قلبي عزيز ما ياخذه إلا عزيز !

part 12 (ندم)

Part:12
بسم الله الرحمن الرحيم
الساعة ١٢ بالليل
شادن وهي منسدحة وراسها بحضن جوانا وعيونها متورمة من الصياح وصوتها مبحوح : بالتفكير بالامر
جوانا وهي تلعب بشعرها :ايش؟
شادن وكأنها توها تستوعب: حتى شادي تعور ولو انه مو كثر فهد"وضحكت" كان انفه احمر مرا ذكرني بالمهرج مادري كيف ماضحكت
جوانا ضحكت : خبلة
شادن حطت يدها ع فمها وهي تعض شفايفها: امبيه وانا هاوشته ولا قلت له شي عادي صح؟
جوانا تهز راسها: عادي عادي يستاهل
شادن ابتسمت براحة: ايه يستاهل "وناظرت جوانا بقلق" مارح يقول شي صح ؟؟
جوانا بضحكة: لاتخافي عنده اشياء اهم يهتم فيها الحين
شادن ناظرت حلاوة المصاص الي لها ساعة تلعب بغلافها : عطيتيني هذي عشان ما ابكي ؟
جوانا بضحكة: اي
شادن ضحكت ع الخفيف: بزر انا؟
جوانا بفخر: بس وقفتي بكي لما اعطيتك
شادن ابتسمت : تدرين قبل كم يوم ايش تذكرت؟
جوانا : ايش
شادن : تذكرت فهد بطفولتي .. "ضحكت" تدرين دايما كان يسرق حلوياتي ؟
جوانا ابتسمت: اي ادري
شادن واختفت ابتسامتها: بس تدرين كان ..دايما كان يعطيني حلوياته اذا بكيت
جوانا ابتسمت بحزن: ايه..ادري
شادن بتذمر : كان كلب بس كلب لطيف بنفس الوقت ، ياخي وش دراني انك تحبني كان لازم ماتتصرف كذا
جوانا: ايه بس انتي غبية بعد كان واضح
شادن صفنت تفكر :... يمكن
جوانا : المهم ،شبتسوين الحين
شادن :...بروح انام
جوانا ناظرتها بصدمة وهي تقوم و تطلع من غرفتها :هاه؟شادن؟؟؟
تسكر الباب
جوانا تنهدت وهي تسترخي ع الكنبة وتاخذ الكتاب الي اهداها ايا سيف وتفتحه
حركت يدها ع الصفحة وهي تتأمل الخاتم الي باصبعها
ياترى كيف سيف الحين ؟
اتمنى يكون بخير

..............................

الساعة ٢ الفجر
فزت من النوم لما سمعت صوت بكاء
التفت لبراء الي كان نايم جنبها ولقت يبكي
جلست وشالته وهي تحاول تهديه
ياعمري براء !! واضح انه تأثر من الي صار اليوم بالعادة براء مايصحى فجأة بالليل
مو كافي انه قضى اليوم يبكي !!
قدرت تهديه وسرعان ما نام مرة ثانية وهو بحضنها
تأملت وجهه البريء بحزن
يا الله كيف يكون هذا الملاك اللطيف ابن ذاك الشيطان الوغد ؟اكيد براء يشبه امه
بالتفكير بالامر .."ابتسمت "هي امه ! براء قالها ماما بعد يعني براء يعتبرها امه !مو مهم رأي ذاك الوغد طالما هذا رأي براء...راح تسمح لنفسها تعتبره ولدها🥺❤️
"وضمته بسعادة" يا الله كيف يكون ولدي شيء لطيف و جميل كذا ؟
خففت من الشد عليه لما استوعبت انه ممكن يختنق
الحقير عبدالعزيز ..ماخلاها حتى تستمتع باللحضة التاريخية
ليكن..من اليوم ورايح اكيد راح يناديها ماما مرة ثانية
لا ..لايكون عبدالعزيز بيمنعه ؟
بعد الي صار اليوم بدت تفكر ان عبدالعزيز ممكن يضر براء بعد ..يسويها ..
هه مو مهم مارح تترك براء اللطيف له
انا بحميه
"وناظرته "
ملاكي الصغير اللطيف المثالي 🥺❤️
"وابتسمت بعدم تصديق "
قالها ماما
وتذكرت فجأة الدفتر حق عبدالعزيز واختفت ابتسامتها
اليوم جانيت قالت لها ان ذيك الخدامة جيريما هي الي قالت لعبدالعزيز
ماخذة وضعية الوفية له ! فيه شي مريب بالامر !
معقول يكون هدفها تفرق بينها وبين عبدالعزيز؟ وش مصلحتها
غالبا الكل يدري انها مو مع عبدالعزيز اصلا ، بس تحس نيتها تخرب بينهم !!غريب
يمكن هذا بس احساسها!