قصة 🍺🍫 نـــــٌبّـــــض .آلَريــــّــفـــــي 🍺🍫 بالدارجة المغربية

🌾 الفصل التاسع🌾

••نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء :62

شمس :(تحملت وقفاتها وحتا هي ماشي قل منها عارفة الى شي واحد ساق الخبار غينحرها ومايحنش فيها ) شوووو سكتي دابا البكا ماعندو باش غيفيدك عطيني لادغييس ديال هاد البرهوش .. وعطيني أي معلومة كتعرفيها عليه ..وأجي بعدا واش كنتي كتصيفتي ليه فيديوهات ديالك حيت هادشي مصور فالدار ..

روح:( كتشهق ) تيقي بيا عمري صيفت ليه شي حاجة ماعرفتش منين جاابهم .. ماعرفتش تيقيني والله مااعرفت ...

شمس : ( كادور فالبيت وكتقلب على شي حاجة مشات الدريسينغ والحمام وسط البيت لفت انتباهها حاجة وحدة 3العوينااات معلقااهم تما واول مرة تشوفهم هزاتهم ورجعات لعندها ) روح فيقي معايا ماشي وقتو شوفي فيا منين جااوك هادو وكيفاش وصلو لعندك ..

روح:(هزات فيها عينيها داابلين ) هو جابهم ليا كاادو حيت حيت قاليا كيخاف عليا من العين وطلب مني نعلقهم فالحمام والدريسينغ وقبالت الناموسية..

شمس:(كتقلب فيهم من كاع الجوايه باغا تأكد من داكشي اللي كيدور ليها فدمااغها فكاتهم بتلااتة وداكشي اللي كانت شاكة فيه طلع فمحلو مركبين كاميرات كيفيلميو .. ومرتبطين بالجبيس يعني يقدرو يخدموهم ويتحكمو فيهم الوقت اللي بغاو وطبعا هو استغل غباء روح وضحك عليها) شيييييت القواااد داير ليك الكاميرات عرف يغلب عليك البهيمة وااش مكلخة فين القفوزية اللي فيك ولا الكلاااخ عما ليك عينيك البرهوشة .. عطيني العنوان ديالو ولا فين كيعمر سربي ونتي بقاااي هنا ماتخرجيش باش مايعيقوش بيك

روح:( اومات ليها بالإيجاب وعطاها العنوان ديال القنت اللي كيعمر فيه كمال غير خرجات شمس من تما هي تكمشاات فوق ناموسيتها والخلعة رااكبااها ...)

عند شمس مشات لبيتها بدلات حوايجها وخرجات كتزرب دغيا ركبات فسيارتها وكسيراات لوجهة مجهولة ... مداازش بزااف حتا كانت واقفة قدام درب شعبي نزلات من الطوموبيل حيدات نضارتها الشمسية .. وعينيها كيقلبو غير عليه ..بان ليها دري صغير مشات عندو كتزرب فخطواتها .. وقفات بصوتها الانتوي ..

شمس:(بهدوء) واش نتا من هاد الحومة ..

الولد:(منبهر فجمالها) اه الزين من هاد الحومة شنو حب الخااطر ..

شمس:(تبسمت)كتعرف كمال ...

الولد:(بعد تفكير ) كمااال كاينين جوج دراري فهاد الدرب سميتهم كمال عطيني الكنية بااش نعرف ..

شمس:( كتقلب فطيليفونها جبدات فوطو مداتو ليه ) هدا هو اللي كنقلب عليه .. وااش كتعرفو فين سااكن ..