Part:6
بسم الله
قراءة ممتعة💕✨
توجه للشاليه و راح للمطبخ..المكان الي يتوقع وجود الشخص الي يدور عليه هناك
وفعلا سمع صوتها
مادخل بس نادها:يمه
الي داخل انصدموا من نبرة الصوت..ماكان يصارخ بس واضح انه كاتم عصبيته
طلعت ام عبدالعزيز وهي مستغربه: خير ؟
عبدالعزيز وهو عاقد حواجبه: ممكن تجين شوي بكلمك
ام عبدالعزيز : طيب
وراحت معه لغرفة لحالهم
ام عبدالعزيز بقلق: شصاير
عبدالعزيز وحواجبه معقوده:يمه ابيك تقولي لي وش صار مع براء لما رحت
ام عبدالعزيز باستغراب: شقصدك بالضبط؟
عبدالعزيز: يعني قصدي في احد حاول ياخذه او في احد كان مهتم فيه
ام عبدالعزيز بتفكير: لا..اهل امه شافوه مرة او مرتين بس ..كان دايما معي او مع فارس و واحيانا يشوف بنات خالتك بس ..ليش تسئل؟
عبدالعزيز بغضب واضح: خالات براء رفعوا قضية وصاية
ام عبدالعزيز بصدمة: ايش!!!!
عبدالعزيز بغضب : ما ادري وش نيتهم لكن مستحيل ياخذون براء"صوته صار يخوف"كان اخر همهم ولما عرفوا اني بتزوج قرروا فجأة انهم يبونه سبحان الله !!
وترك امه ومشى طالع من الغرفة
ام عبدالعزيز تنهدت : لاحول ولا قوة الا بالله العلي العظيم
عبدالعزيز كان ماشي مسرع مرا وعند باب الفيلا ضرب فيه شي من جنبه وطاح الشي
لف ولقى إلين طايحة ع الارض و حاطة يدها ع جبينها الي ضرب في كتف عبدالعزيز
عبدالعزيز بنظرات حادة: انتي ماتشوفين
وتركها ومشي
إلين ناظرت بصدمة
الحيوان
فوق ما انه طيحها بسبب سرعته ما اعتذر لا ويحط الغلط عليها بعد!
هذا الي يسمونه شين وقوات عين!!
سمو : إلين تعورتي ؟
إلين ناظرت سمو الي قربت منها وساعدتها تقوم وهي تبتسم"ف": لا
سمو تناظر مكان ماراح عبدالعزيز وهي تتنهد: الله يعينك عليه شفيه معصب
إلين "ف": ما ادري
شادن: انا ادري
لفوا عليها
كانت متكية ع حافة الباب وبيدها شبس وتناظرهم بجدية
سمو: ليش كان معصب
شادن: خالات براء رفعوا قضية وصاية
إلين وسمو انصدموا
سمو: وانتي كيف عرفتي
شادن : سمعته يتكلم مع خالتي
سمو بغضب: يعني تنصتي عليهم؟عيب شاادن!!!
شادن تاكل شبس بعدم اهتمام: لا كنت مارة وسمعت بالصدفة😌✨
إلين بحزن"ف": راح ياخذون براء؟
شادن بجدية: مستحيل
سمو: لاتخافي عبدالعزيز مارح يخلي ولده لاحد ماحد راح ياخذه
إلين بقلق"ف": ان شاء الله
شادن : صح تذكرت!ماما قالت لي اناديكم للغدا
سمو: ما شاء الله عليك بدري !
شادن: شسوي نسيت😌
سمو تدفها لداخل: امشي امشي
إلين"ش": وين نرفانا؟
سمو :اتوقع عند البحر
إلين"ش": طيب انتوا روحوا انا بناديها
شادن وسمو: اوك
إلين راحت تدور نرڤانا ولقتها عند البحر ..قدامها لوحة وماسكة الفرشة وتحركها ع القماش بحماس واضح ..مو وكأنها ترسم..كأنها تتنفس الحياة ..مو وكأنها تلون..وكأنها تراقص الفرشة..
منطرها سعيد لدرجة! إلين ماحبت تقاطعها وتفسد اندماجها ..كانت مبسوطة بنرڤانا الجديدة الي تشوفها قدامها ! من بدت ترسم للمعرض وهي ترسم بطريقة غير عن قبل..الظاهر لقت شي يلهمها !✨
بعد ٥ دقايق لفت نرڤانا وهي تنتبه ع وجود إلين: إلين
إلين ابتسمت"ش": ازعجتك؟
نرڤانا ابتسمت: لا طبعا
إلين قربت منها وهي تشوف اللوحة"ش": كنت بناديك للغدا بس حسيتك مندمجة وماحبيت اقاطعك ..وبنفس الوقت حسيت ان حتى لو قلت لك ماكنتي راح تتركين الرسمة صح؟
نرڤانا بضحكة: ايي..شرايك؟
إلين تناظر اللوحة ..كانت عبارة عن منظر البحر والسماء لكن في بعض الاضافات من نرڤانا "ف": تجنن!
نرڤانا : لما اخلصها بتصير احلى
إلين"ش": اقدر اسألك سؤال؟
نرڤانا : طبعا
إلين"ش": من وين يجيك الالهام؟
نرڤانا تذكرت زياد وحمر وجهها: مادري
إلين ابتسمت وهي تقول بعدم تصديق"ف": زياد؟
نرڤانا ناظرتها بصدمة: هاه؟ لا وش دخل زياد
إلين ضحكت"ش" : انا قصدي وزياد من وين يجي له الالهام
نرڤانا زاد احراجها:هاه؟
إلين كملت ضحك عليها انكشفت خلاص
.................................................................................
أنت تقرأ
قلبي عزيز ما ياخذه إلا عزيز !
Romansa"جلُ مافي القلبِ أُحبك .. انا أُحِبكِ هل تسمعين؟ انا احبكْ ! هلّا بادلتني هذا الحبَ... يا إلين؟" الرواية باللهجة السعودية العامية ... التصنيفات : رومانسية ، عائلية ، كوميدية ، اكشن ، شعر روايتي الشخصية وبعض الاشعار المكتوبة من كتابتي وما ابيح النقل...
