قلبي عزيز ما ياخذه إلا عزيز !

part 19 (هدوء ماقبل العاصفة)

Part :19
بسم الله

✨️اليوم الـ ١٤✨️

من بعد الفطور الي كان جدا جدا هادي بسبب ان الكل نعسانين غادر الجميع المخيم و رجعوا بيوتهم وتقريباً معظمهم كملوا نومهم بالبيت لان اليوم السبت ومافي دوامات ومالحقوا يشبعوا نوم من سهرتهم امس

.................

ع العصر
اليوم السبت ، ماكان في دوام بس كانوا فريق إلين يشرفون عالتشطيبات الاخيرة في بيت العميل
وراحوا معهم المتدربات ومنهم إلين

كانت واقفة تتأمل المكان الي تغير ١٨٠ درجة من آخر مرة زارته
كانت جدا منبهرة من فكرة ان فكرتها تطبقت ع الواقع ولأول مرة وعيونها تلمع بكل لطافة وهي تتأمل المكان !
متخيلين انها فكرتها ؟؟؟
اوك صح هي حرفيا ماسوت اي شي عشان تطبقها والتعب كله كان ع الموظفين بس بالنهاية هي فكرت فيها !
كانت جدا سعيدة !
الامر كان يبدو اروع بمليون مرة من ما تخيلته!!
كانت فرحتها تنشاف من عيونها
كونها متدربة ساعدتهم شوي بس كانت المهمات الصعبة عالباقين
بس ستل تحس انها عامل مؤثر في هذا الإنجاز مهما كان صغير !

عبدالعزيز دخل المكان بكل هدوء وهو يدورها بعينه
كانوا العمال منتشرين والجميع منشغل بالي يسويه ف محد انتبه له
ولقاها واقفة تتأمل فريقها وش يسوون وهي متكتفة
ابتسم وهو يشوف نظراتها البريئة اللطيفة الحلوة الكتكوتية !!!
واقترب من خلفها وعانق خصرها بيد وحدة

إلين فزت والتفتت تشوف مين الي حضنها فجأة وهي مصدومة ولما شافته ارتاحت ! اخذت نفس و ضربت كتفه وناظرته بعتب وهي تشوفه يضحك ع صدمتها
حط يده ع اكتافها وقربها منه وقرص خدها بنفس اليد وهو يهمس : فديت الخوافين
إلين بعدت يده عن خدها وهي مبوزة وخدودها متوردة بخجل : انت الخواف ! فجعتني
عبدالعزيز ابتسم وهو منهار ع تبويزتها اللطيفة وخدودها الوردية و قرص خدها بيده الي على اكتافها : فديت المفجوعين !!
إلين ضحكت وبعدت يده وهي مستحية : وخرررر
حست بيده الي كل شوي تقرب خدها وهي تدفها تنلف على خصرها وتقربها له وفتحت عيونها بدهشة وانبهار وهي تشوف باقة الزهور الي صارت بوجهها فجأة !!
لفت راسها له بصدمة ولقته يناظرها بحب وهو مبتسم
حمرت خدودها والتفتت للورد واخذته منه وماقدرت تخفي ابتسامتها الحلوة الي زينت وجهها وجعلته الطف بمليون مرة
كان قلبها يدق بسرعة !!
كانت عيونها على الورد بانبهار مو مصدقة وجود هالشي الي بين يدينها !!
كانت ورود التوليب الوردية والبنفسجية بس اغلب الوردات من احدى زهورها المفضلة وردة من اصل فرنسي اسمها Rosa 'Eden'
وردة زهرية متدرجة للابيض بشكل رائع وخلاب للغاية شائعة في اوروبا وماتتواجد بالسعودية !
كيف جابها حتى ؟؟؟ اكيد طلبها من برا !!
كيف عرف اني احبهااااااا ؟؟؟؟؟؟؟
احس قلبي مو بقلبي مدري وينه فجأة !!

عبدالعزيز كان يتأمل وجهها السعيد الجميل بينما يحتضن خصرها بيده وهو في قمة سعادته !
يبدو ان إسعادها صار من هواياته !
حلو شكلها وهي منبهرة ومبسوطة !!! تخلي قلبه يدق بشكل مختلف !!
تخليه يحب الحياة !