قصة 🍺🍫 نـــــٌبّـــــض .آلَريــــّــفـــــي 🍺🍫 بالدارجة المغربية

🌾 الفصل 12 🌾

•نـــــــٌبّـــــــضــــــــــــــــ آلَريـــــــّــفــــــيـــــــّــ••

�أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية�

بقلمي :Imane El Qassimi

الجزء:91

طلعات لبيتها وقفات قدام مرايتها كتشوف فراسها بتركيز .. طلعات راسها من التحت حتا الفوق تبسمت بهدوء ..خدات ديماكيون بدات كتحيد المايكب من وجهها بهدوء والفوندايشن عاد مسحات عينيها اللي حسو بيها فلحظتهم نزلو دموع كانت ياما حابساهم تحت قناع الكبرياء... دمعة مور دمعة رجعات شهقة مور شهقة كضر فالقلب .. غمضات عينيها ودفعاات كاع داك المايكب اللي فالأرض حتا تشتت فالارض .. زولات القفطان اللي لابسة بقات غير بدوبياس .. مخلات حتا بلاصة فداك البيت ماهرساتهااش ...كلشي تشتت الفراش تلاااح فالأرض ..حطات يديها على قلبها حاسة بغصة كتنهش فيها ... بغات تغوت وماقادرااش بغات تخرج وتقول شنو كااين الداخل ولكن ماقادرااش. بقات مدة طويلة على داك الحال ساهية وغير كتفكر . حسات براسها عياات وقفات بشوية مشات الدوش .. جلسات تحت الرشاشة طالقة الما .. كيتسمع غير صوت أنينها اللي كيضر فالخااطر ...ماعرفتش شحال ديال الوقت وهي تما اللي عارفة أنه قلبها كيضرها .. وقفات حاسة براسها غتحماق مخنوقة بغات تغوت .. مشات لدريسينغ لبست كسوة قصيرة مع كيلوط . هزات صندالة پلا .. وخرجات من بيتها نيشان الفوق غير وصلت فتحت عليها الباب كانت متكية ففراشها والنهايه مزايرش عينيها غير. شافتها وقفات عندها ..

شمس:(بحرقة) وااش غنبقاو ديما هاكا كاتمين كلشي الداخل واش ماعندناش الحق نغوتو ونخرجو باش حاسين .. علاش حنا بالظبط علااش حنا اللي خاصنا نبقاو قويات علاش ماعندناش الحق نبينو ضعفناا .

ليساء:( بألم) حيت ماعندناش الحق .. حيت الناس اللي بغينا نبينو ضعفنا قدامهم هما أكتر الاشخاص هرسونا .. دمرونا وخلاونا نوليو بااردين بلا أحاسيس بلا مشاعر بحال الجمااد

شمس:( نزلو دموعها) وانااا عيييت مابقيتش قادرة نخبي قلبي مابقاش قادر يتحمل .. عقلي حبس مكنتخاايلش نشوفو معاها هي وماشي أنا .. قولي ليا شنو اللي فيها هي ومافيااش أنا علااش ختارها هي ومختارنيش انا .. علاش قلبو دق ليها هي ومادقش ليا انا ..

ليساء : (نزلات دمعة حارة كتحرق خدها) علاش بغااني انا وماشي هي .. علاش دمر ليا حيااتي .وحياتها .. علااش مخلانيش نكون بنتو .. علاش علاش ماعنديش جوااب ..

شمس:( قربات شدات ليها فيديها ) أجي معاايا ... بغيت نرتااح ونريحك حتا نتي.

ليسااء:(تبسمت وسط دموعها ) غاتقدري ديريها غاتقدري تخلي العافية اللي شاعلة فيا طفا ..

مجاوبتهاش جراتها من يديها حتا قلب القصر وصت الصالون اللي كيتجمعو فيه كااملين ... شدات ليها فيديها مزيرة عليها ... ونطقاات