Part:5
بسم الله
قراءة ممتعة 💕✨
الساعة ١٠ ونص بالليل
بالمطار
كان يوسف واقف ينتظر سيف بتوتر..ناظر ساعته مفروض تكون الطيارة وصلت وتلفت: هذا وينه
....: bro
لف يوسف بلهفة وشاف سيف جاي باتجاهه وابتسامة على وجهه بيده اليمين يسحب شنطته ويده الثانية مجبرة
قرب منه بسرعة ونط عليه : ياحيواننننننننن
سيف ضحك وهو يضمه بيده اليمين: شوي شوي لاتكسرني
يوسف بعد عنه ومسك وجهه بتفحص يقلبه: اشوا جمالي ماتشوه
سيف يتلفتت: الناس تطالعنا شتسوي
يوسف ترك وجهه واخذ منه الشنطة: امشي امشي
سيف مشى معه وحط يده بشعره وحركه بسرعه: شمسوي يالدب وحشتني
يوسف بعد يده عن شعره: شيل شيل لاتخربه "وناظره": ايوا قلت لي ايدك انكسرت
سيف هز راسه
يوسف: كله من هالجوانا انا اوريها
سيف عطاه نظرة: شبتسوي يعني
يوسف بنذالة: بقولها يد اخوي انكسرت بسببك وبعدين بتحس بالذنب ولاعاد بتكلمك😌✨
سيف : والله ان قلت كذا ياحيوان 😒
يوسف ضحك بشر
سيف : في احد يدري اني جاي اليوم
يوسف : لا
وركبوا السيارة وتوجهوا للبيت ✨
يوسف بجدية: سيف
سيف لاحظ الجدية : شفيك
يوسف: إلين انخطبت
سيف : طيب؟
يوسف: تدري من الي خطبها؟
سيف: من؟
يوسف: عبدالعزيز
سيف بتفكير: اي عبدالعزيز
يوسف: عبدالعزيز سلطان ال...ولد خالة هشام
سيف بصدمة: هذاااك الي سافر بعد ماتوفت مرته
يوسف : ايه
سيف عقد حواجبه: طيب ابوي وش قال إلين وش قالت
يوسف : ابوي ماظن عجبه عبدالعزيز يعني صح انه غني وله شغله الخاص ورجال محترم بس عنده ولد وحركته لما سافر وترك ولده !..حسيت ابوي وده يقوله لا بس هو مجبور يسئل إلين ..انا خايف إلين توافق عليه..هذا مايناسبها انت ماشفت كيف نظراته صوته غروره مايناسبها مايناسبها
سيف بتفكير: اعرفه اعرفه ..طيب إلين جاها الي احسن منه وماوافقت ليش بتوافق على هذا
يوسف بنظرة: ياحزرك مين براء؟
سيف بتفكير: الولد الي شافته إلين بالعزيمة وحبته وماتت عليه
يوسف: وطول ذاك اليوم وهي تكلمنا عنه و ودها لو تاخذه للبيت
سيف ناظره باستغراب: ايي!!
يوسف يناظره
سيف بصدمة:لاتقول!!!
يوسف هز راسه وهو يلف ع الشارع
سيف ويوسف : ولد عبدالعزيز !!!!!!!!
..........................................................................
بالمستشفى
اخذت بتول جوال مالك الي له ساعة يرن وقرأت الاسم : ميان
ودت : الوو
جاها صوت بنت صغيرة: الووو وين مالك ؟
بتول انصدمت لما سمعت صوت طفلة الحين وش لازم تقولها: حبيبتي عندك احد كبير جنبك
ميان : لااا
بتول باستغراب: ماما بابا اختك اخوك؟
ميان بحزن: ماعندي بس مالك..مالك وينه
بتول بصدمة: يعني انتي لحالك بالبيت ؟
ميان ببراءة: في زوجة بابا بس انا ماحبها..مالك ووويننن
بتول توهقت: حبيبتي مالك هنا بالمستشفى شوي تعبان بس يصير زين بيكلمك
ميان تجمعت الدموع بعيونها: المستشفى؟ايش فيه مالك ؟ابيييي اكلمه
بتول: حبيبتي مافيه شي بس نايم واذا صحى بيكلمك لاتخافي
ميان بحزن: طيب
بتول: يالله باي . انتبهي لنفسك
ميان: باي
بتول سكرت الجوال وحطته مكانه ولفت ع مالك الي بدا يصحى ويفتح عيونه
بتول : مالك صحيت؟
مالك ناظرها وناظر المكان
بتول: جاتك نوبة ربو الحمدلله انها كانت خفيفة "وعقدت حواجبها بقلق" ممكن تقولي شكنت تسوي قبل لاتجيك النوبة
مالك بصوت مبحوح: كنت جالس مع صاحبي الي يدخن
بتول بعصبية: نعممممم؟دامك تعرف ان معاك الربو ليش تقعد مع واحد يدخن صاحي انت؟
مالك ناظرها بصدمة من عصبيتها: ليش معصبة؟
بتول بعصبية اكبر: ليش معصبة؟الححححين لو مت لو صاااارلك شي شهالاهمال الي انت فيه ؟
مالك عصب مع انه تعبان ومافيه حيل: وانتي شعليك؟وش دخلك فيني طيب انا ابي اموت مالك دخل
بتول بنظرات حادة: لو تبي تموت ماكان جيت المستشفى برجولك
مالك : مالك دخل فيني!اسوي الي ابيه
بتول بعصبية: لا ماتسوي الي تبيه تحسب ماورانا غيرك تجي تشغلنا؟
مالك : انا جاي هنا ع حسابي مو جاي مجاناً!!!!
بتول ماعرفت وش تقول من العصبية الي فيها وقررت تمشي قبل لا تسفل فيه : انا اروح انادي الدكتورة احسن لي
وطلعت من الغرفة وبلغت الدكتورة ان مالك صحى وناظرت الساعة اصلا خلصت مناوبتها وخذت اغراضها وطلعت وهي معصبة من مالك بشكل مو طبيعي وتتحلطم طول ماهي تسوق: قال وش قال يبي يموت موت بحريقة ان شاء الله انا وش دخلني ليش معصبة هالكثر ! هالتافه السخيف
أنت تقرأ
قلبي عزيز ما ياخذه إلا عزيز !
Romance"جلُ مافي القلبِ أُحبك .. انا أُحِبكِ هل تسمعين؟ انا احبكْ ! هلّا بادلتني هذا الحبَ... يا إلين؟" الرواية باللهجة السعودية العامية ... التصنيفات : رومانسية ، عائلية ، كوميدية ، اكشن ، شعر روايتي الشخصية وبعض الاشعار المكتوبة من كتابتي وما ابيح النقل...
