قلبي عزيز ما ياخذه إلا عزيز !

Part : 22 ( شمس وقمرها )

Part : 22
بسم الله
شكرا على الانتظار استمتعوا بالبارت 💗

..............

قام واخذ الجوال وناظر اسم المتصل و قام من السرير وطلع لبرا وهو يرد مستغرب انه داق بهالوقت : هلا معاذ فيه شي ؟
معاذ بدون مقدمات: ريااان
عبدالعزيز نغزه قلبه وقال بصدمة : وش فيه ؟؟؟؟
معاذ : مسكته الشرطة !!!!
عبدالعزيز بصدمة اكبر : احلف ؟
معاذ بضحكة : والله العظيم ريان انمسك واخيراااا
عبدالعزيز جلس ع الكنبة وهو يتنفس بارتياح : تدري انك وقعت قلبي ياخي احد يبدأ موضوع كذا عبالي صار شي !!
معاذ بفرحة ورواقة : ماعلينا المهم انه انمسك وخلصنا منه الشرطة لقت بلاويه وان شاء الله مارح يطلع منها شكله عمك السفير ضغط عليهم شويتين
عبدالعزيز ابتسم وهو يسترخي عالكنبة : الحمدلله... ابي اسمع التفاصيل كلها
معاذ : والله على حد علمي حاليا انهم بدأوا التحقيق معه بمسألة الحريق لسة ماتبين معاهم اذا هو الي وراه ولا لا ، بس انا متاكد راح يضغطون عليه ويخلوه يعترف انت لاتشيل هم
عبدالعزيز بسرحان : على قولك ..
معاذ : حتى لو ماثبتت تهمة الحريق عليه الا ماينسجن كم سنة من خرابيطه ...... "قال باحباط " ياخي شفيك هادي احسك مافرحت كثير
عبدالعزيز بهدوء : لا كيف ما افرح معقول ما افرح ؟ ... بس تدري ؟ .. في شي مو مريحني .. احس للحين قلبي ما ارتاح ..
معاذ عقد حواجبه : ليش ؟
عبدالعزيز بحيرة : مادري كيف اوصف لك ..
معاذ : اذا انت شايل هم انه يطلع منها بسبب واسطاته صدقني مستحيل هالمرة مصايبه ماتترقع هالمجنون تورط في تهريب الممنوعات كل سوالفه غير قانونية والتهم الي عليه كثير ومسألته صعبة
عبدالعزيز: شكله مارح يرتاح بالي لين اشوفه هناك بعيني ، تدري؟ انا راجع من بكرا
معاذ : يوه ليه مستعجل خليك هناك يومين زيادة ما امداكم ، و اكيد ام براء راح تزعل
عبدالعزيز ابتسم : شكلك متسيب وتارك الشغل ومسوي احتفالات بالشركة بغيابي عشان كذا ماودك ارجع
معاذ بضحكة : لا بس خايف ماتلحق تشتري كل طلباتي
عبدالعزيز ضحك
انفتح الباب وطلت إلين وانتبه لها عبدالعزيز وانهى اتصاله مع معاذ وقام واقترب
إلين باستغراب : عزيز في شي ؟ صار شي ؟
عبدالعزيز حط يده خلف ظهرها : لا حبيبي مافي شي هذا معاذ يطالبني بهداياه ويتشرط خلينا نروح ننام
إلين ابتسمت وقالت وهي تدخل معه : ايش طلب
عبدالعزيز سكر الباب وهو يقول : قولي وش ماطلب رسلي لستة طويلة كل شي يبيه من وادي
إلين بحماس : خلينا نروح نتسوق بكرا انا بعد ابي اشتري هدايا
عبدالعزيز ابتسم : تم مايصير خاطرك الا طيب !
إلين استحت بعض الردود تاخذ قلبها وقالت وهي تضربه ضربات متتالية خفيفة : يااااااا لاتقول زي كذا
عبدالعزيز مسك يدها وهو يضحك : طيب يلا تعالي ننام ورانا اشياء كثير بكرا
إلين مشت معه وجلست عالسرير وناظرته وهو يتغطى لين ما ناظر فيها وقالت بفضول : ايش ورانا بكرا ؟ بنروح مكان غير السوق ؟
عبدالعزيز وهو يسحبها تنام ع المخدة الي جنبه : طبعا !
إلين حطت راسها ع المخدة و صارت نايمة مقابله : وين ؟
عبدالعزيز وهو مروق يلعب بشعرها : مكان بيعجبك
إلين ابتسمت : طيب بس وين يعني تحمست
عبدالعزيز بنعس : خلاص بكرا بقولك نامي الحين
إلين : عزيز ياااا مارح اقدر انام بقعد افكر وين بنروح
عبدالعزيز ضحك : لاتنامي انتي اقعدي فكري وانا بنام يلا تصبحي ع خير "و ترك شعرها وغمض عيونه "
إلين ناظرته بصدمة خير من جده ! مسكت يده وصارت تهزها عشان يفتح عيونه
عبدالعزيز مسك يدها وقال وهو مغمض عيونه: نامي ..
إلين سحبت يدها وصارت تحاول تزعجه عشان يفتح عيونه بأصرار بس ماقام حتى لما قرصت خده
ناظرته وهي مبوزة
خير من جده نام وانا الفضول ذابحني هنا ؟
الانسان يعطي طرف خيط عالاقل من وين بجيب أفكاري؟؟
"وابتسمت وهي تفكر "
يعني ادري كل الاماكن الي توديني لها حلوة ومميزة وتعجبني بس ستل تحمست وابي اعرف وين .. مع ان اكيد المفاجأت حلوة بس ستل...
ناظرته وتنهدت
شكله جد نام !
قربت اكثر وصارت تتأمل وجهه
الحين من جد كذا.. احنا خلاص صرنا عشاق ؟
وحطت يدينها ع خدودها الي توهجوا و دفنت وجهها بالمخدة بخجل وعطتها كم بوكس وهي تتحرك بحماس
يا الله حتى الجملة لحالها تشقلب مشاعرها بشكل
تحس انها مو مستوعبة ولاشي
اصلا هاليومين كل شي غريب وكأنه حلم !
رجعت لفت له و قربت يدها بهدوء وحطتها ع شعره بخفة بعد تردد وخجل ومررتها عليه بخفة
ماتحرك ولا رف له جفن حتى ماكان يبدو عليه انه حس بشي وهالشي شجعها تاخذ راحتها اكثر
واصلت المسح ع شعره الناعم وهي مبتسمة
وجاتها الضحكة وهي تتذكر لما جات البيت بعد مافكرته يخونها ولقته نايم بغرفتها وهو تعبان
ياعمري شقد كان كتكوت ؟ شقد كان لطيف ؟؟
كان ثاني الطف شي بالعالم من بعد براء
وكان مرة عاجبه اني العب ع شعره
حبيبي !
كنت ع شوي واكله
شقد مسكت نفسي بصعوبة هذاك اليوم واههه انا كيف كنت قوية كذا
انا كيف ماحضنته وقتها كيف؟؟؟
لو يتعب مرة ثانية بعيد الشر مستحيل اتحمل اجلس عادي كذا