[Zawgyi]
9
တရုတ်စံကားပန်းပုံလက်ကိုင်ပုဝါလေးကိုကိုင်လျက် သွေးပြုံးနေမိသည်။ ထိုပန်းထိုးပုဝါလေးကို သွေး သီးသန့်အပ်ခဲ့ခြင်းဖြစ်ပြီး ရတနာအစစ်တွေပါထည့်ထိုးခိုင်းထား၏။
စိမ့်ကဘာပန်းကြိုက်မှန်းသေချာမသိလို့ သွေး သူမစမြင်ဖူးသည့်တရုတ်စံကားပန်းပုံလေးကိုသာရွေးချယ်ခဲ့သည်။
အချိန်သည်မနက်၈နာရီစွန်းစွန်းသာရှိသေးကာ လမ်းဘေးတစ်နေရာတွင်ရောင်လျှံသွေးကားရပ်ပြီးတစ်စုံတစ်ယောက်ကိုစောင့်နေမိသည်။
မကြာမီ Range Rover အဖြူလေးတစ်စီးကိုမလှမ်းမကမ်းတွင်သွေးလှမ်းမြင်လိုက်ရသည်။ ထိုကားလေးနီးလာသည်နှင့်သွေးထိုကားရှေ့မှပိတ်ရပ်
လိုက်ရာ ကားလေးသည်ရုတ်တရပ်ရပ်တံ့သွားလေ၏။
"ရောင်လျှံသွေး"
နှုတ်ခမ်းဖျားမှခပ်တိုးတိုးရေရွတ်ပြီး စိမ့်ကားကိုလမ်းဘေးထိုးလိုက်သည်။သွေးသည် စိမ့်၏ကားတံခါးဘေးကိုလာမှီရပ်၏။ စိမ့်လည်းကားမှန်ချလိုက်သည်။
"ဒေါက်တာအမရာစိမ့်ကအချိန်တိကျတယ်နော်"
အစပ်အဆက်မရှိသည့်သွေး၏စကားကြောင့်စိမ့်ကမျက်ခုံးလေးအသာတွန့်တော့ သွေး ပြုံးလိုက်သည်။
"ခုက၈နာရီ၂၀ ဒီနှုန်းနဲ့ဆက်သွားရင်ကျောင်းကိုနာရီဝက်အတွင်းရောက်မယ် ၉နာရီမထိုးဘူးအချိန်အတိအကျပဲလေ"
စိမ့်ရယ်ချင်မိသွားသည်။ ရောင်လျှံသွေးရဲ့စကားက
မိမိုက်သလိုပုံစံပြောနေသော်ငြားစိမ့်ရယ်ချင်ပါသည်။
သို့သော်စိမ့်ကအပြုံးကပ်စေးနည်းသူမဟုတ်လား။
"ခု မရောင်လျှံသွေးက ကျွန်မကိုနှောင့်နှေးအောင်
လုပ်နေတာလား"
ခပ်တည်တည်မျက်နှာထားဖြင့်စိမ့်ပြန်မေးတော့ သွေး တစ်ဖက်ကိုလှည့်လိုက်၏။ ထို့နောက် သွေးဟာသူမလက်တစ်ဖက်ထဲမှ လက်ကိုင်ပုဝါလေးတစ်ထည်စိမ့်ကိုပေးလေသည်။
"လက်ကိုင်အိတ်မှာချည်ထား"
စိမ့်ကကြောင်သွားပုံရှိပြန်၏။
"လက်ဆောင်ပါ"
ကြောင်ရုံမကထိုတစ်ခါတော့စိမ့်၏မျက်လုံးဝိုင်းလေးတွေပိုလို့ဝိုင်းစက်လာသည်။ ညှို့ဓာတ်ပြင်းတဲ့မျက်လုံးဝိုင်းလေးတွေသည် သွေး၏ခပ်ညိုညိုမျက်ဝန်းတို့ကိုအံ့ဩပုံလေးဖြင့်စိုက်ကြည့်လာရာသွေးအသက်ရှူဖို့တောင်မေ့ပါသည်။
