[Zawgyi]
40
"တီချယ်စိမ့်ကြည့်ရတာပုံမှန်မဟုတ်ဘူးပဲ"
သဲလွှာမျက်မှောင်လေးကြုံ့လျက် လက်ညှိုးလေး၂ချောင်းကိုအပြန်အလှန်တို့ရင်းတစ်ယောက်တည်းအတွေးနယ်ချဲ့နေမိသည်။
အတွေးချဲ့ရခြင်းအကြောင်းမှာစိမ့်ရဲ့မြင်နေကျမဟုတ်တဲ့အမူအယာကြောင့်ဖြစ်မည်။ စာသင်ခန်းထဲဝင်လျှင်မျက်နှာတည်လေးနဲ့အမြဲနေတတ်တဲ့စိမ့်၊ တစ်နာရီခွဲလုံးမှာမှ၅မိနစ်လောက်ပြုံးရင်တောင်အတော်လွန်လှပြီဆိုသောစိမ့်သည် ယနေ့တွင် စဝင်လာတည်းကပြန်ထွက်ကာနီးခုချိန်ထိတစ်ချိန်လုံးပြုံးနေသည်။
ပြုံးတာတောင်ရိုးရိုးအပြုံးမဟုတ်ဘဲ တစ်ချက်တစ်ချက်အောက်နှုတ်ခမ်းလေးကိုကိုက်လိုက်သေးကာပါးလေး၂ဖက်ရဲရဲလာ၏။
ဘာကိုသဘောကျလို့ကျနေမှန်းမသိပါ။ ထို့ပြင်တစ်ခုထူးနေတာရှိသေးသည်။ပန်းမပန်တာအတော်ကြာပြီဖြစ်တဲ့စိမ့်သည် တရုတ်စံကားပန်းလေးကို ဆံထုံးရဲ့ဘယ်ဘက်မှာပန်ဆင်ထားသည်။ ရင်ဖုံးလက်တိုခရမ်းနုရောင်လေးကိုထဘီခရမ်းအရင့်လေးနဲ့လိုက်ဖက်ညီစွာတွဲဖက်ဝတ်ဆင်ထားသလိုဆံထုံးလေးထုံးပြီးပန်းပန်ထားတော့အမရာစိမ့်ယနေ့နန်းဆန်နေပြန်သည်။
သဲလွှာနည်းတူစိမ့်ကိုအကဲခတ်နေသူရှိသေးသည်။ လေပြည်နွေးသည် စိမ့်မျက်နှာကိုသေသေချာချာအကဲခတ်နေသည်။ လွန်ခဲ့သောကာလတစ်ခုက စိမ့်သည် အချစ်ပူမိလို့ စိမ့်နှင့်မတူလောက်အောင်လဲပြိုသွားခဲ့တာနွေးရိပ်မိသည်။ ထိုအချက်ကိုအခွင့်ကောင်းယူပြီးနွေးကိုအားကိုးချင်စိတ်ဖြစ်အောင် နွေးအပေါ်တွယ်တာစိတ်တွေဖြစ်အောင်ကြိုးစားဖို့အရေးအားယူနေခဲ့ပေမဲ့ နွေးကိုမလိုအပ်ခင်မှာပင်စိမ့်သည် ယခင်ကကဲ့သို့ပြန်လည်တက်ကြွလာပြီ။
ထိုသို့ဖြစ်ရခြင်းမှာ မင်းထိုက်ဆိုတဲ့လူကြောင့်လား၊ ဒါမှမဟုတ် သွေးနဲ့ပြန်အဆင်ပြေသွားပြီလား။ ကေကေရွှန်းလဲ့ကိုသွေးကလမ်းခွဲပြီဆိုတော့စိမ့်ဆီပြန်သွားဖို့ရည်ရွယ်နေတာသေချာသလောက်ရှိနေသည်။
နွေးဘာဆက်လုပ်လို့လုပ်ရမှန်းလည်းမဝေခွဲနိုင်တော့ပါ။ နွေးရဲ့ဇာတ်ကိုနွေးတကယ်မနိုင်တော့ပေ။ နွေးဒီလောက်ကြိုးစားထားတာကိုဘာလို့မအောင်မြင်ရပြန်တာလဲ။ နွေး လက်လျှော့လို့မရဘူး စိတ်ပင်ပန်းထားရသမျှ ကျရှုံးသွားလို့မဖြစ်ဘူး။ အမရာစိမ့်ဆိုတာလေပြည်နွေးပဲပိုင်ရမဲ့သူ။
