانه مصدوم من الي صار
قال بهدوء: ماتوقعت انه واطي لهالدرجة
عبدالعزيز وعينه ع الطريقة: ولا انا ..مارح اغفر له ولا لاهله ع الي سووه فيك لاتخاف
فارس ناظر عبدالعزيز
كان كاتم غضبه بشكل واضح
وصلوا بيت ام عبدالعزيز ودخلوا
ام عبدالعزيز كانت جالسة بالصالة تتابع بالتلفزيون و جنبها ع الارض براء منسدح ومتكي يدينه ع خدوده يتابع معاها
فارس وعبدالعزيز: السلام
ام فارس لفت عليهم: وعليكم السلام
براء لما شافهم انبسط وقام وراح ركض : باباااا
وتعثر بلعبته بس شاله عبدالعزيز قبل لايطيح وهو يبتسم بتعب: حبيبي
براء ضحك: بيبي اننو؟
عبدالعزيز وهو يمشي باتجاه الكنب: يمه وش يعني اننو
ام عبدالعزيز بضحكة : مادري والله ترى بس يقولها لك و لإلين
وناظرت فارس وهي تلاحظ يده ع بطنه : فارس شفيك بطنك يعورك؟
فارس ارتبك هو حاط يده عشان يخفي الدم: هاه ؟لا لا
ام عبدالعزيز بقلق: ليش حاط يدك ع بطنك اجل
فارس ناظر عبدالعزيز
عبدالعزيز ناظر امه : يمه بنقولك شي بس لاتخافي
ام عبدالعزيز بقلق: شفيكم شصاير
وقامت وقربت من فارس: شيل يدك بشوف
فارس شال يده مجبور
ام عبدالعزيز شهقت: فارس هذا وشو
فارس رفع القميص : يمه جرح صغير شوفي مافي شي
ام عبدالعزيز تناظر الشاش الصغير الي عليه بخوف: من ايش هذا شصار
عبدالعزيز: اجلسي بنقولك
وجلست ام عبدالعزيز وجنبها فارس
وقالوا لها الي صار
وضمت فارس وهي عاقدة حواجبها : حسبي الله عليه ايش يبي فيك انت شسويت له
عبدالعزيز: طبعا يعتقد ان فارس السبب في طرده
ام عبدالعزيز : و ولدي وش له علاقة فيه الله لايعطيه عافية هالي مايخاف الله "وناظرت فارس" خلاص لاعاد تروح هالشركة
فارس :يمه انا مو بزر!!
ام عبدالعزيز: بزر ولا غيره هالشركة ماعاد تروحها
فارس: يممه
عبدالعزيز بجدية: انا مع امي خلاص ماله داعي تروح الشركة
فارس ناظر عبدالعزيز بصدمة: وخططنا؟
عبدالعزيز: لاتهتم انا بتصرف
فارس :بس انا ابي اشتغل معك !!
عبدالعزيز: بعد ماتتخرج
فارس : عبدالعزيززز!!من جدك
عبدالعزيز : خلاص فارس انا قررت وانتهى
فارس بانزعاج: افففف
ام عبدالعزيز بقلق: عبدالعزيز نام هنا اليوم
عبدالعزيز ما عارض: طيب
وطلع جواله من جيبه لما سمعه يرن وشاف المتصل عمه وقفل الجوال ماله خلقه واضح ايش بيقول
تنهد وهو يسند ظهره ع الكنب الله يعين الاخبار الي زي كذا تنتشر بسرعة..الحين كل الناس بتدري
براء رمى حاله عليه : باباا
ام عبدالعزيز بخوف: براء شوي شوي ع ابوك
عبدالعزيز ضم براء وهو يتنهد
ام عبدالعزيز ناظرتهم بحزن على عبدالعزيز الي التعب والهم واضح عليه ..وكأن الدنيا ع راسه ..تعلق براء والحين بياخذوه منه !
فارس تلقى رسالة وفتح جواله
كانت من إلين
إلين: فارس صار لك شي حبيبي؟"(صار اخوها الصغير☹️💕)
فارس تشقق: لا يعمري ماصار لي شي فديت الي خافوا علي شلون عرفتي؟
إلين: سيف قالي
فارس تذكر انهم قابلوا اخوها بالمركز: اييه
إلين : متاكد انك بخير؟
فارس: اكيد
إلين : امم وعبدالعزيز؟
فارس ابتسم بخبث: ايش خايفة ع حبيبك؟
إلين : فارس!
فارس ضحك وهو يكتب: بخير ماعليه لاتخافي
إلين : راح ياخذون براء
فارس:ما انتهت القضية لاتخافي راح نرجعه
إلين : ان شاء الله
If they try harm my little angel i will kill them
فارس ضحك مو لايق عليها دور الشريرة بس واضح انها تحب براء وتحبه كثير بعد
ام عبدالعزيز: شعندك تضحك
فارس وهو مبتسم: كنت اكلم إلين
وناظر ردة فعل عبدالعزيز
عبدالعزيز حس بالغيض المفاجئ ما شاء الله عادي تطق حنك مع فارس وهو اذا شافته ماتنطق بحرف واحد اوك شكله يخوف وجدي ومايمزح كثير آمنا بالله بس مو لهالدرجة: تكلمك ب ايش
فارس وهو مستمتع بشكل عبدالعزيز الغيران: ابد تسأل عني
عبدالعزيز هز راسه وهو داخل بوضعية اها ماكنت مهتم اصلا
فارس تردد يقول ولا لا : و سألت عنك
عبدالعزيز تفاجئ : انا؟"و بطنقرة" كانت تقدر تكلمني انا لو حابة تسأل
فارس كاتم ضحكته: يمكن كلمتك بس انت مقفل جوالك
عبدالعزيز هز راسه بعدم اهتمام ظاهريا مع انه مايتوفع ان عندها جرئة تكلمه
بالتفكير ب إلين؟يعتقد انها مو مهتمة فيه من الاساس هي مهتمة في براء بس ..ومايدري ليش هالشي بدا يغيضه؟ عموما هو اخذها عشان تكون مربيته وبس و واضح انها مدركة لهالشي!غريبة ماطلبت شي بالمقابل؟...مايفهم ليش يحبها براء وش المميز فيها؟..بالتفكير اكتشف ان براء مايحس بالامان معه وهذا الشي الي خلاه مايقبل يعيش معه مع انه عادي ينام عند خالاته بس ابوه لا سبحان الله!وكأن براء حاس فعلا ان ابوه اخطأ بحقه بتركه له !"تنهد" ايش يسوي؟ماكان يقدر يتحمل الحياة بدون نهال ولا كان طايق اي شخص وحتى السعودية مو قادر يبقى فيها وكان من المستحيل انه يقدر يهتم بطفل رضيع بذيك الحالة المثيرة للشفقة الي كان فيها!بس هو آسف كثير لبراء هو عارف انه كان اناني تجاهه هذا مو مبرر كافي
قام وترك براء عند امه : بروح انام
ام عبدالعزيز : روح ارتاح حبيبي شكلك تعبان"وناظرت فارس" وانت قوم نام وراك مدرسة
فارس قام وهو يتمدد : طيب
وصعد ورا عبدالعزيز
ناظر عبدالعزيز قبل مايدخل غرفته وقال: عبدالعزيز
عبدالعزيز ناظره
فارس بدون مايناظره: شكرا...كان ممكن اكون بمكان ثاني الحين لولاك انت
عبدالعزيز ناظره شوي وقرب منه وضمه: اهم شي انك بخير يابابا
فارس انصدم واستحى وصار وجهه احمر بنفس الوقت اول مرة عبدالعزيز يعامله كذا
فجأة استوعب وبعد عنه وهو يقول بضحكة: بابا؟اوه بليز ماني صغير لهالدرجة ترى بيننا كم سنة بس
عبدالعزيز ضحك مع ان ماله نفس: كم سنة؟؟
فارس بتفكير: مادري ١٢ او ١١
عبدالعزيز كان فيه الضحكة ع وجه فارس وهو مستحي : روح نام فارس روح
ودخل غرفته