قصة 🍺🍫 نـــــٌبّـــــض .آلَريــــّــفـــــي 🍺🍫 بالدارجة المغربية

🌾 الفصل 28 🌾

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:253

خرجت من الحمام ديال الكلينيك مشات نيشان البيت اللي كانت فيه روح .. من بعد ماعرفت راه فاقت باش تطمن عليها ... كانت خااوية ومافيها حتا شي وااحد .. مشات كتزرب فخطاويها ناحية الإستقبال .. غير وصلات بانت ليها السيدة المكلفة بالإستقبال تبسمت ليها بهدوء ..

ليساء بنبرة صوت هادئة : عفااك بغيت نسول على روح الصفريوي البنت اللي جات قبيلة .. مشيت للغرفة ديالها مالقيتهاش ..وتخلعت عليها ..

الإستقبال تبسمت بهدوء: خرجوها ا مداام شي نص ساعة دابا باش مشااو .. وراه بيخير فاقت وكلشي عندها مزيان .. والزوج ديالها بغا يديها الدار ..

ليساء تبسمت: واخا شكرا .. تصبحي على خير ..

خدات التيليفون من جيبها جربت تعيط لشي واحد مكاينش اللي جاوبها .. .. بقا ليها غير هو صونات عليه ماردش عليها كتبت ليه ميساج ورجعت التليفون لجيبها .. تنهدت بصوت عالي وخرجت برا بان ليها كرسي خااوي مشاات جلسات فيه وعينيها مع البوابة ديال الكلينيك ربما يجي وتشوفو حيت الوقت داز ومستحيل تلقا شي طاكسي اللي يوصلها فهاد الوقت .. حست بشوية ديال البرد تخلل لجسمها .. جمعات رجليها عندها معنقااهم .. تنهدت وهزات التيليفون .. تاني صونات حتا كيتقطع الخط .. استغربت كيفاش ماسولش وماتاصلش بيها .. هي مشات بالخف الحمام رجعت مالقات حتا شي وااحد .. وقفت متقدمة ناحية البوابة وهي كتصوني ومرة مرة ترسل ليه ميساج على أمل يشوفهم .. بانت ليها سيارة كحلة من نوع رونج روڤر .. وقفت قدام الكلينيك نزلو منها جوج رجال لابسين نفس اللباس ديال اللݣارد اللي فالقصر ... بقات واقفة ممحركاش حتا وصلو عندها ..

الݣارد حاني راسو قدامها : تفضلي معانا امدام آل فخري الى سمحتي .

ليسااء بإستغراب: فين غادي نتفضل علاش شكون نتوما ..

الݣارد بنفس النبرة : صيفتنا السي ثائر باش نوصلوك الداار ..

ليسااء بهدوء: علاش ماجاااش هو .. شحال صونيت علييه ..

الݣارد : مدام ليساء .. السي ثائر خرجت ليه عملية مستعجلة لطفل صغير اضطر يدخل ليها بلاما يعلمك ..

ليسااء دورات وجهها الكلينيك : وااش هنا .. صافي غير سيرو انا نبقى نتسنى حتا يخرج ..

الݣارد بهدوء : لا فالكلينيك اللي فالحسيمةة.. الى سمحتي خاصنا نمشيو تعطل الوقت وغتمرضي والأوامر تعطاوني باش نوصلك حتا القصر ونأمن دخولك ليه ..