[Zawgyi]
37
"မောင်မင်းထိုက် အခြေအနေဘယ်လိုနေလဲ"
"ကောင်းပါတယ် ကြီးကြီးမားမားထိသွားတာမရှိဘူး"
ထမင်းစားနေရင်းမေးလာသောသောမေမေ့အမေးကို
စိမ့်ခပ်အေးအေးလေးပြန်ဖြေကာ စားစရာရှိတာကိုဆက်စားနေ၏။ စိမ့်ပုံစံကစိုးရိမ်နေတာလည်းမရှိ။ သူမတို့စကားကိုလက်ခံပြီး စိမ့်သည်အမျိုးသားတစ်ယောက်ကိုရင်းရင်းနှီးနှီးဆက်ဆံလို့ ဒေါ်သက်ထားဝေတို့စိတ်ချမ်းသာနေရပေမဲ့ စိမ့်ခုပြန်ဖြေလိုက်တဲ့ပုံစံကအေးလွန်းနေသည်။
"ဒီနေ့လည်းထပ်သွားလိုက်ဦးနော်"
မေမေ့စကားကြောင့် စိမ့် မျက်မှောင်လေးတစ်ချက်မသိမသာကြုံ့မိသွားသည်။ ယောက်ျားတစ်ယောက်ဆီကိုစိမ့်ကဘာလို့ခဏခဏသွားရမှာလဲ။ ရင်းနှီးပေးလို့ရပေမဲ့ စိမ့်လိုတာထက်တော့မပိုနိုင်ပါ။
တစ်ခွန်းမှပြန်မပြောသဖြင့်ဒေါ်သက်ထားဝေသည် စိမ့်မျက်နှာကိုလှမ်းအကဲခတ်သည်။ ထိုကောင်လေးကိုလက်ထပ်ဖို့စိမ့်ကိုတိုက်တွန်းရမည်ဖြစ်၏။သူနဲ့သာဆိုစိတ်ချသည်။
"မင်းထိုက်ကို စိမ့်ရဲ့ခင်ပွန်းလောင်း..."
"စိမ့် အိမ်ထောင်မပြုချင်ဘူး မေမေ"
ထွက်ကျလာသောစကားသည် ဓာတ်ပြားဟောင်းဖွင့်တာနဲ့တောင်တူနေလောက်ပြီ။
"ဘာလို့လဲ စိမ့် မင်းထိုက်ကလူကောင်းပါ စိမ့်သူနဲ့လည်းအဆင်ပြေတယ်မလား"
"ကိုမင်းထိုက်ကစိမ့်အတွက်မိတ်ဆွေကောင်းတစ်ယောက်ပဲ"
"ရောင်လျှံသွေးကြောင့်လား"
ထိုအမေးကြောင့်စိမ့်ဟာဒေါ်သက်ထားဝေမျက်နှာကိုကြည့်နေရာမှ ချက်ချင်းအကြည့်လွှဲမိသွား၏။ ရောင်လျှံသွေးကြောင့်လားတဲ့။ မဟုတ်ဘူးလို့အသိစိတ်ကတုံ့ပြန်နေသည့်တိုင် မသိစိတ်သည်၊ ရောင်လျှံသွေးကိုဥပေက္ခာပြုလိုက်ပါပြီဆိုသော နှလုံးသားသည် မဟုတ်ဘူးဆိုတဲ့အဖြေကိုလက်ခံမနေပါ။ နှလုံးသားရဲ့အနက်ရှိုင်းဆုံးအစိတ်အပိုင်းထဲတွင်ရောင်လျှံသွေးဆိုသောနာမ်စားသည်ဖယ်ထုတ်မရအောင်ကပ်ညိနေဟန်ရှိသည်။
