قلبي عزيز ما ياخذه إلا عزيز !

part 8 (زفاف)

Part :8
بسم الله
Have fun💕✨
بيت عبدالعزيز
دخل البيت ورما الاغراض الي معه ع الطاولة ورما شماغه ع الكنب وجلس وهو يمرر يده بشعره
راسه بدا يصدع من كثر المشاكل
جت الخدامة: سيد عبدالعزيز السيد معاذ وصل
عبدالعزيز لف وهو يشوف معاذ جاي من وراها : حياك وش تشرب
معاذ قرب وجلس وهو يشوف شكل عبدالعزيز التعبان: ماله داعي طال عمرك
عبدالعزيز عطاه نظرة وهو يسترخي ع الكنبة:بلا رسميات ماحنا بالشركة "وناظر الخدامة"اسبيريسو و موكا للسيد معاذ
الخدامة هزت راسها وراحت
معاذ حط رجل ع رجل وسند ظهره براحة وهو يبتسم بمرح: طويل العمر يعرف ذوقي عدل
عبدالعزيز سكر عيونه بتعب: اذا قلت طويل العمر مرة ثانية راح اصفعك بهالمزهرية
معاذ بقلق : شفيك تعبان؟
عبدالعزيز يكابر: لا
معاذ تنهد : مادري متى راح تعترف انك بني آدم وتتعب زينا
عبدالعزيز: ماني تعبان ..بس طفشت من المشاكل
معاذ: ايش صار هالمرة
عبدالعزيز فتح عيونه بعد ماجت الخدامة وحطت القهوة : احضري لي بندول
ولف لمعاذ: شوف هالملفات
معاذ اخذ الملفات وفتحها وهو يقول بقلق: اذا مريض روح المستشفى مانبي المعرس يطيح مريض بليلة عرسه انت نسيت ان عرسك بعد كم يوم
عبدالعزيز ناظره ب-حدة: مانسيت ولاتبالغ انا مافيني شي
معاذ بوز: اوكي لاتعصب هذا جزاي اني خايف عليك☹️💔
عبدالعزيز اخذ البندول من الخدامة :شوف الملفات ولايكثر
معاذ ناظر الملفات : ايش فيهم ماني فاهم
عبدالعزيز بعد ما اخذ الحبة: باختصار اودعنا ١٠٠ مليون بحساب شركة......وادارة الشركة اكدت لنا ان ماوصلهم اي شي حتماً في خطأ بالموضوع"وناظره بجدية"اعرف لي السالفة كلها بجميع تفاصيلها ودقق بكل صغيرة وكبيرة وجيب لي اسم المسؤل ،عندك يوم واحد
معاذ بجدية: طيب ببحث بالموضوع"وبوز"بس ايش يعني يوم واحد من جدك
عبدالعزيز بنظرة: قاعد اعطيك فلوس كثير لك وجه تعترض بعد؟😒
معاذ ابتسم بمرح: بمشيها لك هالمرة لاني طيب
عبدالعزيز ابتسم : قصدك لاني اعطيك فلوس كثير
معاذ ابتسم: ابدا😌✨
عبدالعزيز ضحك بدون نفس: مدري ايش صارلي يوم اخترت واحد خبل زيك شكلي كنت شارب شي ذاك اليوم
معاذ بثقة: حبيبي انا كنز الدولة الكل يبيني بس قررت اشتغل معك لاني احبك 😌✨
عبدالعزيز بضحكة: قصدك عشان فلوسي كثير
معاذ يتبكبك : خلاص ذبحتنا انت وفلوسك ذليتنا ماصارت
عبدالعزيز عطاه نظرة وهو يكتم ضحكته: انا عطيتك وجه اكثر من اللازم من بكرا راح اخصم من راتبك ٥٠ الف
معاذ ضحك: لاعاد شبقى امزح امزح والله امزح
عبدالعزيز:شوف الملف الثاني
معاذ اخذ الملف الثاني وفتحه
عبدالعزيز : المحامي اكد لي ان الي صور هالصور بنت صلاح
معاذ رفع عيونه له بصدمة: بنت عمك؟وايش مصلحتها؟
عبدالعزيز وعيونه تشتعل بغضب: مادري بس اذا تاكدت انها سوت هالشي ..انها حاولت تفرق بيني وبين ولدي ..راح تندم كثير
معاذ بلع ريقه بخوف: انا خايف منك هالفترة صاير هادي كثير الله يستر على مين راح يطلع هالغضب كله
عبدالعزيز بحقد: تجاوزت عنهم كثير وكنت انسان مسالم بس الطيب ماينفع مع هالاشكال ..كنت متساهل اكثر من اللازم
معاذ صار يناظره بحذر
عبدالعزيز كان فعلا طيب كثير هالفترة وشكله هدوء ماقبل العاصفة ..بس معه حق عمه وعياله مصخوها مو كافي الفلوس الي قاعدين يسرقونها من الشركة من سنوات وهم يظنون انه مايدري ..كان يدري عن كل شي بس ساكت عشان وصية ابوه رحمة الله عليه ومو فارقة معه كم مليون من فترة لفترة ومارح تأثر عليه..بس هالمرة بالغوا ١٠٠ مليون مرة وحدة ؟والي المفروض تروح لاستثمار مرا مهم ..كذا مو بس اخذوا الفلوس كذا ضروا بسمعة الشركة ومصداقيتها وهالشي مستحيل يغفره عبدالعزيز مهما كان الفاعل ..وبالفترة الاخيرة واحد من عياله عمه حاول يطعن فارس وبنت عمه ساعدت خالات براء بعد..خلاص حفروا قبورهم بيدينهم وماعاد في مجال للتسامح