..............
✨️اليوم ١٦✨️
الصباح
صحت إلين من النوم وطاقتها شوي منخفضة
امس ضلت تفكر بكلام عبدالعزيز وقاهرتها ثقته شقد مستفز ماقدرت تنام زين من كثر ماكانت متنرفزة منه لين قررت تتجاهل وما تهتم لكلامه التافه
تجهزت ولبست بدلة انيقة سماوية
وراحت لليلي وبراء
كانوا لسة نايمين بس ليلي كان لازم تصحى لانها امها بتجي تاخذها وتوديها الروضة
صحتها بهدوء وليلي على طول صحت بما انها نامت بدري
خلتها تاخذ شاور وساعدتها تلبس الزي الرسمي اللطيف حقهم وبعدها سوت شعرها بتسريحة لطيفة وبذي الاثناء إلين روقت تماما ونسيت سالفة امس
وطلعوا مع بعض من غرفة إلين وراحوا للمطبخ وفطرت مع ليلي من الفطور الي سوته لهم لافانيا
وبعد دقايق جا عبدالعزيز
ناظرته بتفاجؤ وهي تشوفه لابس ثوب اسود مع غترة بيضاء
هالمنظر مهما شافته تضل تنبهر فيه
عبدالعزيز العادي شي
وعبدالعزيز بالثوب شي
حتى بالثوب الاسود اشيااااااااء
حاولت ماتناظر فيه كثير وتفضح انبهارها
وبعد شوي جوا علي ورفاه و ودعوا ليلي معاهم واتجهوا للشركة بهدوء
.................
الظهر
بشركة عبدالعزيز
كانوا راجعين لقسمهم بعد بريك الغدا والتفتوا على صاحب الصوت الرجولي الفخم بنبرة تترنم على اذانهم بشكل ساحر
كان يكلم بالجوال جنب المصعد ، كان صوته مميز جدا بس يتكلم بالممر ينعرف من يتكلم على طول صوته نادر وجذاب مايشبه احد ، من النوع الي يخليك تتفكر في عظمة ابداع الخالق
مو ناعم ولا غليض!
صوت عجيب..
يحسسك ان الي يتكلم شخص وسيم حتى وانت ماتشوفه !
منى بتفاجؤ وانبهار : طال عمره لابس ثوب اسود اليوم!!!
وجد : ايييي اشتقت لشكله بالثوب طالع يموت بالذات عضلات صدره واكتافه ذيييي ياترى اي نوع من التمارين يسوي
منى وهي تتنهد بخقة : اهههه يا إلين زين انك جيتيييي من جيتي جبتي الزين كله معك قبل كنا نشوف طال عمره مرة كل كم شهر بالغلط ونكون اصلا خايفين لدرجة مانقدر نتأمل ، اما هالايام كل شوي ولا عقمت عيوني بهالطول والرزة ! ياسبحان الخالق ياحظ عيوني والارض والشركة وقسم الهندسة كله !!
سارة والقلوب تطلع من عيونها وهي تتأمل: اي ناو بالذات بالاسود مرة خرافي كنت انتظر يجي الشتاء عشان يلبسه انو ادري حلو بالابيض والبدلات ماختلفنا بس بالثوب غييييير غيييير تحسيه سعودي اصيل خصوصا مع ملامحه الحادة"و دفتها وجد وهي تأشر لها وفجاة استوعبوا هي ومنى ان زوجته معهم وهم لهم ساعة ماتركوا شي الا قالوه ولفت عليها سارة بخوف" إلين احنا مو قصدن..
لفوا عليها و كانت متكية ع طرف الجدار ومتكتفة و بكل لطافة تتأمل عبدالعزيز معهم وعيونها تلمع و وجهها وردي وفي ابتسامة كتكوتة على وجهها
تأملوها كلهم وابتسموا لبعض بخبث
التفتت عليهم وشافت كيف يتاملوها بخبث واستحت من نظراتهم وتعدلت : ايش؟؟
منى بنظرات خبيثة : لا بس القلوب تطلع من عيونك
إلين انفجعت : اي قلوب انتي وش تهبدي ؟؟؟.
سارة وهي تربت ع كتفها بابتسامة: عادي عادي محد يلومك في طال عمره اوبا من يقدر مايوقع له
وجد : اي والله ولا غلطة انما بس لوما مزاجه العصبي المرعب ولا كل شي بيرفكت
منى وهي تحط يدها ع اكتاف الين : بس من جت الين ماصار يطلق هالته المرعبة بالاجواء
سارة : ايه الحمدلله احس صرت اشتغل وانا مرتاحة نفسيا حياتي تغيرت الين نحبك لاتروحي للابد تكفين
منى بموافقة: اي مايحتاج تتخرجين اشتغلي بالشركة وخلاص ليش الشهادة ماله داعي وظيفتك موجودة
إلين ضحكت : لاعاد لازم اتعلم و اخذ الشهادة انا جاية هنا اقضي الاجازة و اوسع افاقي بس
سارة باحباط: إلين وش بنسوي من دونك باقي لك ٣ سنين على ماتتخرجي !!!
منى وهي تخنقها بمزح وتهزها بخفيف : اقولك ضلييييي معانااااا اي شهادة اي بطيخ انتي ماتفهميييين ماتفهين
: انتي وش قاعدة تسوين ؟؟
التفتت برعب على صوت عبدالعزيز ولقته عاقد حواجبه يخترقها بنظرات حادة تُظهر عدم إعجابه الشديد بتصرفها وتركت إلين بسرعة وهي تشيح بانظارها بعيد و توقف خلف وجد وسارة بارتباك وهي تتمنى لو تختفي من الاحراج والخوف
إلين اقتربت من عبدالعزيز وهي مبتسمة: عزيز قاعدة تمزح معي عادي شفيك !
عبدالعزيز اخيرا ابعد عيونه الحادة عن منى وناظر إلين باهتمام ومازالت حواجبه معقودة ولمس باطراف اصابعه رقبتها الي طبعات اصابع منى معلمة عليها بالاحمر بوضوح : تعورتي ؟
البنات بلعوا شهقاتهم وهم يشوفون رقبة إلين كيف صارت حمرا على طول
سارة بصدمة : ياربيييي كيف صارت حمرا
وجد بهمس : يالدفشة شسويتي شوفي اصاااابعك كيف عليهاااااا
منى مرعوبة ومتفشلة : والله بخفيف والله العظيم بخفيف امزح مادري مادري كيف صار كذااااا يمه يمممه
سارة مو مصدقتها : بغت تمصع رقبة البنت وتقول بخفيف هذا كله وبخفيف اجل لو مو بخفيف
وجد : ما الوم طال عمره لو يقص راسك الحين
سارة : ايه انا بتبرا منك انا مالي شغل
منى صارت تعض شفايفها بتوتر وهي تشوف عبدالعزيز وإلين : بموت والله ماقصدي وبعدين وش هالخيانة انتي
أنت تقرأ
قلبي عزيز ما ياخذه إلا عزيز !
Romance"جلُ مافي القلبِ أُحبك .. انا أُحِبكِ هل تسمعين؟ انا احبكْ ! هلّا بادلتني هذا الحبَ... يا إلين؟" الرواية باللهجة السعودية العامية ... التصنيفات : رومانسية ، عائلية ، كوميدية ، اكشن ، شعر روايتي الشخصية وبعض الاشعار المكتوبة من كتابتي وما ابيح النقل...
