قلبي عزيز ما ياخذه إلا عزيز !

part 17 (فهمك كفاية)

Part:17
بسم الله

اليوم السادس

الساعة ٨ ونص بالليل
دخل البيت وهو شايل بين يدينه براء الي توه قاص شعره
براء كان مستانس لان شعره صار اقصر وكل ماحرك راسه يتحرك معه ف كان كل شوي يحرك راسه يمين ويسار
عبدالعزيز التفت عليه وهو يمشي وماقدر يمسك ضحكته : بس يابابا لاتدوخ علينا
براء ضحك وهو مستمر يحرك راسه بقوة
عبدالعزيز ضحك ومسك وجهه : بس بــس "وقبل خده بقوة " وه فديت الوجه !
براء رفع راسه له : امووو ؟
عبدالعزيز وهو يدخل غرفة براء: عموو؟ فارس؟
براء : فاااس
عبدالعزيز حطه ع الارض وجلس قدامه يخلع جاكيته الاحمر باذنين دب وشوزه الابيض : عمو فارس مايبيك لعوزته وكسرت اغراضه متحلف فيك ان شافك راح يعض خدودك "ورفع اصبعه بتحذير وهو يحط عيونه بعيون براء"ياويلك لو تقرب من غرفته المشؤومة والعابه سمعت؟
براء يناظره ببراءة: امو
عبدالعزيز يخلع بنطلون براء : قال ايش قال خذ ولدك لا انتف لك خدوده الي فرحان فيهم "ومسك خدود براء بيد وحدة يضغطهم" وه بسم الله على ولدي حبيبي ، بسم الله على ولدي حبيبي!!!! "وقرص خده" يحسبني لقيتك بالشارع عشان اعطيك اياه ينتفك !..
براء : اتاتي فاااس اننو
عبدالعزيز وهو يخلع تيشيرت براء : لا فارس ولا غيره الزم ماعلينا خدودك "وناظره" الي يقرب من خدود ولدي اكسر يدينه سمعت ! اذا غرفة العابك ماتكفيك علمني اما انك تلمس فيقراته الخطيرة لا يابابا ماينفع ! يلا صير شاطر واسمع كلام ابوك
براء ضل يناظره ببراءة وبعدها صار يهز راسه يمين ويسار يلعب
عبدالعزيز مسك راسه وهو فيه الضحكة: بس بس ياولدي بتجيب لنفسك ارتجاج ماعاد نقص شعرك
ناتالي مربية براء :مرحبا بعودتكما ، هل تحتاج للمساعدة سيد عبدالعزيز؟
عبدالعزيز التفت عليها :مرحبا ناتالي ، لا، يمكنك الذهاب للراحة سأعتني بالامر بنفسي
ناتالي ابتسم : كما ترغب سيدي
عبدالعزيز شال براء معاه وراح يحممه وبراء كان مبسوط بالماء بالموت رضي يخرج منه
لما خرج عبدالعزيز لقى اشياء براء مجهزتها له ناتالي قبل ماتروح
لبس براء البامبرز وصار يدهن جسمه باللوشن حقه وبراء مشغول بالعبث بعلبة اللوشن
عبدالعزيز فتح يده ومدها لبراء: حط لي شوي
براء انتبه عليه وفتح العلبة وصار يعصر بيد ابوه بيدينه الثنتين متحمس
عبدالعزيز ضحك ومسك العلبة قبل لايفرغها كلها بيده وقفلها : شااااطر !!!! "وقبل خد براء وصار يدهن وجهه" وه زينهم الي كبروا وصاروا يسمعون كلام ابوهم ! انت متى كبرت لهالدرجة ؟ كيف صرت تفهمني؟؟
براء: اتاتي نمنم ؟؟
عبدالعزيز : وووههههه قلبي جوعان تبي نمنم؟
براء ناظره وهو يعض علبة اللوشن
عبدالعزيز قرص خده : يخسى الجوع الحين نلبسك وتاكل يلا نلبس ؟
براء على طول سوى هروب تكتيكي من جا طاري الملابس مايبي يلبس وراح تخبى ورا الاثاث وهو يصارخ
ضحك عبدالعزيز ع تصرفه ورفع بيجامة براء يوريه اياه: براء بابا تعال شوف بيجامتك الجديدة عليها دبدوب شوف .. "وصار يحرك اذان البلوزة البنية الناعمة " شوف اذانه كيف حلوة !
وناظر براء الي ما اغراه الموضوع : همممم... اجل مضطر اروح اكل تشوكليت لحالي
براء طلع راسه من ورا السرير وهو يقول بتفاجؤ: توتيييييت؟
عبدالعزيز ابتسم : ايه توتيت يلا تعال البس ولا بروح عنك
براء جا ركض متحمس ومندفع
عبدالعزيز مسكه وهو يضحك: شوي شوي .. شوي شوي
ولبس براء بيجامته وسليبر الدباديب حقه ومشط شعره وهو يستمع لسوالفه عن التوتيت وشقد يحبه ومتحمس ياكله او هذا الي فهمه عبدالعزيز
لما انتهى اخذ عطر براء وقرب منه و رش على ملابسه منه بس براء صار يصارخ بحماس يبي هو الي يرش بنفسه
ابتسم واعطاه العطر وبراء صار يحاول يرش لنفسه ولصق العطر ببلوزته وصار يضغط عليه لين طلع صوت
براء ناظر ابوه مبسوط وراح له يبي يرش له وهو متحمس
عبدالعزيز ضحك وشم بلوزته : الله صارت ريحتي حلوة زي براء ،شكرا بابا يلا عطيني اياه "وفتح يده" ابي العطر
براء كان يشوف يده وهو متردد مايبي يعطيه يبي يلعب فيه
عبدالعزيز باسلوب مقنع: يلا حبيبي عشان نروح ناكل نمنم وتشوكليت هاته ابيه
براء اقتنع تماما واعطاه العطر
عبدالعزيز ابتسم : شااااطر ، عفية على ولدي !! "وصفق له "
براء صار يضحك مبسوط بالتصفيق
ورجع العطر مكانه ومسك يد براء يمشي معه ولما اقتربوا من الدرج شاله ونزل وراح للمطبخ ترك براء على كرسيه الخاص وبدا يجهز اكله وهو يسولف معه وهو مستمتع اشتاق لقضاء الوقت مع براء يحس انه كان منشغل عنه شوي هالفترة
لبسه الصدرية عشان لايوسخ ملابسه و بدا يأكله بس براء كان مصر ياكل بنفسه فتركه على راحته وهو مبتسم ع سوالفه
براء بكل لطافة مد لابوه لقمة: بابا نمنم
عبدالعزيز ابتسم واكلها منه وبعدها باس يده : وه فديت هاليد اكلهاااا
براء عجبته السالفة وصار يحاول يأكل ابوه وهو مبسوط : اننو مامي نين
عبدالعزيز تنهد وقال وهو يأكل براء : حتى انا اشتقت لها مع ان توي قبل كم ساعة شايفها "وناظر ساعته" صارت تسعة يعني صارلها ٦ ساعات من راحت وياطول هال ٦ ساعات احس وكأن اسبوع الي مر من اخر مرة شفتها
براء وهو يمضغ الاكل : مامي نمنم
عبدالعزيز : ايه اتوقع انها تعشت مع يوسف وسيف وامها وابوها
براء بحماس: سففففف
عبدالعزيز ابتسم : ايه سف
براء صار يتكلم بحماس عن سف مع بعض الطلاسم
عبدالعزيز يومئ كنه فاهم عليه : فهمت !.. ياحبك لهالسف ، "وناظر ساعته" متى بس ترجع
براء وهو يلعب بالاكل : مامي نين
عبدالعزيز بسرحان :تتوقع ليش مامتك نين ماتصدقني ؟ ليه مو راضية تقتنع بمشاعري لها؟ انا وين غلطت بس ؟
براء يناظره وهو يحط الملعقة بفمه
عبدالعزيز : احسها فاهمة وتدري بس مو راضية تعترف.. بس ليه يعني ؟ تتغلا؟ في فبالها شي معين تبيني اسويه؟
وانتبه على براء الي لعوز الاكل بعدما شبع منه و شاله وغسل له واخذه معه عشان ينومه وسرعان مانام براء بعد الشاور والاكل ونسى امر التوتيت تم خداعه بالكامل !
تركه بسريره بحذر وغادر غرفته و وصى ناتالي عليه وسوى له قهوة وراح لمكتبته
جلس بجانب الجدار الزجاجي يشرب القهوة وهو يقرا احد الكتب.. او يسوي نفسه يقراه
كان كل شوي يتفقد ساعته ويا سبحان الله الوقت ماكان يمر بهالساعة لدرجة انه شك فيها وصار يشيك جواله بس للاسف لقاه نفس الوقت
كان وده يراسلها يسالها متى بترجع بس كان ماسك نفسه طول الوقت
ماوده يزعجها وماوده يحسسها انه لهالدرجة ينتظر رجعتها
ترك الكتاب وفتح جواله يشيك ع حساب إلين وابتسم اووووه قبلت اضافته
اوه ويت سوت له فولو باك؟
يمه قلبي انا شفيني تحمست من مجرد فولو ؟
ضحك بسخرية وهو مصدوم من ردة فعله حس نفسه مراهق
كان متحمس يشوف ايش المنشور بالحساب الي بوستاته مو كثير وفتح اول بوست وتفاجئ
كانت صورة براء وهو بكامل اناقته لابس ثوب بحفلة شادن وفهد
وبنفس البوست صورة ثانية لبراء مع الكيكة الي كان متحمس ياكلها وكان بالصورة مركز ع الكيكة ويدينه عليها و خدوده كلها كيك !
ضحك وهو يشوف الصورة
هالدب متى استفرد بالكيكة ؟ وكيف اعطوه كيكتهم يلعب فيها ان شاءالله انهم شالوها منه بعد الصورة
هالولد الله يستر لايجيه سمنة بعدين من كثر مايحب الحلويات مع انه مازال بوزن مثالي بس لازم نكون حريصين
نزل عيونه للمكتوب تحت البوست
" باء كيك🧁💗💗"
اوووه هذي الجملة الي قالها براء لما راح لشادن وفهد !
فتح التعليقات