[Zawgyi]
46
"ခြေနှစ်ချောင်းသားပဲစားတယ်"
နားစည်ကိုလာရောက်ရိုက်ခတ်သည့်အသံရှရှလေးသည်သွေး၏ခန္ဓာကိုယ်တစ်ခုလုံးရှိအင်္ဂါအစိတ်အပိုင်းတိုင်းကိုလှုပ်ခတ်သွားဟန်။ သွေးကြက်သီးတွေတဖျဉ်းဖျဉ်းထမိသည်အထိသက်ရောက်မှုရှိသည်။
သူမဘေးအနီးကပ်ဆုံးတွင်ရပ်နေပြီးပြောလာသည့်စကားလုံး၏အဓိပ္ပာယ်ကြောင့် သွေးဟာတံတွေးပါမြိုချလိုက်မိသည်။
"ခြေနှစ်ချောင်းသား...."
ခေါက်ဆွဲအိုးပေါ်မှသွေး၏အကြည့်တို့သည် သူမဘေးအနီးကပ်ဆုံးမှမျက်လုံးဝိုင်းလေးတို့ထံစုပြုံသွားသလို သွေး၏လက်တစ်ဖက်သည်လည်းစိမ့်၏ခါးသေးသေးလေးပေါ်တဖြေးဖြေးချင်းကျူးကျော်လာ၏။
"မောင့်အသေးလေး ကို မောင်ကျွေးမှာပေါ့"
လက်ချောင်းတို့သည်ငြိမ်မနေဘဲ စိမ့်ခါးသွယ်
သွယ်လေးထက်ကူးလူးနေရာ စိမ့်ခန္ဓာကိုယ်လေးတစိခုလုံးကြက်သီးကဖျဉ်းကနဲ။ တဖျဉ်းဖျဉ်းထနေသောကြက်သီးတို့ကိုပိုလို့ပိုလို့လှုံ့ဆော်နေသည့်လက်ချောင်းများကြောင့်စိမ့်မျက်နှာလေးလည်းနီရဲတက်လာပြီဖြစ်ကာစိမ့်ဟာအသိစိတ်ကိုချက်ချင်းပြန်သွင်းလိုက်၏။
"ခြေနှစ်ချောင်းသားဆိုတာ ကြက်သားကိုပြောတာ"
ခါးသိမ်သိမ်လေးပေါ်မှပိုင်စိုးပိုင်နင်းလက်၂ဖက်ကိုခပ်သာသာလေးဖြုတ်ချရင်းစိမ့်ဟာစိတ်၏မငြိမ်သက်မှုကိုမပေါ်လွင်စေရန်မျက်မှောင်လေးကြုံ့လျက်အငြင်းစကားလေးဆိုလေသည်။
သွေး မျက်မှောင်ကြီးကြုံ့လိုက်မိပါ၏။ သွေးထင်ထားတဲ့ခြေနှစ်ချောင်းသားနဲ့စိမ့်ပြောတဲ့ခြေနှစ်ချောင်းသားတက်တက်စင်အောင်လွဲသွားတာလား။ ဒါမှမဟုတ် အသေးလေးဟာဟန်ဆောင်ကာမူတွေပိုနေသလား။
"ကြက်သားထက်အရသာရှိတဲ့အသား...မစားကြည့်ချင်ဘူးလား"
တစ်ဖက်လှည့်သွားသူလေး၏နောက်ကျောကိုသွေးသိုင်းဖက်ရင်းအသံတိုးနုနုဖြင့်ညှို့ယူလိုက်ပြန်တော့ အဆိုပါအသေးလေးရဲ့ကျောပြင်လေးမသိမသာထောင်မတ်သွားတာသွေးသတိထားမိလိုက်သည်။ တစ်ဖက်လှည့်ထားသည့်တိုင် အသေးလေးရဲ့အတွင်းစိတ်ကိုသွေးဖတ်နိုင်နေပါ၏။
