قصة 🍺🍫 نـــــٌبّـــــض .آلَريــــّــفـــــي 🍺🍫 بالدارجة المغربية

🌾 الفصل 17 🌾

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:139

من بعد نهار كامل ديال تمارة ... ناضت غادا الحمام تحت أعين الكل ومن بينهم رحيمو وكريمة .. اللي من اخر مرة تخاصمو مابقاوش ضااور بيها .. هزات حوايجها اللي غتلبس .. بيجامتها ودوبياس ديالها فوطة شمبوان والصابون .. تمشاات ناحية الحمام ..غير دخلات حطات حوايجها فوق لافابو ورجعات باش تسد الباب حتا دفعات هي وياه وجات طايحة الارض... مجاتش فين تهز راسها حتا كانو سدو الباب او وقفو قدامها .. هزات عينيها ببرود او وقفات مقابلة معاهم ... عينيها كيعبرو فيهم .. عرفات نيتهم وباللي ديجا ناوين ليها على شي بلاان ..

رحيمو دفعاتها حتا ضربات فالحيط: انا مدلولة ..ولحاسة الكابة .. دوي انا تحت السباط وبحال الجفاف .. هدري بغيت نسمع ولا يكما القط كلا لسانك ..

ليسااء شافت قطعة زجاج فييديها خافت ولكن بقات متحكمة فراسها: علاش كتقلبو .. واش مكتعيااوش كتبغيو تبانو نتوما الواعراات .. وكلشي يخاف منكم .. انا راه ماشي بحال كلشي انا بوحدي .. كنخاف من اللي خلقني فقط .. فبلاما تحاولو تخلعوني بهادشي اللي فيديكم.. اشارات للزاجة ..

كريمة جبداتها من شعرها: اعتدري منها .. وطلبي السماحة

قولي ليها سمحي ليا الآلة رحيمو مانعااودش الى بغيتي تخرجي من هاد الحمام بلا حتا علامة تخسر ليك ملامح وجهك .. تحركي ..

رحيمو هزات يديها مقربة الزاجة منها حطاتها نيشاان فوق حنكها : يلااه سربي ماعندكش الوقت طلبي السماحة وتحناي بوسي ليا رجلي بااش نرضى عليك ..

ليسااء دورات عينيها كتشوف فالزاجة فوق خدها : والى مادرتهاش شنو غاديري متلاا غتخسري ليا وجهي .. غتبردي الى درتيها .. هاوجهي قداامك ديريها ياك مكتخافيش جربي وديريها ..

رحيمو بلا عكز عليها قربات كتر وهبطات ديك الزاجة نيشان لدراعها قبل ماتجر جرة اللي تخلي ليساء تخرج أنين كاتم لغواتها : ماشي غير وجهك أي بلاصة فلحمك نخلي فيها علامة شنو قلتي غتعتدري ..

ليسااء حطات يديها على الضربة اللي فدراعها متحكمة فراسها مانطقات بحتا شي كلمة من غير انه تلاحت عليها بالتصرفيق مخايفاش منها كضرب وتنتف باغا تخرج كاع الغضب ديالها فيها كاع وجهها جبداتو ليها ومزال مابردااتش ليها .. عنقها شرطاتو ليها بضفرانها هزات يديها باغا تصرفقها حتا شهقت حادرة عينيها ناحية كرشها كانت رحيمو استغلت الفرصة وخشات ليها القطعة ديال الزاج فكرشها .. من بعد دفعاتها حتا طاحت الارض ..