[Zawgyi]
41
"ဟမ် ခါး၂၄"
မျက်လုံးလေးပြူးပြီးအနည်းငယ်ထိတ်လန့်သံဖြင့်မေးလိုက်သည့် စိမ့်ကြောင့် ဒီဇိုင်နာမိန်းကလေးသည် ပြုံးစစလေးဖြင့်စိမ့်ကိုခေါင်းငြိမ့်ပြ၏။
"အတိအကျပြောရရင် ၂၄ခွဲ အစ်မ"
"၂၄ခွဲတောင်ဖြစ်သွားတယ်ပေါ့"
ခပ်စူစူနှုတ်ခမ်းလေးနှင့်အလိုမကျပုံလေးမှာ ကလေးဆန်လွန်းကာချစ်စရာကောင်းလှ၍ ဒီဇိုင်နာမိန်းကလေးမှာမရယ်ဘဲမနေနိုင်သလို ခိုးကြည့်နေသည့်သွေးလည်း ရယ်နေမိသည်။ ၂၃သာရှိတဲ့ခါးသေးသေးလေး ခု၂၄ခွဲဖြစ်သွားလို့အမရာစိမ့်ကမ္ဘာပျက်နေပုံ။
"၂၄ခွဲလည်းလှပါတယ်မမရဲ့ မီးတို့အတွက် ၂၅ဆိုရင်တောင်ပြည့်စုံနေပြီ"
"မမဝိတ်တက်လာတာပဲ အဲ့တာကြောင့်ခါးတွေနည်းနည်းကြပ်ချင်နေတာ"
ဒီဇိုင်နာမိန်းကလေးရဲ့စကားကိုစိမ့်ဟာခေါင်းတငြိမ့်ငြိမ့်ဖြင့်နားထောင်ရင်းအငြင်းစကားလှလှလေးပြန်ဆိုပြန်သည်။
ဟိုးယခင်က မနက်မိုးလင်းလျှင်နာရီဝက် ၄၅မိနစ်လောက် လေ့ကျင့်ခန်းလုပ်ပြီးမှ ကျောင်းသွားအလုပ်သွားဖို့ပြင်ဆင်တတ်သလို ညနေဆိုလည်း gym ဆော့လေ့ရှိပေမဲ့ နောက်ပိုင်းမှာစိမ့်စိတ်ထောင်းကိုယ်ကြေနဲ့လေ့ကျင့်ခန်းလည်းမလုပ်
ဖြစ်ပါ။
ထိုမျှမက စိမ့်ပိန်သွားပြီးနောက်ပိုင်း ဖေဖေနဲ့မေမေကစိမ့်ကိုအားဆေးတွေသောက်ခိုင်းလိုက် အစားတွေအတင်းကျွေးလိုက်နဲ့လူကနည်းနည်းဝိတ်တက်လာတာထင်သည်။
အပ်ရမဲ့အထည်သစ်လေးတွေအပ်ပြီးနောက် စိမ့် ဆိုင်ထဲကထွက်စဉ် သူမခါးလေးကိုလာထိတွေ့သူတစ်ယောက်။
"အမလေး.."
"မောင်ပါ"
"ရှင် ဘယ်လိုရောက်လာတာလဲ"
မျက်မှောင်လေးအသာကြုံ့မေးနေသော်ငြား မျက်နှာလေးမှာမကြိုက်တဲ့ပုံစံတော့မဟုတ်ပါ။
"အချစ်ရဲ့ကိုယ်ရံတော်လေ စိမ့်သွားတဲ့နောက် မောင်အမြဲရှိနေမှာ"
