قصة 🍺🍫 نـــــٌبّـــــض .آلَريــــّــفـــــي 🍺🍫 بالدارجة المغربية

🌾 الفصل 22 🌾

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:194

ليساء بهدوء: ماعمري ماعشت شي مشكل فحياتي .. حتا الإحساس انه يقدر يكون عندي مكاانش ... ونهار طحت لقيت رااسي من أول ماخلقت فهاد الدنيا وأنا غير فالمشاكل...اللي عاد كتاب ليهم يباانو ...وباانو فدقة تقتي فبابا اللي اتهرست ..ماما اللي جابتني الم//وت بلاما يبقى فيها الحال ... كنت وسط كدبة كبيرة .. ..

ثائر ببرود: غتقولي كلشي تأكدتي باللي خروجنا من هنا خاصو معجزة. ... خوي قلبك ..على الاقل تمشي صاافية ...

ليسااء غمضات عينيها حسات بشوية ديال البرد : بدا كيبرد .. شوية غيتزاد وحنا واش نقدرو نستحملو البرد .. ماعمري ماعجبني الشتا .. ديما كنت كنتخبى فالدار نهار كنخاف من الرعد والبرق كنخاف من الشتا كنت كنخاف من البرد ..ودابا غنم//وت غير بيه ... ماعرفتش علاش خاايفة ومرعوبة .. حاسة بخوف رهيب كيتساارا معايا .. يمكن من الم///وت ..

ثائر شاف فيها كيفاش كتهدر وكترعد شد ليها فيديها : شووووو متبقاايش خاايفة انا هنا معااك ...

ليسااء هزات فيه عينيها: علاش تلاقينا فهاد الوقت بالدات وقت درنا فيه غير المشاكل لبعضنا...

ثائر مزير على يديها: مكتااااااب ....

ليسااء قربات كتر حطات راسها فوق كتفو : نقولك واحد الحاجة...

ثائر: قولي ؟؟؟؟

ليسااء تبسمت بهدوء : ماعمري حسيت بالأمان حتا كنت معااك ... ماعمري حسيت باللي مرتاحة نفسيا وجسديا حتا بنتي فحياتي ..واخا كنا بحال القط مع الفار .. ماعمرنا بغينا بعضنا ولا تفاهمنا .. ولكن ماعمري خفت منك ولا حسيت باللي شي نهار ممكن تأديني ..

ثائر تبسم: ليسااااء ..

ليساء هزات فيه عينيها أول مرة يعيط ليها بسميتها: نعااام...

ثائر هز عينيه فيها: ماعمر شي حد قدر يخرجني من نوبات الهلع حتا جيتي نتي .. كنت ديما كنخرج راسي برااسي .. حتا جيتي نتي قدرتي ديريها ..

نـــــــٌبّـــــــضــــــــــــــــ آلَريـــــــّــفــــــيـــــــّــ••

🍁أخوضُ حُرباً بِعَيناكَ بأسقَاط الرَاء.

فأعلن استسلامي اسير عيونك الفحمية🍁

بقلمي :Imane El Qassimi

الجزء:195

كان داخل القصر .. حتا بانت ليه فلاصاال كتريني .. قلب الدورة عندها .. بقا مدة طويلة مراقبها وهي مارداااش ليه الباال سها فيها وفحركاتها وكيفاش كتخرج طاقتها السلبية بالرياضة .. قرب عندها جرها دراعها عندو ..هزات فيه عينيها معصبة من ريحتو قدرات تعرف باللي هو .. نترات يديها من يديه وحيدات الكاسك دالموسيقى اللي كانت مركبة .. وشافت فيها بنضرة عامرة حقد وكره قدر يفسرها ويفهمها ...